Joefeso 2:8 - KITAWO MALEŊ

⁸ Kole ro nema am'omiyo wiboth cungo kwoŋ yeyo; aka me k'obedo tim mewin wiwegi, t'obedo mic pa Were.

KITAWO MALEŊ Catholic

⁸ Kole ro nema am'omiyo wiboth cungo kwoŋ yeyo; aka me k'obedo tim mewin wiwegi, t'obedo mic pa Were.

Joefeso 2:8 Iomraidhean Croise

Matayo 16:17

Yesu odwoko ni, “Simon wod pa Yona, ijasilwany swa! Adieri me k'obino rin wok bongi dhano moro, to Baba mani polo am'onyuthin.

Matayo 20:9

Joma nende jocako sawa apar g'acel, omiy jo siringi acel acele.

Mariko 16:16

Ŋat'oyey t'ibatisa go bino both; ŋat'okwer yeyo ilathumo banja rigo.

Luka 7:50

To Yesu owaco ri dhako no ni, “Yeyo perin otieko bothin; kadhi i siem.”

Yohana 3:36

Ŋata yeyo Wode nitie gi kwo makirum; ŋata kiwinji Wode k'olimi kwo, to keme pa Were ama bino tundo rigo.

Yohana 4:10

Yesu odwoko ni, “Bedi iŋey mic pa Were kodi ŋata kwayin pi amadha, d'ikwayo go aka d'omiyin pi ma kwo.”

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Yohana 6:35

Yesu owaco rijo ni, “Abedo mugat ma kelo kwo. Ŋata bino bongan kilawinjo kec, aka ŋata yeyan kilawinjo riyo.”

Yohana 6:37

Moro je ma Baba miyan bino bongan. Ak'oriem woko nyatoro je m'obin bongan.

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 6:44

Ongoye ŋata nyalo bino bongan kwanyo woko ka Baba m'ooran oywayo go bongan; aka abino cerino go i ndelo ma rumacen.

Yohana 6:65

Aka omedo waco ni, “Me am'omiyo awaco riwin nike ongoye ŋata nyalo bino bongan kwanyo woko ka Baba am'omiyo go onyalo timo ameno.”

Tim pa Jomoor 13:39

Aka nyatoro je ma yeyo i go igonyo go woko kwoŋ gimarac ma Cik pa Musa onwaŋo kinyal gonyo win kwoŋe.

Tim pa Jomoor 14:27

Munyo jotundo Antiok, jocoko ji ma kitipa pa jom'oyeyo kanyacel to jowaco rijo gimoro je ma Were otimo gi jo; kendo paka onyo oyawo royo ri Jopath ma yeyo.

Tim pa Jomoor 15:11

Be! Kole wayeyo ni wabino limo both kwoŋ nema pa Rwoth Yesu, paka jo bende.”

Tim pa Jomoor 16:14

Ŋat'acel kwoŋ jo m'owinjo wan oyido ilwoŋo ni Lidia, ma Thiatira, m'onwaŋo jamitan ma nangin ma rangi ariŋo. Go oyido obedo dhako ma lamo Were, aka Rwoth oyawo paro pere ma winjo wac ma Paulo oyido waco.

Tim pa Jomoor 16:31

Jowaco ni, “Yey Yesu Kristo, aka ibino limo both, in kodi ot perin gipi.”

Joroma 10:14

To jolwoŋ nedi ŋata fodi jok'oyeyo kwoŋe? Odoko joyey nedi ŋata fodi jok'owinjo wac ma mako kwoŋe? Odoko jowinji nedi m'ongoye ŋat'otito rijo mikwenda?

Joroma 10:17

Am'omiyo yeyo wok i winjo mikwenda, aka mikwenda wok i fonji kwoŋ Kristo.

Joroma 4:16

Riameno cikirok no cungo kwoŋ yeyo, ŋey wothenere kwoŋ nema pa Were aka womiy nyikway Abraham je, aka ki nyaka joma jokuro Cik kende, to joma joyeyo paka cango Abraham bende oyeyo. Ato Abraham obedo ba wajoje ma cuny,

Joroma 4:5

To ka dhano kikethi geno kwoŋ tic pere, to ketho i yeyo Were ma kwanyo woko banja kwoŋ ji ayino, kiti yeyo no miyo ikwano rigo tiro.

Joroma 9:16

Am'omiyo, kicungi kwoŋ yero kosa meni pa dhano, to cungo kwoŋ Were ma nyutho wor.

Jogalasia 3:14

Meno, aka ŋey womiy Jopath silwany ma Were ociko Abraham i Yesu Kristo, aka wanyal jolo Cuny ma Were ociko cungo kwoŋ yeyo.

Jogalasia 3:22

To ndiko maleŋ waco ni kisi gimoro nitie i meni pa gimarac, to joma joyeyo jolanyalo limo mic m'ocik cungo kwoŋ yeyo Yesu Kristo.

Joefeso 1:19

kendo paka meni pere madwoŋ m'oasere tiyo riwan ma wayeyo. Meni no dwoŋ tektek,

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Joefeso 2:5

kad'oyido watho i cuny wan ro turo cik ma waturo, omiyo walimo kwo kanyacel gi Kristo; aka wiboth cungo kwoŋ nema pa Were.

Jofilipi 1:29

Kole go otieko miyo win silwany, ki nyaka ma yeyo Kristo kende, to ma candirok rigo bende.

Jokolosia 2:12

Kole munyo wilimo batisimo, meno kareno oyiki win gi Kristo, aka bende wicerino gi go ro yeyo mewin i meni pa Were ma tic, m'ocerino go kwoŋ jom'otho.

2 Jothesalonika 1:9

Jobino limo gir'acula ma rerok woko cil gi cil munyo okwany jo woko ruwaŋ Rwoth kodi meni pere ma didwoŋ,

Joebulaniya 6:4

Aka tek swa dwoko jom'opodho miyo jo ŋuto kendo, rupiri yado onwaŋo jonitie i lero pa Were, aka jobilo kiri mic ma polo to jolimo pok pajo ma Cuny Maleŋ.

1 Petero 1:5

Ato ro yeyo mewin am'omiyo meni pa Were kuro win cuka tundo ndelo ma both m'oyik nyutho ka ndir otundo.