Joebulaniya 13:15 - KITAWO MALEŊ

¹⁵ Am'omiyo, weyi hongo je wacway pak ri Were paka cowirok mawan i Yesu Kristo, ma cal olemo ma nyak wok i dhok wan ka watuco nyinge.

KITAWO MALEŊ Catholic

¹⁵ Am'omiyo, weyi hongo je wacway pak ri Were paka cowirok mawan i Yesu Kristo, ma cal olemo ma nyak wok i dhok wan ka watuco nyinge.

Joebulaniya 13:15 Iomraidhean Croise

2 Kigana kwoŋ Kerin 29:31

Gikenyo to Hezekia waco ri ji ni, “Pama onyo wileŋ ri Rwoth; core win cegin, keli win cowirok kodi mic ma foyo ri Rwoth.” Joworo aka jomegi kwoŋ jo wegi jokelo ogwaŋe ma cowirok gine paka mic awaŋa.

2 Kigana kwoŋ Kerin 33:16

Go bende oyiko migam pa Rwoth to miyo i wiye cowirok ma mic ma siem kodi ma foyo; to wodho or ri ji je ma Yuda ni jowolami Rwoth Were pa Isiraili.

2 Kigana kwoŋ Kerin 7:6

Jocway ri Were i wi migam kodi Jolevi jomako kabedo pajo gi giwer ma Kere Daudi oyido otimo ma pako Rwoth, kareno jowero ni: “Mar pere makiwire bedo cil gi cil.” Paka Daudi oyido owodho or. Jocway ri Were i wi migam oyido jokudho gwara, kareno Joisiraili je jocungo.

Ezira 3:11

Gi pak kodi foyo, jowero wer me ri Rwoth: Rwoth ber, mar pere makiwire ri Isiraili bedo cil gi cil. Kisi dhano okoko gi meni pere, ka jopako Rwoth, kwoŋbedo oyido otiek cako misingi ma Ot pa Rwoth.

Nehemia 12:40

Ameno kitipin ario je m'oyido jomiyo Were foyo joromo ruwaŋ Ot pa Were. I kitipa paran oyido nitie adec ma jodhum,

Nehemia 12:43

I ndelo no omiy cowirok madwoŋ aka ji oyido jofore kwoŋbedo Were omiyo jo kisangala. Mon kodi nyithindho bende jofore, aka kisangala pa Yerusalem owinjere bor swa.

Zabuli 118:19

Yaw ran waŋkac ma Ot pa Rwoth, ŋey adonji afoy Rwoth!

Zabuli 119:108

Yey mic paran ma pak, Awi Rwoth, aka fonjan or perin.

Zabuli 18:49

Am'omiyo apakin, Awi Rwoth i dier nonin je, awero wer ma pakin.

Zabuli 50:14

Miy Were cowirok ma foyo, aka cul Were madwoŋ loyo gim'iciko go je.

Zabuli 50:23

Ŋata kelo foyo pere paka cowirok pere miyan dwoŋ; ri ŋata wotho i yo m'otire, alanyutho go both pa Were!”

Isaya 57:19

Rwoth waco, siem, siem, ri joma nitie bor gi cegin, aka alacango jo.

Yeremia 33:11

dwondi jo ma kisangala kodi forok. Lawinjere dwondi jamweha kodi mweha kodi dwondi ji ma jowero, ka jokelo foyo i Ot pa Rwoth ka jowaco ni, “Miy win Rwoth pa lwak jolweny foyo, kole Rwoth ber, aka mar pere makiwire bedo cil gi cil!” Kole aladwoko lim ma lowo paka marapena, Rwoth waco.

Yeremia 33:18

Jocway ri Were i wi migam ma jobedo Jolevi jokilangoye ruwaŋan gi jacwo ma miyo mic awaŋa, mic ma cemo, kodi timo cowirok ma hongo je.

Hoseya 14:2

Kadhi win gi kwac, aka wigik bongi Rwoth; wiwaci rigo ni, “Kwany woko reco je; jol gimaber mere, aka walapakin gi dhok wan.”

Jolevi 7:12

K'imiyo mic ma foyo, ilamiyo gi cowirok ma foyo, mugat ma buthow m'onywow gi mo oliv, mugat manwaŋ ma buthow m'owir'iye mo, kodi mugat m'otimi gi moko m'onuŋere m'obil maber i mo.

Kwan 7:62

Sen acel ma zahabu ma peko mere obedo siringi apar, m'opoŋ gi buban,

Matayo 11:25

I hongo no Yesu owaco kamaler ni, “Afoyin Baba, Rwoth ma polo gi piny, rupiri ipano gigipiny me ri jomariek kodi jom'ofonjere t'iwodho kamaler ri nyithindho ayino.

Luka 10:21

I hongo no won Yesu osangala i Cuny Maleŋ aka owaco ni, “Afoyin Baba, Rwoth ma polo kodi piny, paka ipano gigipiny me ri jomariek kodi jom'ofonjere t'inyutho nyithindho ayin. Ey Baba, gime otimere paka iyenyo ni wotimere.”

Yohana 10:9

Aŋat'abedo dhiot. Moro je ma donjo gi bongan bino both; go bino donjo to wok, to nwaŋo lum m'oloth.

Yohana 14:6

Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

Joroma 12:1

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

Joroma 6:19

Aoro wac manyadhanodhano ro nyapo ma winigine ma niaŋ. Paka yado oyido wimiyere ibedo ŋecin pa kidakana, kodi turo cik pa Were, onyo pama bende wiripo miyirok paka ŋecin pa tiro ri atoŋa ma lonyo.

Joefeso 2:18

I Kristo wajoje wan gi thwolo i Cuny Maleŋ acel ma kidho bongi Were Bawan.

Jokolosia 1:12

Aka foy win Bawan, m'omiyo winyalo limo ye gima Were okano ri ji pere i lero.

Joebulaniya 12:28

Am'omiyo, rupiri wakidho limo ker ma kinyal yengere, weyi wafoy win Were to walamo go i royo ma sangala go, gi bwonirok gi lworo;

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.