Joebulaniya 4:13 - KITAWO MALEŊ

¹³ Ongoye gima nyalo panere ri Were. Gimoro je i cwec othangere aka oyare i waŋe, go ma wabino tito kwo mawan ruwaŋe.

KITAWO MALEŊ Catholic

¹³ Ongoye gima nyalo panere ri Were. Gimoro je i cwec othangere aka oyare i waŋe, go ma wabino tito kwo mawan ruwaŋe.

Joebulaniya 4:13 Iomraidhean Croise

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

2 Kigana kwoŋ Kerin 16:9

Kole waŋ Rwoth neno ji ma piny gibe, ma ridho adundin pa jono ma jomiyere rigo. Paka itieko timo gimiŋo me, riameno wok pama kadho yuwaŋe, ilabedo gi lweny noknok.”

2 Kigana kwoŋ Kerin 6:30

winji kwayo pajo. Winji jo gi peco perin i polo, cwaki jo, aka kony jo. In kende iŋat'iŋeyo paro ma cuny nyatoro. Tiyi gi kisi nyatoro paka yenyere,

Yobu 26:6

Piny pa jom'otho odoŋ nono ruwaŋ Were, ongoye gima umo kwoŋ lero pere.

Yobu 34:21

Go ketho waŋe kwoŋ yo pa ji, aka neno woth pajo je.

Yobu 38:17

Itieko neno waŋkac ma tho, kosa itieko neno waŋkace ma piny pa jom'otho?

Zabuli 139:4

Mafodi lewan k'otuco wac, neni, Awi Rwoth, iŋeyo joje.

Zabuli 44:21

di Were k'oŋeyo gime? Kole go oŋeyo nyaliŋliŋ ma cuny jo.

Zabuli 7:9

Ibedo Were ma timo gim'otire, aka ithumo banja cungo kwoŋ paro mawan gi awanya mawan. Juki kidakana pa jomarac, aka imiy jomaber kemba.

Zabuli 90:8

Ithango reco mawan ruwaŋin, reco mawan manyaliŋliŋ kam'inyalo neno jo.

Agecin 15:11

K'inen piny pa jom'otho gi rerok joŋamere ruwaŋ Rwoth, to kosa cuny dhano oŋamere nedi?

Agecin 15:3

Waŋ Rwoth nitie kisi kamoro, go neno ji mareco gi jomaber.

Agecin 5:21

Rwoth neno kisi tim pa dhano, aka menyo kisi kama go kadh'iye.

Jafonji 12:14

Kole Were lathumo banja ri kisi tim je, gi kisi gimoro je m'opanere, obedi maber kosa marac.

Yeremia 16:17

Kole acomo waŋan i tim pajo je; jok'opanere kwoŋan, kosa reco pajo k'opanere kwoŋan.

Yeremia 17:10

An Rwoth, arango cuny ji t'atemo adundin pa ji. Atiyo gi kisi dhano cungo kwoŋ tim pere, cungo kwoŋ gima go timo.

Yeremia 23:24

Jokune ma jonyalo pondo kam'opanere ŋey akir'anen jo? Rwoth penjo. Wikuya ni anitie kisi kamoro i polo kodi i piny? Rwoth penjo.

Yeremia 29:23

Kwoŋbedo jotimo gimiŋo i Isiraili to jotimo cot gi mon pa wadi gin, aka jotieko luwo wac ma twodo i nyingan m'akioro jo; aŋat'aŋeyo aka abedo jakony, Rwoth waco.

Daniel 2:22

Go nyutho nyaliŋliŋ kodi gim'opanere, go oŋeyo gima nitie i mudho, aka lero nitie gi go.

Matayo 6:4

ŋey wobedi gima nyaliŋliŋ, aka Benin, ma neno gim'imito nyaliŋliŋ, ama bino miyin kemba.

Yohana 2:24

To Yesu k'onyuthere kamaler rijo kwoŋbedo go oyido oŋeyo dhano je.

Yohana 21:17

Ma didek Yesu odoko omedo penjo go ni, “Simon wod Yohana, imaran?” Gikenyo Petero cunye oramo, rupiri Yesu openjo go ma didek ni, “Imaran?” Ameno odwoko go ni, “Rwoth, kole iŋeyo gimoro je, iŋeyo paka amarin.” Yesu owaco rigo ni, “Pidhi rombo paran.

Yohana 4:16

Yesu owaco rigo ni, “Kidhi ilwoŋ cworin idwoki gine ka”

Tim pa Jomoor 17:31

rupiri go otieko yiko ndelo ma go bino thum'iye banja ri piny gipi i tiro, aka ŋata go oyero ama bino thumo. Go otieko ridho wac no ri dhano je munyo cerino ŋato kwoŋ jom'otho.

Joroma 2:16

Onyo, cungo kwoŋ Wac Manyen Maber m'afonjo, me apaka bino bedo i ndelo no munyo Were, i Yesu Kristo, bino thumo banja ri paro manyaliŋliŋ je ma cuny ji.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

2 Jokorintho 5:10

Kole wajoje waripo cungo ruwaŋ Kristo, go wothum riwan banja, ŋey kisi dhano kwoŋ wan wolimi gima ripo gine cungo kwoŋ gima go otimo gi delkwoŋe, maber kosa marac.

Menyirok ri Yohana 2:23

Abino kisika nyithindho pere bende, aka kitipin pa jom'oyeyo je jobino ŋeyo nike a jameny cuny ji gi ŋeyo paro pa ji. Abino culo kisi dhano kwoŋ win cungo kwoŋ gima go otimo.

1 Samwiri 16:7

To Rwoth waco rigo ni, “Ikir'inen ŋono kosa boro pere, kole atieko kwero go; rupiri An akinen paka dhano neno. Ji joneno ŋono to an aneno adundo.”