Nehemia 9:8 - KITAWO MALEŊ

⁸ Inwaŋo ni Abraham oyido timo adieri, aka itimo gi go cikirok. Iciko miyo go lowo ma Kanan, lowo pa Johiti, Joamor, Joperiz, Joyebus, gi Jogirigas, bedo lowo pa nyikwaye. Onyo ikuro cikirok me, kwoŋbedo itimo adieri.”

KITAWO MALEŊ Catholic

⁸ Inwaŋo ni Abraham oyido timo adieri, aka itimo gi go cikirok. Iciko miyo go lowo ma Kanan, lowo pa Johiti, Joamor, Joperiz, Joyebus, gi Jogirigas, bedo lowo pa nyikwaye. Onyo ikuro cikirok me, kwoŋbedo itimo adieri.”

Nehemia 9:8 Iomraidhean Croise

Cakirok 12:7

Rwoth omenyere ri Abram aka owaco ni, “Ri nyikwayin, Abino miyo lowo me.” Ameno Abram ogeto kenyo ri Rwoth m'omenyere rigo migam.

Cakirok 15:6

Abram oyeyo gima Rwoth owaco, aka ro gime Rwoth oyeyo go paka ŋat'otire.

Cakirok 22:12

Malaika owaco ni, “Ikir'ikethi cingin kwoŋ jayac, kosa ikir'itim rigo gimoro je. Pama onyo aŋeyo ni ilworo Were, rupiri ikithwono go nyaka wodin acel.”

2 Samwiri 22:31

Were me, tim pere otire, cikirok pa Rwoth tundo i kare, Go cale kwot, ri ji je ma jopondo i go.

1 Kigana kwoŋ Kerin 1:14

Joyebus, Joamor, Jogirigas

1 Kigana kwoŋ Kerin 16:16

cikirok m'otimo gi Abraham, kodi gima go ociko Isaka,

Ezira 9:15

Awi Rwoth, Were pa Isiraili, itimo tiro, iweyo wan both, paka wanitie konon. E watuco reco mawan ruwaŋin, wangoye gi dwoŋ bino ruwaŋin ro gime.”

Nehemia 9:33

Itimo gim'otire miyo wan gir'acula, kole itimo adieri, to watimo gikidakana.

Zabuli 116:5

Rwoth jawor, aka timo gim'otire; Were mawan jakisa.

Kitawo mar'ario mapa Musa m'ilwoŋo ni Wok 3:17

Atieko yere wodho jo wok i Misir, kama jonitie iye i litho kelo jo i lowo pa Jokanan, Johiti, Joamor, Joperiz, kodi Joyebus, lowo ma mol gi cak kodi mo kic.”

Kitawo mar'ario mapa Musa m'ilwoŋo ni Wok 3:8

aka ameno aloro piny gonyo jo wok i cingi Jomisir, kodi kelo jo malo wok i lowo no kadho i lowo maber aka lac, lowo ma mol gi cak kodi mo kic, kama Jokanan, Johiti, Joamor, Joperiz, Johivi, kodi Joyebus pama jobed'iye.

Ezekiel 33:24

Wod dhano, ji ma jobedo i kabedo m'onyekere i piny ma Isiraili jomena waco ni, Abraham am'obedo ŋat'acel kende, kucel onwaŋo lowo; to pama onyo wathothi; adieri lowo omiy wan ni wabed'iye.

Kwan 13:29

Joamalek jobedo i lowo ma yupiny; Johiti, Joyebus, kodi Joamor jobedo yupiny matendere; aka Jokanan jobedo yuthengi nam, kodi yuthengi Yordan.”

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Tim pa Jomoor 13:22

Munyo Were otieko kwanyo go woko, oloko Daudi kere pajo. Me a gima Were oluwo kwoŋe: “Anwaŋo ni Daudi wod pa Yese, obedo kiti dhano ma amito, ŋata bino timo gimoro je ma ayenyo ni wotim.”

Kitawo mar'abic mapa Musa m'ilwoŋo ni Cik 26:3

Wilakidho bongi jacway ri Were i wi migam manitie i tic i hongo no, aka wilawaco rigo ni, “Konon me awaco ri Rwoth Were perin nike atieko tundo i lowo ma Rwoth okwoŋere ri kwarere mewin miyo wan.”

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Kitawo mar'abic mapa Musa m'ilwoŋo ni Cik 7:1

Ka Rwoth Were mewin otieko kelo win i lowo ma wicegin donjo bed'iye, to riemo woko nonin kweth ruwaŋ win, Johiti, Jogirigas, Joamor, Jokanan, Joperiz, Johivi kodi Joyebus, nonin abirio ma jotek aka jothoth loyo win,

Kitawo mar'abic mapa Musa m'ilwoŋo ni Cik 9:5

K'obedo kwoŋbedo witimo gim'otire kosa cuny win cil am'omiyo wikadho donjo lunjo lowo pajo, to ro kidakana pa nonin me, Rwoth Were mewin riemo woko jo ruwaŋ win, ŋey wokethi i kare gim'ociko i kwoŋirok ri kwarere mewin Abraham, Isaka, kodi Yakobo.

Tito 1:2

m'ocungo kwoŋ geno kwo makirum. Were ma kitwodi, ociko wan kwo me con mafodi hongo k'ocakere,

Joebulaniya 11:17

Yeyo am'omiyo Abraham, munyo Were otemo go, ocwayo wode Isaka paka cowirok. Abraham, ma Were oyido otieko kiri timo gine cikirok, oyeyo miyo wode paka cowirok.

Joebulaniya 6:18

Were ooro gigipiny ario me (cikirok kodi kwoŋirok) ma kinyal wire, odoko ma go kinyal twodo kwoŋe, ma nyutho gino. Am'omiyo wan ma watieko limo kagoŋirok bonge wanyalo nwaŋo miseni madwoŋ ma cwirok matek kwoŋ geno m'oketh ruwaŋ wan.

Yosuwa 11:23

Ameno to Yosuwa kwanyo piny je cungo kwoŋ gimoro je ma Rwoth oyido otieko luwo gi Musa; to Yosuwa miyo paka gir'alunja ri Isiraili cungo kwoŋ mic manyanono. To piny kwe m'ongoye lweny.

Yosuwa 11:3

ri Jokanan wok yuwok ceŋ gi yupodho ceŋ, Joamor, Johiti, Joperiz, kodi Joyebus i piny matendere, gi Johivi i tiendi got Hamon i piny ma Mizipa.

Yosuwa 23:14

“Onyo pama acegin kidho i royo ma piny gipi, aka wiŋeyo iy'adundin mewin gi cuny win, wijoje, ni ongoye gima k'otimere kwoŋ gigipiny mabeyo je ma Rwoth Were mewin ociko ma mako win; gimoro je otieko timere riwin, ongoye kad'acel ma k'otimere.

Yosuwa 9:1

Munyo kerin je m'oyido jonitie yombo Yordan i piny matendere kodi i piny m'opiele joje yuthengi Nam madwoŋ kadho Lebanon, Johiti, Joamor, Jokanan, Joperiz, Johivi kodi Joyebus, jowinjo gime,

1 Yohana 1:9

To ka watuco reco mawan ri Were, go genere kendo otire aka bino cwako reco mawan, to lonyo wan kwoŋ tim mawan mareco je.