Jofilipi 1:6 - KITAWO MALEŊ

⁶ Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

KITAWO MALEŊ Catholic

⁶ Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

Jofilipi 1:6 Iomraidhean Croise

Zabuli 138:8

Rwoth laketho i kare atoŋa pere ran, mar perin makiwire, Awi Rwoth, bedo cil gi cil, ikir'ijwangi tic ma cingin.

Yohana 6:29

Yesu odwoko ni, “Me a tic ma Were mito ni witim: Yey win ŋata go ooro.”

Tim pa Jomoor 11:18

Munyo jowinjo gime, joliŋ piem, to jopako Were munyo jowaco ni, “Kere Were otieko miyo Jopath bende hongo ma ŋuto gi bedo gi kwo.”

Tim pa Jomoor 16:14

Ŋat'acel kwoŋ jo m'owinjo wan oyido ilwoŋo ni Lidia, ma Thiatira, m'onwaŋo jamitan ma nangin ma rangi ariŋo. Go oyido obedo dhako ma lamo Were, aka Rwoth oyawo paro pere ma winjo wac ma Paulo oyido waco.

1 Jokorintho 1:8

Go bino miyo win cungo matek tundo i gike, aka nyaka ibino nwaŋo win ma bu raco i Ndelo pa Rwodhiwan Yesu Kristo.

2 Jokorintho 1:15

Paka onwaŋo atieko ridho timo gime, oyido ayiko bino liewo win kutho, ŋey wilimi silwany dirio.

2 Jokorintho 2:3

Andiko riwin balwa aka ŋey k'abino bongi win, ji ma d'omiyan kisangala kiri jowomiyan gut ayino. Kole ageno kwoŋ wijoje nike kisangala paran bedo mewin bende.

2 Jokorintho 7:16

Asangala ni anyalo geno win kicutho!

2 Jokorintho 9:4

Kak'ameno, ka ji ma Makedonia jobin kodan to jonwaŋo ni wikiyikere, wiy wan bino kwot marom nedi; meno kareno wakiluw kwoŋ wickwot mewin; rupiri waasa geno win!

Jogalasia 5:10

Aka fodi aridho ni wik'obedi gi paro man m'opokere, to ŋato, kada bedi ŋa, ma ruwo wiy win no, bino wodho cul mere.

Joefeso 4:12

Otimo ama ma yiko ji pa Were je ri tic manyakristo, ma gero delkwoŋ Kristo.

Jofilipi 1:10

aka nyaka wibino nyalo yero gim'oasa bero. Meno aka wibino bedo ma bu cilo moro je kodi apuse i ndelo pa Kristo.

Jofilipi 1:29

Kole go otieko miyo win silwany, ki nyaka ma yeyo Kristo kende, to ma candirok rigo bende.

Jofilipi 2:12

Am'omiyo, wutmera, paka noknok wiwinjo or, ki nyaka ruwaŋan kende, to tektek paka onyo angoye, tiyi win ri both mewin gi lworo kodi kirin.

Jofilipi 2:13

Kole Were ama tiyo i win, ma miyo wiyeyi aka winyal timo atoŋa pere.

Jofilipi 2:16

Ka wicwire i mikwenda ma kwo, aka anobedi g'atoŋa ma yumirok gi win i Ndelo pa Kristo. Kole meno bino nyutho ni tekirok paran je kodi tic k'otho nono!

Jokolosia 2:12

Kole munyo wilimo batisimo, meno kareno oyiki win gi Kristo, aka bende wicerino gi go ro yeyo mewin i meni pa Were ma tic, m'ocerino go kwoŋ jom'otho.

1 Jothesalonika 1:3

Kole wapoyo ruwaŋ Were mawan kodi Bawan paka wiketho yeyo mewin i tim, paka mar mewin omiyo witiyo matek, gi paka geno mewin i Rwodhiwan Yesu Kristo ocwiny.

2 Jothesalonika 1:11

Me am'omiyo wakwayo riwin noknok, ni Were mawan wokonyi win winyal ripo gi kwo m'olwoŋ'iye win. Aka gi meni pere, woyeŋi cuny win iy'atoŋa maber ma winigine, kodi tic ma witimo wok kwoŋ yeyo.

2 Jothesalonika 3:4

Wanitie gi geno kwoŋ win i Rwoth ni witimo gima waoro win, aka wibino medere gi timo ameno.

Filimon 1:21

Aridho adieri, munyo andiko gime, nike ibino timo gim'akwayin, odoko ma kalo kiri m'akwayin.

Joebulaniya 10:35

Am'omiyo wikiri wiboli woko miseni mewin, rupiri bino kelo riwin kemba madwoŋ swa.

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

2 Petero 3:10

To Ndelo pa Rwoth bino tundo paka jakwo. I Ndelo no polo bino leny woko gi derino madwoŋ; gigipiny ma polo bino waŋ, to regere woko, aka piny gi gima nitie iye je bino lokere m'oywere pa mbolera.