Joebulaniya 2:9 - KITAWO MALEŊ

⁹ To kole waneno Yesu, ma i hongo macek oloki go ma piny loyo jomalaika, paka orwaki rigo sangaria madwoŋ gi wor rupiri ocandere i tho, ni ŋey kwoŋ nema pa Were go wonyali tho ri ji je.

KITAWO MALEŊ Catholic

⁹ To kole waneno Yesu, ma i hongo macek oloki go ma piny loyo jomalaika, paka orwaki rigo sangaria madwoŋ gi wor rupiri ocandere i tho, ni ŋey kwoŋ nema pa Were go wonyali tho ri ji je.

Joebulaniya 2:9 Iomraidhean Croise

Cakirok 3:15

Abino ketho kwor i dier in gi dhako, aka i dier nyithindhin gi nyithindho pere. Nyithindho pa dhako jobino ŋinyo wiyin, aka ibino toŋo fundi jo.”

Isaya 11:1

Yath lakitula wok i kolo pa Yese, aka jangi yath lakitula wok i fuc mere.

Isaya 7:14

Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

Matayo 16:28

“Adieri awaco riwin, nitie joma jocungo ka ma jokibino tho mafodi jok'oneno Wod Dhano ka bino i Ker pere.”

Matayo 6:28

To raŋo ma wirembo ri ruk? Neni win thiw dudi paka jodongo; jokicwer kwok i tic odoko wegi jokitim ruk pajo.

Mariko 9:1

Aka omedo waco ni, “Adieri awaco riwin, nitie jomegi kwoŋ win ka ma jok'otho mafodi jok'oneno Ker pa Were ka bino gi meni.”

Luka 9:27

To awaco riwin adieri, kwoŋ win nitie joma jocungo ka ma jok'otho mafodi jok'oneno Ker pa Were.”

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 10:17

“Baba omaran rupiri ayeyo bolo woko kwo paran, rumacen to doko anwaŋo kendo.

Yohana 12:32

K'otiek tiŋan malo wok piny abino ywayo ji je bongan.” [

Yohana 3:16

Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

Yohana 8:51

Adieri awaco riwin, ni ŋata winjo fonji paran kilatho.”

Yohana 8:52

Joyuda jowaco rigo ni, “Pama onyo nyaka waŋeyo odoco nike initie gi jwogi. Abraham kodi jotuci wac Were jotho, aka odoko iwaco ni, ŋata winjo fonji perin kilatho.

Tim pa Jomoor 2:33

Otiek tiŋo go malo yuracuc pa Were aka onyo walimo bonge Cuny Maleŋ paka Bamere ociko; aka gim'onyo pama wineno aka odoko wiwinjo me, obedo mic pere ma go okonjo kwoŋ wan.

Tim pa Jomoor 3:13

Kole Were pa Abraham, Isaka, kodi Yakobo, Were pa kwarere mawan, am'omiyo Yesu Jatic pere dwoŋ. Wibolo go i cingi jodhum aka wikwedo go ruwaŋ Pilato, kada munyo Pilato onwaŋo otieko ridho gunyo go.

Joroma 5:18

Am'omiyo paka kibenga pa ŋat'acel omiyo banja oloyo ji je, ameno bende ibino kwanyo woko banja kwoŋ ji mathoth ro winjo pa ŋat'acel.

Joroma 5:8

To Were otieko nyutho wan paka omaro wan, rupiri munyo fodi wabedo joreco, Kristo otho riwan.

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

2 Jokorintho 5:15

Aka go otho ri ji je, nike jomakwo kiri jowoteri kwo paka apajo wegi to paka apa Kristo m'otho rijo to icerino go kwoŋ jom'otho.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Jogalasia 4:4

To munyo hongo m'oyik otundo, Were ooro Wode won, ma dhako won bende am'onywolo, aka obedo i Cik pa Joyuda,

1 Timothe 2:6

m'omiyere ma botho ji je. Meno obedo gir'anena, i hongo m'otire, ni Were mito ji je jowobothi.

Joebulaniya 1:9

Imaro gim'otire aka idaki reco, am'omiyo Were, ma Were perin, owirin gi mo ma kisangala to miyin dwoŋ ma kalo ma go omiyo jowotin.”

Joebulaniya 10:5

Ro wac me, munyo Kristo obino i piny, owaco ri Were ni, “Racow kodi mic ikiyeny, to del m'iyiko ran ayino.

Joebulaniya 11:5

Yeyo am'ogeŋo Enoka tho. Kucel, oter go malo bongi Were, aka moro k'onyalo nwaŋo go, rupiri Were oyido otieko kadho gine. Ndiko waco ni mafodi k'oteri Enoka malo, go oyido otieko kisangala Were.

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

Joebulaniya 2:7

Iloko go nyaka ma hongo macek bedo ma piny loyo jomalaika, t'imiyo go dwoŋ gi wor,

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

Joebulaniya 8:3

Kisi jadwoŋ pa jocway ri Were i wi migam je okethi ni wocwayi mic kodi le paka cowirok ri Were: Am'omiyo jadwoŋ pa jocway ri Were i wi migam me bende oyido ripo bedo kodi gi mic m'amiyo.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

1 Yohana 2:2

Go won a cowirok ma miyo icwako reco mawan, to ki reco mawan kende, to reco pa ji je ma piny.

Menyirok ri Yohana 19:12

Waŋe oyido cale mac maliel, aka oruko sangaria kweth i wiye. Go nigi nyinge m'ondiki kwoŋe, m'ongoye moro m'oŋeyo kwanyo woko go won kende.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.