अर याई बजे छ जिसुं म या बाता को दुख उठार्यो छु। अर फेरबी सरमाऊ कोन्अ क्युं क जिप्अ म बस्वास कर्यो छु म उन्अ जाणु छु अर म या मानु छु क वो मन्अ ज्यो सुंप्यो छ वो उंकी रुखाळी करबा मं समर्थ छ जद्या ताणी वो पाछो आबा को दन आव्अ।
पण वे एक उत्तम देस की मनसा रांख्अ छ ज्यो सरग छ। ई बजे सुंई परमेसर बाको परमेसर खुवाबा सुं सरमिन्दा कोन्अ होव्अ। क्युं क वो बांक्अ ताणी एक नगर त्यार कर्यो छ।
थान्अ हरेक चोखी बात मं भरयापुरा करअ। जिसुं थे बीकी मनसा न्अ पूरी कर सको। अर ईसु मसी क जरिये वो आपण्अ मायन्अ हरेक वा बाता न्अ पैदा करअ ज्यो बीन्अ भाव्अ छ। बीकी बढ़ाई जुगजुग ताणी होती रेव्अ। अस्यान'ई होव्अ।
यहूदा की ओड़ी सुं ज्यो ईसु मसी की सेवा करबाळो अर याकूब को भाई छ, थां बेई ज्यांन्अ परमेसर बलायो छ अर ज्यो पिता परमेसर का परेम मं अर ईसु मसी की छतर छाया मं जीवता छ।