प्रकासित वाक्य 1:4 - चोखो समचार (ढुंढाड़ी नया नियम)

^4-5 म यूहन्‍ना, एसिया परदेस की सातू बस्वास्या की टोळी क नांऊ या माण्ढु छु। बी परमेसर की ओड़ी सुं ज्यो अबार छ, अर सरूवात सुं छो, अर ज्यो आबाळो छ अर वां सात आत्मा की ओड़ी सुं ज्यो बीका सिंहासन क साम्अ छ अर ईसु मसी की ओड़ी सुं ज्यो बस्वास क लायक गुवा, मरेड़ा मं सुं जिन्दो होबाळा मं पेलो अर धरती का सबळा राजां माळ्अ राजो छ, बीकी ओड़ी सुं दिया अर सांति मल्अ। वो आपसुं परेम करअ छ अर बीका लोई सुं आपान्अ पापा सुं छूटवाड़ो दुवायो छ।

प्रकासित वाक्य 1:4 Iomraidhean Croise

यूहन्‍ना 1:1

सब चीजा बणाबा सुं पेली बचन छो। बचन परमेसर की लार छो। अर बचन'ई परमेसर छो।

थरपेड़ा का काम 19:10

दो बरस ताणी अस्यान'ई होतो रियो। जिसुं एसिया म रेबाळा यहूदी अर यूनानी सबळा परबु का बचन न्अ सुण लिया।

थरपेड़ा का काम 2:9

आपा पारथी, मेदी अर एलामी, मेसोपोटामिया का रेबाळा, यहूद्‍या अर कप्पदुकिया पुन्तुस अर एसिया

1 कुरिन्थियों 1:3

आपणा परमेसर बाप की ओड़ी सुं अर आपणा परबु ईसु मसी की ओड़ी सुं थां सबळा न्अ उंकी दीया अर सान्ति मल्अ।

2 कुरिन्थियों 1:2

आपणा पिता परमेसर अर परबु ईसु मसी की दीया अर सांति थां सबळा न्अ मल्अ।

इब्रानियों 13:8

ईसु मसी काल, आज अर जुगजुग एक जस्यो छ।

याकूब 1:17

क्युं क हरेक चोखो बरदान अर सबसुं चोखो दान सरग सुंई आव्अ छ अर उजाळा का बाप की ओड़ी सुं मल्अ छ, बीम्अ न्अ तो कोई बदलाव हो सक्अ अर न्अ वो फेर-बदल की बजेसुं छाया न्अ बणाव्अ।

प्रकासित वाक्य 1:1

यो ईसु मसी की ओड़ी सुं खुलासो करर दियेड़ो सन्देस छ। ज्यो बाता बेगीई होबाळी छ वांका बारा मं परमेसर यो सन्देस दियो छ, अर खुदका दासा न्अ बताबा बेई मसी खुदका सरगदूत न्अ खन्दार बीका दास यूहन्‍ना माळ्अ खुलासो करर बतायो छ।

प्रकासित वाक्य 1:11

बा आवाज या खेरी छी क, “तु ज्यो देखर्यो छ, बीन्अ एक कताब मं मांडतो जा अर फेर बीन्अ इफिसुस, स्मुरना, पिरगमुन, थुआतीरा, सरदीस, फिलादेलफिया अर लौदीकिया की सातू बस्वास्या की टोळ्यां कन्अ खन्दा दे।”

प्रकासित वाक्य 1:17

जद मं बीन्अ देख्यो तो बीक्अ साम्अ मरेड़ा की जस्यान पड़ग्यो। फेर वो म्हारअ माळ्अ जीवणो हाथ मेलर खियो, “डरप्अ मत, म ई पेलो अर आखरी छु।

प्रकासित वाक्य 1:20

ज्यो सात तारा तु म्हारा हाथ मं देख्यो छ, अर ज्यो सात दीया मेलबा का बरतन छ, वांको मतबल यो छ क, ये सात तारा सात बस्वास्या की टोळी का सरगदूत छ, अर दीया मेलबा का सात बरतन बस्वास्या की सात टोळ्यां छ।”

प्रकासित वाक्य 1:8

परबु परमेसर ज्यो अबार छ, ज्यो पेली छो, अर ज्यो आबाळो छ, ज्यो सबसुं सक्‍तिमान छ, वो खेव्अ छ क, “म अल्फा ओर ओमेगा छु।”

प्रकासित वाक्य 1:9

म यूहन्‍ना थांको भाई छु, ईसु का कळेस, अर राज अर दुख-भोगबा मं सहनसील सीरी रेताहोया थांको गुवा छु। मन्अ परमेसर को बचन परचार करबा की बजेसुं अर ईसु की गुवाई की बजेसुं पतमुस नांऊ का टापू माळ्अ देस नखाळो देर पुचायो गियो छो।

प्रकासित वाक्य 16:5

फेर म पाणी का मालिक सरगदूत न्अ या खेतो सुंण्यो, “तु धरम सुं न्याऊ करअ छ, तु पवितर छ, तु पेली छो अर अबार बी छ।

प्रकासित वाक्य 2:12

“पिरगमुन का बस्वास्या की टोळी का सरगदूत न्अ या माण्ढ। ज्यो तेज दोधारी तलवार ले मेल्यो छ। वो या खेव्अ छ,

प्रकासित वाक्य 2:18

“थुआतीरा का बस्वास्या की टोळी का सरगदूत न्अ या माण्ढ; परमेसर को छोरो, जिकी आंख्या धधकती आग की जस्यान छ, अर जीका पग चोखा पीतळ की जस्यान छ। वो अस्यान खेव्अ छ,

प्रकासित वाक्य 2:8

“स्मुरना का बस्वास्या की टोळी का सरगदूत न्अ या माण्ढ। वो ज्यो पेलो अर आखरी छ, ज्यो मरगो छो अर अब पाछो जिन्दो होगो। वो अस्यान खेव्अ छ,

प्रकासित वाक्य 22:16

“म, ईसु खुद, थां लोगा बेई अर बस्वास्या की टोळी बेई या बाता की गुवाई देबा बेई खुदका सरगदूत न्अ खन्दायो छु। म दाऊद का बंस को छु। म सुवारअ को चमकतो तारो छु।”

प्रकासित वाक्य 22:8

म, यूहन्‍ना, यां बाता न्अ सुण्यो अर देख्यो छु। जद्‍या म या बाता न्अ देख लियो अर सुण लियो तो उं सरगदूत का पगा मं पड़र उंकी आराधना कर्यो ज्यो मन्अ ये बाता दखाव्अ छो।

प्रकासित वाक्य 3:1

“सरदीस का बस्वास्या की टोळी का सरगदूत न्अ या माण्ढ। जी कन्अ परमेसर की सात आत्मा अर सात तारा छ वो अस्यान खेव्अ छ, म थारा कामा न्अ जाणू छु, लोगबाग खेव्अ छ क थे जीवता छो पण सांच्याई मं मरेड़ा छो।

प्रकासित वाक्य 3:14

“लौदीकिया का बस्वास्या की टोळी का सरगदूत न्अ या माण्ढ; ज्यो ‘आमीन’ छ, बस्वास क लायक छ अर सांचो गुवा छ, ज्यो परमेसर की सृष्टी को राजो छ। वो अस्यान खेव्अ छ,

प्रकासित वाक्य 3:7

“फिलादेलफिया का बस्वास्या की टोळी का सरगदूत न्अ या माण्ढ: वो ज्यो पवितर अर सांचो छ अर जी कन्अ राजा दाऊद का नगर की चाबी छ जीका खोल्या बाण्णा न्अ कोई बन्द कोन कर सक्अ, अर जीका बन्द करेड़ा बाण्णा न्अ कोई कोन खोल सक्अ। वो अस्यान खेव्अ छ क,

प्रकासित वाक्य 4:5

सिंहासन मंसुं बिजळी को चलको, कड़कबो अर बादळा की गरज नखळरी छी। सिंहासन क साम्अ सात जुपती मसांला छी। ये मसांला परमेसर की सात आत्मा छ।

प्रकासित वाक्य 4:8

यां च्यारू ई जीवता जीवां क छ: छ: पांखड़ा छा। बांक्अ च्यारूमेर अर पांखड़ा क मायन्अ बी आंख्या ई आंख्या भरी पड़ी छी। वे दन रात खेव्अ छा, “सर्वसक्‍तिमान परबु परमेसर पवितर छ, पवितर छ, पवितर छ, ज्यो पेली छो, ज्यो अबार छ अर ज्यो आबाळो छ।”

प्रकासित वाक्य 5:6

फेर म बी सिंहासन अर बा च्यारू जीवता जीवां क अर बा बड़ाबूड़ा क गाब्अ एक उण्णेठा न्अ ऊबो देख्यो। वो अस्यान दिखर्यो छो, जाण्अ बीकी बली चढ़ाई गयी होव्अ। बीक्अ सात सींग अर सात आंख्या छी ज्यो परमेसर की सात आत्मा छ। ज्यांन्अ सबळी धरती माळ्अ खन्दायो गियो छो।

प्रकासित वाक्य 8:2

फेर म परमेसर क साम्अ उबा रेबाळा सात सरगदूता न्अ देख्यो। बान्अ सात तुरयां दी गई।