प्रकासित वाक्य 1:16 - चोखो समचार (ढुंढाड़ी नया नियम)

¹⁶ वो जीवणा हाथ मं सात तारा ले मेल्यो छो। बीका मूंडा सुं एक तेज दोधारी तलवार नखळरी छी। बीको मुण्डो जोरका चमकबाळा सुरज की जस्यान चमकर्यो छो।

प्रकासित वाक्य 1:16 Iomraidhean Croise

मत्ती 17:2

उण्डअ वाक्अ साम्अ ईसु को रूप बदलग्यो। उंको मुण्डो सुरज की न्याऊ चलकबा लागग्यो अर उंका लत्ता तावड़ा की न्याई चलकबा लागग्या।

थरपेड़ा का काम 26:13

तो दोपेर की बगत जद्‍या मे सबळा गेल्‍ला मं ई छा क मन्अ ह माराज, सरग सुं एक चलको उतरतो दिख्यो। बीको चलको सुरज सुं बी साऊटो छो वो म्हारअ अर म्हारी लारका क च्यारूमेर चलकग्यो।

इफिसुस 6:17

अर उद्धार को टोप, अर पवितर-आत्मा की तलवार ज्यो परमेसर को बचन छ लेल्यो।

इब्रानियों 4:12

क्युं क परमेसर को बचन जीवतो अर काम करबाळो, अर कोई बी दोधारी तलवार सुं साउटो धारदार छ। अर वो जीव, आत्मा, जोड़ अर गूदा न्अ न्यारा-न्यारा करर, आर-पार छेद्अ छ; अर मन की मन्सा अर बच्यारा न्अ परख्अ छ।

प्रकासित वाक्य 1:20

ज्यो सात तारा तु म्हारा हाथ मं देख्यो छ, अर ज्यो सात दीया मेलबा का बरतन छ, वांको मतबल यो छ क, ये सात तारा सात बस्वास्या की टोळी का सरगदूत छ, अर दीया मेलबा का सात बरतन बस्वास्या की सात टोळ्यां छ।”

प्रकासित वाक्य 10:1

फेर मं आम्बर सुं उतरता एक ओर सक्‍तिसाली सरगदूत न्अ देख्यो। वो बादळा न्अ ओढ मेल्यो छो अर बीका माथा क च्यारूमेर एक मेघधनुष छो। बीको मूंडो सूरज की जस्यान छो अर बीका पग आग का खम्बा की जस्यान छा।

प्रकासित वाक्य 12:1

फेर आम्बर मं बड़ो नसाण दिख्यो। उण्डअ एक लुगाई दीखी ज्यो सुरज न्अ ओढ मेली छी अर चांद बीका पगा तळ्अ छो। बीका माथा माळ्अ मुकुट छो जिम्अ बारा तारा लागमेल्या छा।

प्रकासित वाक्य 19:15

जाति-जाति न्अ मारबा क्अ ताणी बीका मूंडा सुं एक तलवार नखळरी छी। वो लोया का डण्डा सुं राज करअलो अर सर्वसक्‍तिमान परमेसर का भयानक रोष की दारू का कुण्ड मं अंगूरा न्अ दूंच्अलो।

प्रकासित वाक्य 19:21

घोड़ा का सवार का मूंडा सुं तलवार नखळरी छी, बाकी का सपाई बीसुं मारया गिया। फेर वे जन्दावर बाकी लास को मांस पेट भरर खाया।

प्रकासित वाक्य 2:1

“इफिसुस का बस्वास्या की टोळी का सरगदूत न्अ या माण्ढ। वो ज्यो खुदका जीवणा हाथ मं सात तारा ले मेल्यो छ अर ज्यो दीया मेलबा का सात बरतना क बीच चाल्अ छ वो अस्यान खेव्अ छ,

प्रकासित वाक्य 2:12

“पिरगमुन का बस्वास्या की टोळी का सरगदूत न्अ या माण्ढ। ज्यो तेज दोधारी तलवार ले मेल्यो छ। वो या खेव्अ छ,

प्रकासित वाक्य 2:16

ई बजेसुं मन फराले नई तो म बेगोई थारअ कन्अ आंउलो अर वांका बिरोध मं म्हारा मूंडा सुं नखळबाळी तलवार सुं लड़ूलो।

प्रकासित वाक्य 3:1

“सरदीस का बस्वास्या की टोळी का सरगदूत न्अ या माण्ढ। जी कन्अ परमेसर की सात आत्मा अर सात तारा छ वो अस्यान खेव्अ छ, म थारा कामा न्अ जाणू छु, लोगबाग खेव्अ छ क थे जीवता छो पण सांच्याई मं मरेड़ा छो।