प्रकासित वाक्य 4:10 - चोखो समचार (ढुंढाड़ी नया नियम)

¹⁰ वे चौबीसुं बड़ाबूड़ा बी जुग-जुग जिन्दा रेबाळा क पगा मं पड़गा। वे सिंहासन क साम्अ आप आपका मुकुट मेलर खेर्या छा,

प्रकासित वाक्य 4:10 Iomraidhean Croise

मत्ती 2:11

वे घर क मायन्अ गिया अर बाळक न्अ बीकी माई मरियम की लार देख्या। अर वे आडापड़र बीक्अ ढोक दिया। फेर वे खुदकी पोटळ्या खोल्या अर सोनो, लोबाण अर कपूर उन्अ सोगात मं दिया।

लूका 24:52

जद्‍या वे उंकी आराधना कर्या अर घणा आण्द की लार वे यरूसलेम पाछा आग्या।

1 कुरिन्थियों 15:10

अर आज म ज्योबी छु परमेसर की दीया सुं छु अर उंकी दीया म्हारअ बेई बेकार कोन गई, म दूसरा थरपेड़ा चेला सुं बढ़र मेहनत कर्यो छु। पण या म्हारी काबलियत कोन या तो परबु की दीया छ।

प्रकासित वाक्य 10:6

अर ज्यो जुग-जुग जीवतो छ, ज्यो धरती अर आम्बर की सबळी चीजान्अ, धरती अर धरती माळ्अ की अर सागर अर ज्योबी बीम्अ छ, बा सबकी रचना कर्यो छ, बी परमेसर की सोगन खार वो सरगदूत खियो, “अब और साउटी बार कोन लाग्अली।

प्रकासित वाक्य 11:16

अर उंई बगत परमेसर क साम्अ सिंहासन माळ्अ बेठेड़ा चोबीस बड़ाबूड़ा परमेसर क ढोक देर आराधना करबा लागगा,

प्रकासित वाक्य 15:4

हे परबु, थारसुं सबळा डरप्अला। थारो नांऊ लेर सबळा बड़ाई करअला, क्युं क तूई पवितर छ। सबळी जात्या आर थारी आराधना करअ। क्युं क थारा धरम का काम दिखर्या छ।”

प्रकासित वाक्य 15:7

फेर बा च्यारू जीवता जीवां मंसुं एक बा सातू सरगदूता न्अ सोना का कटोरा दियो, ज्यो जुग-जुग रेबाळा परमेसर का रोष सुं भरेड़ा छा।

प्रकासित वाक्य 19:4

फेर चौबीसुं बड़ाबूड़ा अर च्यारू जीवता जीव सिंहासन माळ्अ बेठ्‍या परमेसर क्अ ढोक देर बीकी आराधना करता होया खेबा लाग्या “परमेसर की जै हो! आमीन!”

प्रकासित वाक्य 4:2

अर फेर झठदाणी पवितर-आत्मा मन्अ उपरअ उठा'र लेग्यो। मन्अ म्हारअ साम्अ सरग को सिंहासन दिख्यो जी माळ्अ कोई बेठ्‍यो छो।

प्रकासित वाक्य 4:4

बी सिंहासन क च्यारूमेर चौबीस सिंहासन ओर छा, ज्यां माळ्अ चौबीस बड़ाबूड़ा बेठ्‍या छा। वे धोळा लत्ता पेर मेल्या छा। वांका माथा माळ्अ सोना का मुकुट छा।

प्रकासित वाक्य 4:9

जद ये जीवता जीव बी जुग-जुग जिन्दा रेबाळा की महमा, आदर और धन्यवाद करर्या छा ज्यो सिंहासन माळ्अ बेठ्‍यो छो तो

प्रकासित वाक्य 5:14

फेर वे च्यारू जीवता जीव “आमीन” बोल्या अर बड़ाबूड़ा ढंढोज करर आराधना कर्या।

प्रकासित वाक्य 5:8

जद वो बा लपेटेड़ी कताब लेलियो तो वे च्यारू जीवता जीव अर चौबीसुं बड़ाबूड़ा बी उण्णेठा क ढोक दिया। बाम्अ सुं हरेक कन्अ सारंगी छी अर वे खुसबु देबाळी चीजा सुं भरेड़ा धूप देबा का सोना का बरतन ले मेल्या छा, ज्यो भगता की परातना छी।

प्रकासित वाक्य 7:11

सबळा सरगदूत उं सिंहासन, बड़ाबूड़ा अर बा च्यारू जीवता जीवां क च्यारूमेर उबा छ। फेर सिंहासन क साम्अ ढंढोज करर वे सरगदूत परमेसर की आराधना कर्या।