2 तीमुथियुस 3:8 - चोखो समचार (ढुंढाड़ी नया नियम)

⁸ ये सखाबाळा यन्‍नेस अर यम्ब्रेस जस्यानका छ, ज्यो मूसा को बिरोध कर्या छा, वस्यान ई ये मनख सांच का बिरोधी छ। या मनखा की बुद्धि भ्रष्ट छ अर ये बस्वास क पाछ्अ कोन चाल सक्या।

2 तीमुथियुस 3:8 Iomraidhean Croise

थरपेड़ा का काम 15:24

में जद्‍या सुं या सुण्या छा क म्हासुं कोई आदेस पाया बनाई, एकात मनख आर खुदका सब्दा सुं थान्अ दुखी कर दिया अर थांका मन न्अ बेखाया छ।

रोमियों 1:28

अर वे परमेसर का ज्ञान न्अ रांखबो कीमती कोन जाण्या, जिसुं परमेसर वान्अ फालतु बच्यारा का हाथा सुंप दियो। अर ये अस्यान का काम करबा लागग्या ज्यो वान्अ कोन करणी चायजे छा।

रोमियों 16:18

क्युं क ये मनख आपणा परबु मसी की सेवा कोन करअ पण खुदका पेट की सेवा करअ छ। अर ये खुदकी मीठी-मीठी अर चापलुसी की बाता सुं भोळा-ढाळा मनखा का मन न्अ भरमाव्अ छ।

इफिसुस 4:14

जिसुं आपा बाळक की जस्यान कोन्अ रेवा, ज्यो ठग मनखा की ठगबद्‍या अर चतराई सुं, भरम की बाता अर छळ का उपदेस की आंधी सुं फेराया जाव्अ अर अण्डी-उण्डी भटकाया जाव्अ छ।

1 तीमुथियुस 1:19

बस्वास अर चोखी समझ न्अ पकड़या रे। एकात मनख अस्यान का छ ज्यांको बस्वास अर चोखी समझ को नास होग्यो क्युं क वे वान्अ छोड़ दिया छा।

1 तीमुथियुस 4:2

वा झूंटा पाखण्डी मनखा की बजेसुं अस्यान होव्अलो, ज्यांको मन जाण्अ मरग्यो अर वान्अ चोखा बरा की समझ ई कोन री।

1 तीमुथियुस 6:5

वां मनखा क गाब्अ ज्यांकी बुद्धि बगड़गी, लगतमार बण्या रेबा जस्यानका बिचार पैदा होव्अ छ, वे सांच सुं न्यारा छ। अस्यान का मनखा का बच्यार छ क परमेसर की सेवा धन कमाबा को एक साधन छ।

2 तीमुथियुस 4:15

तु बी उसुं सावचेत रिज्यो क्युं क वो आपणा उपदेस को घणो बिरोध करतो रेव्अ छ।

तीतुस 1:10

क्युं क घणा मनख बिरोधी होव्अ, घणा फालतु की बाता बणाबाळा अर घणा दूसरा न्अ धोखो देबाळा छ। म खास तो यहूदी बस्वासी मनखा बेई खेर्यो छु।

तीतुस 1:16

वे परमेसर न्अ जाणबा बेई खेव्अ छ पण वांका काम दखाव्अ छ क वे परमेसर न्अ कोन जाण्अ। वे बरा लाग्अ छ अर खियो कोन्अ मान्अ अर कस्या बी चोखा काम न्अ करबा जस्यानका कोन्अ।

2 पतरस 2:14

वे दूसरा की लुगायां न्अ वेभिचारीणी की जस्यानई देख्अ छ, ब पाप कर्या बना रूक कोन सक्अ। वे सराप की ओलाद छ।

1 यूहन्‍ना 2:18

हे म्हारा प्यारा छोराओ, आखरी बगत आगी अर जस्यान थे सुण्या छो क मसी को बेरी आबाळो छ। अर जिसुं उंकी जस्यानका घणासारा मसी का बेरी साम्अ आर्या छ अर ई बात सुंई आपा जाण सका छा क वा आखरी बगत आ पूंची।

1 यूहन्‍ना 4:1

ह म्हारा प्यारा भायलाओ, हरेक आत्मा को बस्वास मत करो पण सदाई वान्अ परखर देखो क वे परमेसर का छ क कोन्अ। या म थान्अ जिसुं खेर्यो छु क्युं क घणा परमेसर की ओड़ी सुं झूंटमाट बोलबाळा संसार मं भरया छ।

प्रकासित वाक्य 2:20

पण म्हारअ थारा बिरोध मं या खेणी छ क, तु इजेबेल नांऊ की उं लुगाई न्अ बरदास करर्यो छ ज्यो अपणा-आपन्अ परमेसर की ओड़ी सुं बोलबाळी खेव्अ छ। बा खुदकी सक्षा सुं म्हारा सेवका न्अ वेभिचार अर मूरत्या का चढ़ावा न्अ खाबा बेई उकसाव्अ छ।

प्रकासित वाक्य 2:6

पण थारअ मायन्अ या बात चोखी छ क तु नीकुली मनखा का कामा सुं नफरत करअ छ। ज्यांसुं म बी नफरत करू छु।’