Nehemia 5:5 - KITAWO MALEŊ

⁵ Wabedo Joyuda paka jo bende, aka nyithindho mawan bende jobedo ji paka nyithindho pajo; kucel joriyo nyithindho mawan bedo ŋecin. Nyir mawan megi otiek kitana woko jo paka ŋecin. Wangoye gi kony kwoŋbedo omay wan ndelin mawan gi ndelin vini mawan.”

KITAWO MALEŊ Catholic

⁵ Wabedo Joyuda paka jo bende, aka nyithindho mawan bende jobedo ji paka nyithindho pajo; kucel joriyo nyithindho mawan bedo ŋecin. Nyir mawan megi otiek kitana woko jo paka ŋecin. Wangoye gi kony kwoŋbedo omay wan ndelin mawan gi ndelin vini mawan.”

Nehemia 5:5 Iomraidhean Croise

Cakirok 29:14

aka Laban owaco ni, “Adieri ibedo coko gi del paran!” Yakobo obedo kenyo ma dwe acel.

Cakirok 37:27

Weyi watana win go ri Joisimayili me, aka cingi wan wokiri wobedi kwoŋe rupiri go omin wan, aka delkwoŋ wan.” Aka wutmin go joyere.

2 Kerin 4:1

Onyo citho ma kitipa pa jotuci wac Were okidho bongi Elisa to waco rigo ni, “Jadwoŋ, cworan otho! Paka iŋeyo, go oyido woro Were, t'onyo pama ŋat'oyido banja go pesa obino tero wotan paka cul ri banja pa cworan.”

Agecin 22:7

Joŋaŋo jodhumo jocandi, aka jakikopa obedo ŋeca pa ŋat'okopa go.

Isaya 50:1

Me apaka Rwoth waco, Wiparo ni ariemo woko ji paran, paka jacwo ma riemo woko cege? Nikune, ere papila ma turo nywomirok? Wiparo ni atana win i twec, paka jacwo tana nyithindho pere paka ŋecin? Neni, wikadho bedo i twec ro reco mewin; aka ro kibenga mewin oriem min win.

Isaya 58:7

K'obedo camo cemo mewin kanyacel gi joma kec neko, gi rwako jacandi ma bu peco i ot mewin; ka wineno jokinyoro, wiruk jo, aka wikiri wikwer konyo wade mewin won?

Matayo 18:25

To paka ŋato oyido ongoye gi nger ma culo banja no, rwoth pere owodho or nike wotana go, kodi cege kodi nyithindho pere kodi lim pere je, woculi banja no.