Nehemia 6:9 - KITAWO MALEŊ

⁹ Oyido jotemo bwoko wan ŋey tic wocungi. To akwayo Were womiyan meni.

KITAWO MALEŊ Catholic

⁹ Oyido jotemo bwoko wan ŋey tic wocungi. To akwayo Were womiyan meni.

Nehemia 6:9 Iomraidhean Croise

2 Kigana kwoŋ Kerin 15:7

To win cwo ma Yuda, bedi win jomiseni! Wikiri wiyey cingin win wolokere manyap, rupiri ilamiyo win kemba i tic mewin.”

2 Kigana kwoŋ Kerin 32:18

Jokoko malo gi gime i dhodhok pa Yuda ri ji ma Yerusalem m'oyido jonitie i kor ot, ma loko jo malwor gi miyo jo kirin, ŋey jowonyal mako tindi madwoŋ.

Ezira 1:6

Ji ma diere pajo je jokonyo jo g'atewe ma feza, zahabu, gigipiny ma woth, ogwaŋe, gi mic ma welo kodi mic man ma wegi jomiyo.

Nehemia 6:14

Kenyo akwayo Were ni, “Awi Were paran, poyi gima Sanbalat gi Tobia jotimo aka imiy jo gir'acula. Poyi dhako no Nowadia gi jotuci wac Were man je ma jotemo bwokan.”

Zabuli 138:3

I ndelo m'alwoŋin, idwokan, idwoko meni ma cunyan.

Zabuli 56:3

Ka abwok, Awi Rwoth ma jameni je, aketho geno paran i in.

Zabuli 68:35

Were kelo bwok i kabedo pere maleŋ, Were pa Isiraili, go miyo meni gi cwinyo ri ji pere. Pak Were!

Zabuli 71:1

I in, Awi Rwoth, anwaŋo kapondo; ikir'iwey abedi i wickwot!

Isaya 40:29

Go miyo meni ri joma meni oloyo, to miyo meni ri jom'olacere.

Isaya 41:10

Ikir'ilwor, kole anitie kodin, ikir'ibwoki, kole abedo Were perin, alamedin meni, alakonyin, alamakin gi cingan maracuc ma turo lweny.

Yeremia 38:4

Kenyo jodhum jowaco ri kere ni, “Jal me ber woneki, kwoŋbedo go cilo cuny jolweny ma jodoŋ i tindi madwoŋ me, kodi ji je gi waco kiti wac no rijo. Kole jal me kidwar bero pa ji me, to raco ayin.”

Ezekiel 30:24

Alaloko matek badi kere ma Babilon, aka alaketho abor paran i cinge. To alaturo woko badi kere ma Misir aka go lakiuja ruwaŋ kere ma Babilon paka ŋat'omiy litho swa.

Zekaria 10:12

Alamiyo jo bedo matek i Rwoth, aka jolawoth i nyingi go. Rwoth waco.

2 Jokorintho 12:9

To go odwokan ni, “Nema paran romin; kole meni paran asere kama nyapo niye.” Am'omiyo, asangala swa pakirok gi nyapo paran, ŋey meni pa Kristo wobedi kwoŋan.

Joefeso 3:16

Akwayo Were ni cungo kwoŋ dwoŋ pere m'oasere, womiy win meni i cuny win, gi meni pa Cuny Maleŋ pere.

Joefeso 6:10

Macowe, bedi win ma wicwiny i Rwoth, kanyacel gi i meni pere m'oasere.

Jofilipi 4:13

Anyalo timo gimoro je i Kristo ma miyan meni.

Joebulaniya 12:12

Tiŋi win malo cingi win m'onudere no, aka weyi win congi win wobedi m'ocwiny!

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

1 Samwiri 30:6

Daudi oyido nitie i teko rupiri cwo pere oyido jonitie gi gwayo i cuny jo aka oyido joluwo kwoŋ goyo Daudi gi telin ro nyithindho pajo. To Rwoth Were pere miyo go miseni.