Luugithõõ 1:7 - ꞌBuuk cĩ Thõõth cĩ Nyekuci

⁷ iita ittirit eeta cĩg Ĩꞌthĩraẽlĩ gẽrrẽẽt, hiita hĩĩtõ mẽẽlĩg hĩbbĩt lõõcĩ cĩ ꞌGõcẽnĩ.

Luugithõõ 1:7 Iomraidhean Croise

ꞌThianaattõ 1:20

Ma ho, õthõõth Nyekuci tarĩ ĩĩ, “Aꞌnyĩĩk hẽlẽggĩ ꞌcĩg mẽẽlĩg ꞌrĩng ꞌcĩg arũgĩ, haauto maamĩtõõ nẽ aꞌnyĩĩk hĩbaallĩ hivvirit hẽẽtahujjieen.”

ꞌThianaattõ 1:28

Ikia aggatan nẽẽ ĩhõõggõ ĩĩnnĩk, “Ittirria lõhõlĩ ꞌcĩg mẽẽlĩg, hátĩ hiita haggamit looc, hĩ ulugo ꞌcĩg aattĩg bũlũcatõõ, hĩ hĩbaallĩ cĩg hẽẽtkujjieen hĩ idiꞌngwa cĩg lootu vẽlẽk.”

ꞌThianaattõ 12:2

“Hõkõ hatĩ haaꞌnyii naa nganiit lõhõlĩ ꞌcĩg mẽẽlĩg ꞌrĩng ꞌcĩg hatĩ õlõman looc cobbi gẽrrẽẽt. Haggatannii hatĩ naa nganiit nẽ haaꞌnyĩha ꞌthaar cugunnig hubulli, hátĩ haggatattĩ eeta vẽlẽk, hĩnĩngĩtĩ nganiita.

ꞌThianaattõ 13:16

Haaꞌnyii hatĩ naa nganiit lõhõlĩ ꞌcĩg mẽẽlĩg ꞌcĩg ĩĩkĩ ꞌthẽẽm loota nĩnga. Nẽ ma aaĩ ẽẽtĩ ꞌcĩ occa agiil ꞌthẽẽm, occa hatĩ agiil nẽẽ lõhõlĩ cugunnig buúk.

ꞌThianaattõ 15:5

Ma nĩngaata, ũũhĩ Nyekuci Abũraamõ battaala nẽ ĩĩnnĩk, “Deenyoth da nõõ hẽẽtkujjieen nẽ má ũũlũ ngaatĩ occa agiili mũnyũny, occa thĩ hatĩ agiili lõhõlĩ ꞌcĩg hõkõ haaꞌnyii naa nganiit ko buúk.”

ꞌThianaattõ 17:16

Haggatani hatĩ naa ĩnõõnnõ hittira loholeec ꞌcĩ maacĩ nẽ haggatana ĩnõõnnõ hikia hĩĩ aattĩ eet ꞌcĩg mẽẽlĩg loota nĩnga. Au hatĩ habuẽẽta cĩg eetuk lõhõlẽẽnĩĩ ĩcĩgĩnnĩg ko.”

ꞌThianaattõ 22:17

Haduhaakii ꞌyioko hanneekii nẽẽ, haaꞌnyii hatĩ naa lõhõlĩ ꞌcĩg mẽẽlĩg gẽrrẽẽt ꞌcĩg hatĩ ĩĩkĩ mũnyũny cĩg hẽẽtkujjieen ko, hode ꞌcĩg mẽẽlĩg ĩĩkĩ hathaac ꞌcĩ aaĩ dẽmẽtaa cĩ bũlũcõ. Ĩllõõan hatĩ lohollia cugunnig mĩrõk nẽ aggamta ĩhõõggõ ꞌtaaũnniook cĩggĩĩng.

ꞌThianaattõ 26:22

Ma ho, uluug Iꞌthaako nĩngaata nẽ ũũk adawa wĩĩtaneec umwa tarĩ. Baa aattĩ aitiõõ hõllõngaa ẽggẽrꞌnyõõ tũhayyiooha. Nĩngĩtĩ akannẽẽkĩ wĩĩtaneec tĩho ꞌthaar ꞌcĩg haĩ Rehoboth, nẽ ĩĩ “Ĩbbaanneet Makayyioohiti nĩngĩtĩ haattiyyi lõꞌngõõc looccaa cĩ nẽ haballi hatĩ nĩnga.”

ꞌThianaattõ 26:4

Haaꞌnyihi hatĩ naa lõhõlĩ cugunnig hiita hĩĩtõ mẽẽlĩg gẽrrẽẽt, haauto hĩ mũnyũnya nẽ haaꞌnyĩha ĩhõõggõ looc icci vẽlẽk. Haari hatĩ naa lõhõlĩ cugunnig hĩĩ ꞌcĩg haggatanĩĩ loonyin vẽlẽk loota nĩnga.

ꞌThianaattõ 28:14

Mẽẽlĩg hatĩ lohollia cĩg lõhõlĩ cugunnig haauto hĩ ꞌthẽẽma cĩg lootu. Ĩꞌthanothoothĩk hatĩ nẽẽg looc ĩĩ gõõng õkõlõõthĩkĩ kõrra hĩ ĩĩcĩ uruto nẽ ĩꞌthaattothoothĩk ĩĩcĩ hujjieen hĩ ĩĩcĩ holooc buúk. Ĩĩn hatĩ eeta cĩg õlõ cunni ꞌgattan cĩ eet vẽlẽk.

ꞌThianaattõ 35:11

Nẽ ĩĩnnĩk Nyekuci ĩnõõnnõ tarĩ, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. ꞌTira lõhõlĩ ꞌcĩg mẽẽlĩg. Au hatĩ eeta cĩg looc nicci vẽlẽk lõhõlẽẽnĩĩ cugunnig nẽ au hatĩ ĩĩn lohollia cugunnig ũgẽẽgĩ habuẽẽt ꞌcĩg obbitig.

ꞌThianaattõ 46:3

Nẽ ĩĩnnĩk Nyekuci ĩnõõnnõ, “Nganĩĩt Nyekuc, Nyekuc cĩ maaconu ꞌcĩ hõthõõthakii ho. Ma hiꞌngolli ngaatĩ õkõõĩ Ijjiba. Haaꞌnyihi hatĩ naa hattũũg cunni ho hũũk hĩtĩlĩtha looccaa ĩĩca hiita hĩĩtõ eet ꞌcĩg mẽẽlĩg.

ꞌThianaattõ 47:27

Ma baa õlõman eeta cĩg Ĩꞌthĩraẽlĩ Ijjiba ngaatĩ haĩ ꞌGõcẽn ko, ikia ĩtĩlĩtha hattũũg cĩ õlõ cĩ Ĩꞌthĩraẽlĩ ĩĩ maka nẽ tarĩ abalõ gẽrrẽẽt buúk.

ꞌThianaattõ 48:16

hĩ Aajĩlõ baa ẽẽlannaa nganĩĩt thooꞌthiohĩ ĩĩcĩg abathĩ vẽlẽk, haggatan buul iccig. Aꞌnyĩĩk ꞌthaar cĩgannĩg hĩ cĩg hĩbaangĩ cĩgannĩg Abũrahaamõ hĩ Iꞌthaako haallattia hĩ ĩhõõggõ. Aꞌnyĩĩk Nyekuc hĩbbaan ĩhõõggõ lõhõlĩ ꞌcĩg mẽẽlĩg loota nĩnga.”

ꞌThianaattõ 48:4

nẽ ĩnnĩhaa, ‘Haaꞌnyihi hatĩ lõhõlĩ cĩg hattũũg cunni hĩĩtõ mẽẽlĩg ꞌrĩng. Haaꞌnyihi hatĩ naa ĩhõõggõ looc icci hĩĩ cĩnĩĩng ũdũt ĩꞌthõng hittirriaak lõhõlĩ cĩggĩĩng.’ ”

ꞌThianaattõ 9:1

Baa aggatan Nyekuci Nõõa hĩ buul cĩgĩnnĩg anneek, “Aꞌnyahit lõhõlĩ ꞌcĩg mẽẽlĩg ꞌrĩng. Aꞌnyĩĩk lõhõlĩ cugguung buúk hiita haꞌnyahit lõhõlĩ ꞌcĩg mẽẽlĩg, hátĩ hĩbbĩtĩt looc nicci vẽlẽk.

Luugithõõ 1:12

Tananga ommogeek eeta cĩg Ijjibi eet cĩg Ĩꞌthĩraẽlĩ dtiicanĩ gẽrrẽẽt, au hinnia arrit eeta cĩg Ĩꞌthĩraẽlĩ hĩĩtõ mẽẽlĩg hĩꞌthattothoothĩk looc vẽlẽk. Nĩngĩtĩ au itieelini eeta cĩg Ijjibi eet cĩg Ĩꞌthĩraẽlĩ gẽrrẽẽt ũdũt,

Luugithõõ 12:37

Ma ho, uluugito eeta cĩg Ĩꞌthĩraẽlĩ ꞌtaaũnaa cobbi ĩĩcĩ Ramethethĩ ĩꞌthõng hõdõlanit ꞌtaaũn cĩ Thukothĩ. Baa ĩĩn eeta ꞌcĩg maacĩg dioo aalibꞌnya ꞌmiiaꞌnya tõrkõnõn (600,000) ꞌcĩg õvvõ ꞌthõõnĩ nẽ hõllõngaa agiili ngaaĩ hĩ lõhõlĩ.

Luugithõõ 5:5

Ma ho, ĩĩ habuui cĩ Ijjibi, “Ĩcĩnĩt nõõnĩ, ĩĩtõ mẽẽlĩg eeta cugunnig loota nĩnga, adiim hinnia abillu niig ĩhõõggõ dtiicaa cĩnĩĩng!”

Dtiicanĩ cĩg ꞌThooyyiahu 13:17

Ẽbẽra Nyekuci cĩ eet cĩg Ĩꞌthĩraẽlĩ hĩbaangĩ cĩggaac nẽ aaꞌnyĩk eet cĩggaac hubulli gẽrrẽẽt baa aattĩg Ijjiba. Ma ho, ikia uluugi Nyekuci ĩhõõggõ ꞌtirriaanaa cĩnnĩ looccaa cĩ Ijjibi battaala,