Nehemia 6:14 - KITAWO MALEŊ

¹⁴ Kenyo akwayo Were ni, “Awi Were paran, poyi gima Sanbalat gi Tobia jotimo aka imiy jo gir'acula. Poyi dhako no Nowadia gi jotuci wac Were man je ma jotemo bwokan.”

KITAWO MALEŊ Catholic

¹⁴ Kenyo akwayo Were ni, “Awi Were paran, poyi gima Sanbalat gi Tobia jotimo aka imiy jo gir'acula. Poyi dhako no Nowadia gi jotuci wac Were man je ma jotemo bwokan.”

Nehemia 6:14 Iomraidhean Croise

Nehemia 13:29

Poyi jo, Awi Were paran, kwoŋbedo jokoco tic ma cwayo rin, cikirok ma cango itimo gi jocway ri Were i wi migam kodi Jolevi.

Nehemia 5:19

Awi Were paran, poyi gigipiny je m'atieko timo ri ji me, ri bero paran.

Zabuli 137:7

Poyi, Awi Rwoth, kwoŋ Joedom ndelo ma podho pa Yerusalem, paka jowaco ni, “Reyi woko, reyi woko! Wopodhi kiri i kindi mere!”

Zabuli 22:1

Were paran, Were paran, raŋo ijwangan? Raŋo initie bor m'ikikonyan, ma kiuja paran kitundi bongin?

Zabuli 63:1

Awi Were, ibedo Were paran, aka arangin. Kwo paran gipi gomba in; paka kam'othwo, m'olacere, m'ongoye pi, riyo neko cunyan rin.

Kitawo mar'ario mapa Musa m'ilwoŋo ni Wok 15:20

Kenyo Miriam, jatuci wac Were madhako, okwanyo seke pere, aka mon man bende joluwo go ka jogoyo seke aka jomielo.

Yeremia 14:15

Riameno Rwoth waco ama mako kwoŋ jotuci wac Were ma joluwo i nyingan kad'akioro jo, aka jowaco ni, “Abor kodi kec k'obin i piny me”: Jotuci wac Were no jolatho g'abor kodi kec.

Yeremia 14:18

K'akidho woko i ndelo, aneno ji m'oneki jo g'abor! K'adonjo i tindi madwoŋ, aneno ji ma jotho kec! Kole jatuci wac Were kodi jacway ri Were i wi migam jotieko ŋweyo piny, aka jongoye gi ŋeyo.

Yeremia 28:1

Obedo i oro acel no won, i cakirok ma dhum pa Kere Zedekia ma Yuda, i dwe mar'abic ma oro mar'aŋwen, jatuci wac Were Hanania wod pa Azur, ma wok Gibeon, oluwo kodan i Ot pa Rwoth, munyo jocway ri Were i wi migam kodi ji je jonitie, ka waco ni,

Yeremia 28:10

Kenyo jatuci wac Were Hanania to kwanyo majogi i ŋuti jatuci wac Were Yeremia to turo woko.

Yeremia 28:15

Jatuci wac Were Yeremia to waco ri jatuci wac Were Hanania ni, “Winji, Hanania, Rwoth k'odhirin, aka imiyo ji me joketho geno pajo i twodo.

Matayo 24:11

Aka jotuci wac Were ma twodo mathoth jobino tundo to jowondo ji mathoth.

Matayo 24:24

Kole Kristo ma twodo kodi jotuci wac Were ma twodo jobino tundo to jotimo ranyuth madongo kodi gir'aura ma wondo ji, bedi nyalere di jowondo kiri jom'oyer.

Matayo 7:15

Gwokere win kwoŋ jotuci wac Were ma twodo, ma jobino bongi win i cal pa rombo gi woko, to iy'adieri mere jobedo arara i cuny gin.

2 Timothe 3:8

paka Janes kodi Jambure gin jopiemo gi Musa, ameno jono bende jopiemo kodi adieri. Jobedo ji ma paro pajo kitiy, aka yeyo odhiero jo.

1 Yohana 5:16

Ka moro oneno omin timo gimarac ma kikel tho, go ripo kwayo, aka Were bino miyo ŋato kwo. Awaco ameno kwoŋ joreco pajo kikel tho. To nitie gimarac ma kelo tho, aka akiwaci ni wiripo kwayo Were kwoŋ meno mere.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.