1 तीमुथियुस 3:13 - चोखो समचार (ढुंढाड़ी नया नियम)

¹³ क्युं क वो बस्वास्या की टोळी का अस्यान का सेवा करबाळा का रुप मं होव्अलो ज्यो चोखी सेवा करअ छ, तो वे खुद सम्मानहाळी ठार पाव्अला अर वान्अ मसी ईसु का बस्वास का बारा मं बोलबा की हिम्मत होव्अली।

1 तीमुथियुस 3:13 Iomraidhean Croise

मत्ती 20:28

थान्अ मनख का छोरा जस्यान को होणो चायजे, ज्यो सेवा कराबा बेई न्अ'ई पण सेवा करबा आयो छ अर घणा का छूटवाड़ा बेई खुदकी जान देबा आयो छ।”

मत्ती 25:21

उंको मालिक उन्अ खियो, ‘स्याबास! तु चन्याक मं भरोसो करबा जस्यान को बस्वासहाळो चोखो नोकर छ, म थन्अ ओर सावटा को अधिकार द्‍युलो। माईन्अ जार म्हारी खुसी मं भेळ्अ होजा।’

लूका 19:17

तो उंको मालिक बीन्अ खियो, ‘घणो बढ़ीया, तु बढ़ीया कर्यो। क्युं क तु अतरीसीक बात बेई बस्वासहाळो रियो। तु दस नगरा को अधिकारी होवलो।’

थरपेड़ा का काम 21:35

पौलुस जद्‍या पकत्या कन्अ पुच्यो तो जळा मं फेल्या रोषा की बजेसुं सपाया न्अ बीन्अ खुदकी रुखाळी मं लेर जाणो पड़यो। क्युं क बीक्अ पाछ्अ घणीसारी जळा अस्यान बळाती चालरी छी क ईन्अ मारद्‍यो।

थरपेड़ा का काम 6:15

फेर जद्‍या सबसु ऊंची यहूदी सभा मं बेठ्‍या सबळा लोग बीन्अ चत लगार देख्या क बीको मुण्डो कोई सरगदूत का मुण्ढा की न्याई छ।

थरपेड़ा का काम 6:5

थरपेड़ा की ई बात न्अ बस्वास्या की सबळी टोळी मान्अली अर वे बस्वास अर पवितर-आत्मा सुं भर्यो स्तिफनुस, फिलिप्पुस अर प्रखुरूस, निकानोर अर तीमोन अर परमिनास अर अन्ताकियाळा नीकुलाउस न्अ ज्यो यहूदी धरम मान लियो छो, थरप लिया।

थरपेड़ा का काम 6:8

स्तिफनुस परमेसर की दीया अर सामर्थ सुं भर्यो मनख छो। वो मनखा क गाब्अ बड़ा-बड़ा अचम्बा का काम अर अणोता चमत्कार करअ छो।

1 कुरिन्थियों 16:15

थे स्तिफनुस का परवार का बारा म तो जाणोई छो, क वे अखाया नगर मं मसी प सबसु पेली बस्वास करबाळा मनख छ। वे परमेसर का मनखा की सायता करबा की पूरी जुम्मेवारी उठा मेल्या छ। ई बजेसुं औ भायाओ म थासुं अरदास करू छु,

फिलिप्पी 1:14

म्हारो जैळ मं सांकळ्या सुं बन्धेड़ो रेबा की बजेसुं परबु मं भरोसो रखाणबाळा घणा भाया की हिम्मत्त बड़गी। अर चोखा समचार न्अ बेधड़क सुणाबा क ताणी बांको धीरज बड़गो।

1 थिस्सलुनीकियों 2:2

थे खुद जाणो छो क थां कन्अ आबासुं पेली फिलिप्पी सहर मं दुख उठाबा अर बेजती सेन कर्या पाछ्अ अर जोरको बिरोध होता होया बी परमेसर की सायता सुं मान्अ परमेसर का चोखा समचार न्अ सुणाबा की हिम्मत मली छ।

1 तीमुथियुस 3:14

म बेगोई थां कन्अ आबाकी आस रखाणु छु पण अबार बेई तो यो कागद माण्ढ़र्यो छु।

2 तीमुथियुस 2:1

परबु मं म्हारा छोरा तीमुथियुस, मसी ईसु सुं मलबाळी दीया सुं गाढो होजा।

इब्रानियों 6:10

क्युं क परमेसर अन्याय कोन्अ क थांका काम अर बी परेम न्अ भूल जाव्अ ज्यो थे बीका नांऊ क ताणी अस्यान दखाया छो क दूसरा बस्वासी मनखा की सेवा कर्या छो अर कर बी रया छो।