तीतुस 3:2 - चोखो समचार (ढुंढाड़ी नया नियम)

² वां कन्अ कोई की बराई मत करज्यो। पण सांति सुं अर मिलजुल'र रिज्यो अर हरेक की लारा चोखो बुवार करज्यो।

तीतुस 3:2 Iomraidhean Croise

मत्ती 11:29

म्हारो जुड़ो खुदक्अ खान्द्अ लेल्यो अर म्हारसुं सीखो क्युं क म सीधो अर म्हारो मन भोळो-ढाळो छ। जिसुं थे थांकी आत्मा मं सान्ति पाव्अला,

थरपेड़ा का काम 23:5

पौलुस खियो, “ह भायाओ मन्अ तो तोल'ई कोन्अ क यो महायाजक छ।” क्युं क सास्तरा मं मण्ढरी छ, “थन्अ थारी परजा का अधिकारी बेई बरा बोल कोन्अ बोलणी चायजे।”

1 कुरिन्थियों 6:10

चोर-लुटेरा अर लालच करबाळा, दारूड़या अर चुगली करर लड़ाबाळा अर ठगबाजी करबाळा परबु का राज का वारिस कोन हो सक्अ।

1 कुरिन्थियों 9:19

म कोई मनख का बंधण मं कोन्अ पण फेरबी मं खुदन्अ सबळा को दास बणालियो। जिसुं म मसी मं घणा मनखा न्अ खींच सकूं।

2 कुरिन्थियों 10:1

मसी की दीनता अर नरमाई की लार म पौलुस खुदकी ओड़ी सुं खेऊ छु क थाम्अ सुं एकात लोगबाग म्हारा बारा मं खेव्अ छ क जद्‍या म थांक्अ आम्अ-साम्अ होऊं छु उं बगत थांकी लार नरमाई सुं रेऊ छु अर जद्‍या म थासुं आंतरअ रेऊ छु उं बगत कळ्डाई बरतु छु।

2 कुरिन्थियों 12:20

म डरपु छु क जद्‍या म थांक्अ कन्अ आंउ तो कढी अस्यान कोन होव्अ क जस्यान म थान्अ देखबो चाऊ छु उसुं न्याराई दीखो। अर न्अ'ई थे मन्अ देखबो चावो जिसुं न्यारो देखो। अर मन्अ यो बी ड़र छ क कढी थांक्अ मायन्अ लड़ाई-झगड़ो, एक-दूसरा सुं बळबो, रोस करबो, एक-दूसरा की काट करबो, बरी चाल चालबो, अर बैजती करबो, काना-फूसी अर हेकड़ोपणो अर काम बगड़यो कोन देखूं।

गलातियों 5:22

पण पवितर-आत्मा का फळ परेम, आण्द, सांति, थरचा, दीयालुता, भलाई, बस्वास क लायक,

गलातियों 6:1

ह भायाओ, ज्यो थाम्अ सुं कोई पाप करतो पकड़यो जाव्अ तो थां आत्मिक मनखा न्अ चायजे क नम्रता सुं उन्अ धरम का गेल्‍ला मं पाछो ल्याबा मं सायता करो। अर खुद बी सावचेत रेवो क कढी थे कोई पाप मं कोन पड़जावो।

गलातियों 6:10

तो जस्यानई कोई मोको मल्अ, आपान्अ सबळा की लार भलाई करणी चायजे, खास तो आपणा बस्वासी भाया की लार।

इफिसुस 4:2

सबळी बाता मं अपणा-आपन्अ छोटो बणार नरमाई सुं, थ्यावस राखर परेम सुं एक-दूसरा न्अ सेन करो।

इफिसुस 4:31

कड़वाहट, गुस्सो, रोष, झगड़बो, गाळी बकबो, अर सबळी बुराया न्अ छोड़द्‍यो।

फिलिप्पी 4:5

थांकी नरमाई सबळा मनखा का बीच म दिख्अ। देखो परबु को पाछो आबो सांकड्अ छ।

1 थिस्सलुनीकियों 2:7

पण म्हे थांक्अ गाब्अ वस्यान ई नम्रता सुं रिया जस्यान एक माई खुदकी ओलाद न्अ दूध पार पाळ्अ छ।

1 तीमुथियुस 3:11

अस्यान'ई बेरबान्या न्अ बी सम्मानहाळी होणी चायजे। वे दूसरा की बराई करबाळी कोन होणी चायजे पण साउचेत अर हरेक बात म बस्वासहाळी होणी चायजे।

1 तीमुथियुस 3:3

वो दारूड़यो कोन होणी चायजे अर लड़ोकलो अर माराकुटी करबाळो बी कोन होणी चायजे। उन्अ तो सज्जन अर खामोसी काटबाळो होणी चायजे। उन्अ पिसा सुं मोह रखाणबाळो कोन होणो चायजे।

याकूब 3:17

पण ज्यो ज्ञान सरग सुं आव्अ छ, वो पेली तो पवितर होव्अ छ, फेर मेलमिलाप हाळो, प्यारो, बात मानबाळो अर दीया सुं भरया अर चोखा फळा सुं लदेड़ो अर बना भेदभाव हाळो अर खरो होव्अ छ।

याकूब 4:11

ह भायाओ, एक-दूसरा न्अ बदनाम मत करो। ज्यो भाई न्अ बदनाम करअ छ, अर बी पर लान्छण लगाव्अ छ, वे बेवस्था न्अ बदनाम करअ छ अर बेवस्था माळ्अ लान्छण लगाव्अ छ, अस्यान थे बेवस्था न्अ मानबाळा कोन पण बेवस्था को न्याऊ करबाळा बणजाव्अ छ।

1 पतरस 2:1

अस्यान सब तरा का बेरभाव, छळ, कपट, बळ्यामरबो अर बराई न्अ आंतरअ करर,

1 पतरस 3:10

जस्यान सास्तर खेव्अ छ, “अर ज्यो थे जन्दगी को आण्द लेबो चावो छो, अर चोखा दन देखबो छाव्अ छ, वो खुदकी जीभ न्अ बराई सुं, अर खुदका होठां न्अ छळ की बात करबा सुं रोक्यां रेव्अ।

1 पतरस 3:8

अस्यान सबळा एक मन, दीयाभाव, भाईचारा को परेम रांखबाळा, सहानुभुती देबाळा अर नमर बणो।

1 पतरस 4:4

इसुं वे हेरान होव्अ छ, क थे अस्यान का जोरका भोग-बिलास मं बाको साथ कोन देवो, जिसुं वे थान्अ भलो-बुरो खेव्अ छ।

2 पतरस 2:10

परमेसर खासतोर सुं बा मनखा न्अ सज्या देव्अलो, ज्यो काया की गंदी लालसा की जस्यान चाल्अ छ, अर परबु की तागत को अपमान करबा सुं बी कोन ड़रप्अ। वे बेसरम, अर टेकला छ, अर अधिकारयां न्अ बुरो-भलो खेबासुं कोन डरप्अ।

यहूदा 1:10

पण ये मनख तो वां बाता की बराई करअ छ, ज्यांन्अ ये समझ्अई कोन्अ। अर ये लोगबाग बेबुद्धिहाळा ज्यानबरा की न्याई छ ज्यो बना कांई बच्यारयाई हरकांई करअ छ। ज्यांसुं वांको नास होबाळो छ।

यहूदा 1:8

एकधम वस्यान ई थांकी टोळी मं आबाळा ये लोगबाग अपणा बेगड़ा कामा क पाछ्अ भागता होया खुदकी काया न्अ बगाड़रया छ। अर खेव्अ छ क अस्यान करबा बेई परमेसर वान्अ सपना मं खियो छ अस्यान वे परबु की सक्‍ति न्अ उठा'र ताक मं मेल देव्अ छ अर महमाळा सरगदूता क बिरोध मं बोल्अ छ।