Joebulaniya 12:22 - KITAWO MALEŊ

²² Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.

KITAWO MALEŊ Catholic

²² Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.

Joebulaniya 12:22 Iomraidhean Croise

2 Kerin 19:4

Kere ma Asiria ooro jadhum pere madwoŋ yeto Were makwo. Weyi Rwoth Were perin wowinji yet me, aka womiy joma joluwo gir'acula. Riameno kway ri ji mawan ma jodoŋ.”

Zabuli 2:6

Rwoth waco ni, “Atieko ketho kere paran wi got maleŋ Zayon.”

Zabuli 42:2

Adundo paran nitie gi riyo ri Were, ri Were makwo. Anobin keraŋo lamo ruwaŋin Rwoth?

Zabuli 48:2

Zayon, oŋawere maŋon, obedo kisangala pa piny gibe, tindi madwoŋ pa kere madwoŋ.

Zabuli 68:17

Gi cawila ma meni, ma gana apar dirio, gana gi gana, Rwoth obino wok Sinai i Kabedo Maleŋ.

Zabuli 84:2

Amito swa bedo kenyo. Ayenyo swa bedo i Ot pa Rwoth. Cunyan gi delkwoŋan wero gi kisangala ri Were makwo.

Zabuli 87:3

Iluwo kwoŋin gigipiny madongo, Awi tindi madwoŋ pa Were.

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Isaya 14:32

Aŋo ma dhano odwoki jomikwenda ma piny? Rwoth otieko nwaŋo Zayon, aka i go ji pere ma jodamba, jolanwaŋo kapondo.

Isaya 24:23

Kenyo dwe lalokere macol, aka ceŋ k'oliel kendo, kole Rwoth pa lwak jolweny ladhumo, wi Got Zayon kodi i Yerusalem, aka go lanyutho dwoŋ pere ruwaŋ jotel pa ji pere.

Isaya 27:13

I ndelo no, ilakudho gwara madwoŋ, aka jono m'oyido jorwenyo i lowo ma Asiria kodi jono m'oyido oriem jo woko i lowo ma Misir jolabino lamo Rwoth wi got maleŋ i Yerusalem.

Isaya 28:16

Riameno me apaka Rwoth Were waco ama: Neni, aketho misingi matek ri Zayon, gi tele ma welo ma sonda, misingi matek. Ŋat'oyey k'okwakere.

Isaya 51:11

Ameno ji ma Rwoth obotho joladwoko, to jobino i Zayon gi wer, forok ma bu gike bino bedo rijo. Jobino nwaŋo forok gi kisangala, aka kumo gi hamo bino ngoye woko.

Isaya 51:16

Atieko ketho wac paran i dhok win, t'akano win i tipo ma cingan, arieyo polo, t'ageto kindi piny, k'awaco ri Zayon ni, “Wibedo ji paran.”

Isaya 59:20

Aka go labino i Zayon paka Jaboth, kodi ri nyikway Yakobo, ma joŋuto reco pajo, Rwoth waco.

Isaya 60:14

Nyikway jono ma cango jodiyin jolabino bwonirok ruwaŋin, aka jono ma jocayin, jolaguro rin congi gin. Jolalwoŋin Tindi madwoŋ pa Rwoth, Zayon, tindi madwoŋ pa Were ma Leŋ pa Isiraili.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Yeremia 17:25

kenyo nyaka joladonjo i waŋkace ma tindi madwoŋ me, kerin ma jobedo i wi kom ma dhum pa Daudi, ma jogweyo cawilin kodi kayinin, jo kodi jotel pajo, ji ma Yuda kodi joma bedo i Yerusalem; aka ji jolabedo i tindi madwoŋ me cil gi cil.

Daniel 6:26

Amiyo or ni, i kisi adec ma ker paran, ji joripo kirin kodi lworo Were pa Daniel.” “Kole go obedo Were mar'adieri makwo, go kiwire cil gi cil, ker pere kilarere, aka dhum pere ongoye gike.

Daniel 7:10

Malawa ma mac otula to mol ruwaŋ go. Ganin gi ganin jotiyo rigo, aka ganin apar jocungo ruwaŋe, oyaw kapido, t'iyawo kitawin.

Hoseya 1:10

Kucel welo pa Joisiraili lacale paka kwoyo ma nam, ma kipimere kosa kwanere; aka i kabedo m'owac'iye rijo ni, “Wikibedo ji paran.” Ilalwoŋo jo ni, “Nyithindho pa Were makwo.”

Yowel 2:32

Nyaka kisi ŋat'olwoŋ nyingi Rwoth bino both; kole wi Got Zayon kodi i Yerusalem, labedo gonyirok, paka Rwoth otieko waco, aka kwoŋ joma joboth, labedo jono ma Rwoth lwoŋo jo.

Matayo 16:16

Simon Petero odwoko ni, “In ibedo Kristo Wod Were makwo.”

Matayo 5:35

kosa gi piny, rupiri meno ka ywomo tiende, kosa gi Yerusalem, rupiri meno obedo tindi pa Kere madwoŋ;

Joroma 11:26

Aka me apaka Isiraili gipi bino limo both, paka ondiki ni, “Jaboth bino wok Zayon, Go bino kwanyo woko reco pa nyikway Yakobo je.

Joroma 9:26

Aka i kabedo m'onwaŋo owac'iye rijo ni, ‘Wikibedo ji paran.’ Kenyo am'ibino lwoŋ'iye jo ni nyithindho pa Were makwo.”

Jogalasia 4:26

To Yerusalem manyapolo nitie i siem, aka go a yok wan.

Joefeso 2:19

Am'omiyo, pama onyo wikibedo Jopath kosa jokicar kendo; to wibedo ji acel gi ji pa Were; jopeco pa Were.

Kitawo mar'abic mapa Musa m'ilwoŋo ni Cik 33:2

Rwoth oluwo wok i Sinai, aka oloro kwoŋ jo wok i Edom, aka omenyo ji pere wok i Got Paran. Jomalaika gana apar oyido jonitie gi go, gi mac maliel i cingi go maracuc.

Kitawo mar'abic mapa Musa m'ilwoŋo ni Cik 5:26

Kole ŋa manitie i del m'otieko winjo dwondi Were makwo luwo wok i mac, paka watieko winjo, aka omedo kwo?

Jofilipi 3:20

To wan, wabedo ji ma polo, aka wakuro dwoko pa Jaboth wok i polo, aka manago Rwoth Yesu Kristo.

1 Jothesalonika 1:9

Kole joma koro je jowaco paka wijolo wan munyo waliewo win, gi paka wiweyo lamo cal makicar to wigik bongi Were, tiyo ri Were mar'adieri odoko makwo,

2 Timothe 4:18

Rwoth bino konyan i raco je, to bothan ri Ker ma polo. Dwoŋ wobedi rigo cil gi cil. Ameno.

Joebulaniya 10:31

Obedo gilworo madwoŋ swa ka nyatoro opodho i cingi Were makwo!

Joebulaniya 11:10

Kole Abraham oyido kuro tindi ma Were ama oyiko gi gero; tindi ma tiendi geto mere yindira.

Joebulaniya 11:16

Kucel, oyido jomiyo piny maber loyo, m'obedo piny manyapolo. Am'omiyo Were wiye kikwoti lwoŋirok ni Were pajo, rupiri otieko yiko rijo tindi.

Joebulaniya 13:14

Ato tindi ma yindira ongoye riwan i piny ka, to kwanyo woko warango tindi ma bino ayino.

Joebulaniya 3:12

Kure win, jowotan, aka moro kwoŋ win wokiri wobedi gi cunye marac ma kiyey ma eye woko kwoŋ Were makwo.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

Yosuwa 3:10

Yosuwa owaco ni, “Gi gime wibino ŋeyo ni Were makwo nitie i dier win, aka go k'obedi ma k'ogweyo woko ruwaŋ win Jokanan, Johiti, Johivi, Joperiz, Jogagas, Joamor kodi Joyebus.

Yuda 1:14

Enoka, nyakwar Adam ma nyatirtir i luse mar'abirio, cango oluwo kwoŋ jo con ni, “Neni! Rwoth bino gi jopere maleŋ gana gi gana,

Menyirok ri Yohana 14:1

Gikenyo aŋiyo, t'aneno Nyathi rombo ruwaŋan, munyo ocungo wi got Zayon. Bonge, oyido nitie ji gana miya acel piero aŋwen g'aŋwen (144,000) ma nyinge kodi nyingi Bamere ondiki ruwaŋ jo.

Menyirok ri Yohana 21:10

Gikenyo malaika no otiŋan i cuny to teran wi got mabor tektek. Go onyuthan Yerusalem, Tindi Maleŋ, munyo loro piny wok i polo bongi Were,

Menyirok ri Yohana 21:2

Gikenyo aneno Tindi Maleŋ, Yerusalem manyen, munyo loro piny wok i polo bongi Were, m'oyik maŋon paka mweha m'orukere maŋon ka yikere romo gi rwoth pere.

Menyirok ri Yohana 22:19

Aka ka moro okwany woko wac moro je m'otuci i kitawo me, Were bino kwanyo woko adec pere ma gima nyak kwoŋ yath ma kelo kwo, kodi ma tindi maleŋ, m'otuci i kitawo me.

Menyirok ri Yohana 3:12

Abino loko ŋat'oloy karatem siro ma Ot pa Were paran, aka go k'odoko owok i iye. Abino ndiko kwoŋe nyingi Were paran, kodi nyingi tindi pa Were paran, Yerusalem manyen, ma bino loro piny wok i polo bongi Were paran; kodi nyingan manyen won bende.

Menyirok ri Yohana 7:2

Aka aneno malaika man bino wok yuwok ceŋ kodi gimwono ranyuth pa Were makwo. Go olwoŋo gi dwonde ma malo jomalaika aŋwen ma Were oyido omiyo jo meni ma nyeko piny kodi nam.