Joebulaniya 12:2 - KITAWO MALEŊ

² wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

KITAWO MALEŊ Catholic

² wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

Joebulaniya 12:2 Iomraidhean Croise

Zabuli 110:1

Rwoth waco ri rwoth paran ni, “Bedi i cingan maracuc, cuka aketho jokwor perin i par tiendin.”

Zabuli 138:8

Rwoth laketho i kare atoŋa pere ran, mar perin makiwire, Awi Rwoth, bedo cil gi cil, ikir'ijwangi tic ma cingin.

Isaya 31:1

Kidamba ri jono ma jokadho i Misir rango kony, jogoŋere kwoŋ kayinin, joketho geno i cawilin kwoŋbedo jokweth, kodi jogwey kayinin kwoŋbedo jotek. To jokiŋiy Were Maleŋ pa Isiraili kosa rango Rwoth!

Isaya 45:22

Wire win bongan aka wibothi, ji je ma piny gibe! Kole an abedo Were, aka ongoye man kendo.

Isaya 53:3

Ji jocayo go, aka jokwedere kwoŋe, dhano ma jarem, gi candirok madit. Ongoye ŋat'obolo kada waŋe ŋiyo go, wacayo go, aka wakidewo kwoŋe paka ŋata dikony.

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Mika 7:7

To ri an, abino ŋiyo bongi Rwoth, abino kuro Were ma bino bothan; Were paran bino winjan.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Kwan 21:9

Ameno Musa otimo thwol ma ywel, to ketho wi yath, aka kisi ka thwol okayo dhano, ŋato ŋiyo thwol ma ywel to kwo.

Matayo 16:21

Wok i hongo no kadho malo, Yesu ocako waco kamaler ri jofonjirok pere ni go ripo kidho Yerusalem wocandere tektek i cingi jotel pa ji kodi jotel pa jocway ri Were i wi migam, kodi jondiko. Jolaneko go, aka i ndelo mar'adek ibino cerino go kendo.

Matayo 20:28

paka Wod Dhano ma k'obino ka ni wotiy rigo, to ni wotiy ri ji gi miyo kwo pere paka cul ri ji mathoth.”

Mariko 14:36

Owaco ni, “Aba, Baba, inyalo gimoro je, kwany woko agwata gimakec me kwoŋan. To ki paka amito, kwanyo woko paka iŋat'imito.”

Mariko 15:28

[Ameno ndiko maleŋ otundo i kare, ma waco ni, “Okwan go kwoŋ joreco”].

Mariko 16:19

Munyo Rwoth Yesu otieko luwo gi jo, oter go i polo to bedo yuracuc pa Were.

Mariko 9:12

Yesu odwoko ni, “Adieri Elia ama kutho ripo telo bino ŋey woyiki gimoro je. To raŋo ma Ndiko Maleŋ bende waco ni Wod Dhano bino limo candirok madwoŋ t'ikwero go!

Mariko 9:24

Piyo no ba jayac oluwo malo ni, “Ayeyo, kony ngoye gi yeyo paran!”

Luka 17:5

Jomoor jowaco ri Rwoth ni, “Medi riwan yeyo mawan.”

Luka 23:11

Herode kodi jolweny pere jokelo ginyero kwoŋ Yesu to jotimo rigo gicay. Rumacen joruko rigo nanga maŋon to jodwoko go bongi Pilato.

Luka 24:26

Wiparo ni onwaŋo kiripi ni Kristo wokutho wocandere i yo no aka nyaka wodonji i dwoŋ pere?”

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 12:24

Adieri awaco riwin, ka nyingi kal moro k'opidhi i lowo to tho, go doŋadoŋa acel mangil. To k'otho, nyaka nywolo nyingi kal kweth.

Yohana 12:32

K'otiek tiŋan malo wok piny abino ywayo ji je bongan.” [

Yohana 13:3

Yesu oŋeyo ni Bamere otieko ketho gimoro je i cinge; go oŋeyo nike owok bongi Were aka onyo go kidho gik bongi Were.

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 8:56

Bawin Abraham osangala nike oyido laneno ndelo paran; oneno aka osangala.”

Tim pa Jomoor 2:36

Am'omiyo ji ma Isiraili, joripo ŋeyo adieri ni manago Yesu, ma wiguro kwoŋ musalaba, ama Were oloko Rwoth kodi Kristo!

Tim pa Jomoor 3:15

Wineko Won kwo, to Were cerino go kwoŋ jom'otho; aka wabedo jokony ma joneno gime.

Tim pa Jomoor 5:31

Were ocerino go aka oketho go yuracuc pere paka Jadhum kodi Jaboth, womiy Isiraili hongo ma ŋuto gi limo cwaki mareco pajo.

Tim pa Jomoor 5:41

Jomoor joeye i kapido gi kisangala madwoŋ ni Were oparo kwoŋ jo ni joripo limo acanda ma kite no i nyingi Yesu.

1 Jokorintho 1:18

Kole mikwenda ma mako kwoŋ tho pa Kristo wi musalaba obedo gimiŋo ri jono ma jobino rwenyo; to riwan ma wabino both, obedo meni pa Were.

1 Jokorintho 1:23

To wan, watito Kristo m'ogur kwoŋ musalaba, mikwenda m'obedo yet ri Joyuda kodi miŋo ri Jopath,

Joefeso 2:16

Tho pa Kristo wi musalaba oreyo woko dakirok; to riwo nonin ario no gi Were i del acel.

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Jofilipi 1:6

Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

Jofilipi 3:20

To wan, wabedo ji ma polo, aka wakuro dwoko pa Jaboth wok i polo, aka manago Rwoth Yesu Kristo.

2 Timothe 4:8

Aka pama onyo otiek yiko ran sangaria ma tiro, ma Rwoth, Jathum banja m'otire, bino miyan i Ndelo no, aka ki an kendan, to go bino miyo ji je ma jokuro go wonenere.

Joebulaniya 1:13

Were owaco ye ri malaika mene ni, “Bedi yuracuc paran cuka anoloki jokwor perin paka kasik ma ketho tiendin?”

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 10:14

Am'omiyo, gi cowirok ma go ocwayo dicel no, go otieko lonyo kicutho joma onyo pama ilonyo jo kwoŋ gimarac.

Joebulaniya 10:33

Ndiri megi oyeti win ruwaŋ ji to icando win; aka ruman wicungo kodi joma icando jo marac ameno.

Joebulaniya 11:36

Joman oyeti jo t'icwado jo, aka joman otwey jo gi lijegere t'ibolo jo i jiera.

Joebulaniya 12:3

Pari kwoŋ go, paka ociro kiti teko no wok kwoŋ joreco, ŋey wikiri winyapere to cuny win ŋedhere.

Joebulaniya 13:13

Am'omiyo, weyi wakidhi bonge woko ma kambi pa ji wabedi kanyacel gine i wickwot pere.

Joebulaniya 5:9

Aka munyo otiek lonyo go kicutho, go olokere jakeli kwo makirum ri ji je ma jomako wac pere;

Joebulaniya 7:19

Kole Cik pa Musa di k'onyalo loko gimoro m'olony kicutho, to pama otiek kelo geno maber ma miyo wan tundo bongi Were.

Joebulaniya 8:1

Me a gimadwoŋ kwoŋ gima wawaco: Wanitie gi jadwoŋ pa jocway ri Were i wi migam, ma kiti dwoŋ pere omiyo go bedo yuracuc ma kom ma dhum pa Were Madwoŋ Ma urere i polo.

Joebulaniya 9:28

apaka Kristo bende ocway go dicel paka cowirok ma kwanyo woko reco pa ji kweth; aka go odoko bino nenirok mar'ario, ki ma tiŋo reco kendo, to ma botho joma jokuro go ayin.

Yakobo 2:1

Wutmera gi nyimin, i kwo mewin paka jom'oyeyo Rwoth Yesu Kristo, Rwoth madwoŋ, wikiri wiyer ji munyo wiŋisa joman ro cal pajo ma woko.

1 Petero 1:11

Jotemo rango tiende munyo jomito ŋeyo ni keraŋo ma hongo no d'otund'iye, kodi paka d'obino; ato Cuny pa Kristo i jo oyido cimo hongo no munyo tuco candirok ma go d'ociro, kodi dwoŋ ma d'owok'iye.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Petero 3:22

m'otieko kidho i polo aka onyo nitie yu cingi Were maracuc, aka onyo dhumo jomalaika je kodi meni je kodi adhum je.

Yuda 1:21

Bedi win i mar pa Were kareno wikuro wor pa Rwodhiwan Yesu Kristo, ma bino kelo riwin kwo makirum.

Menyirok ri Yohana 1:11

“Ndiki gim'ineno je i kitawo, aka idhiri ri kitipin abirio mapa jom'oyeyo ma Efeso, Simirina, Perigamo, Thiatira, Saridi, Filadelifia kodi Lawodisia.”

Menyirok ri Yohana 1:17

Munyo aneno go, apodho dho i tiende pa ŋat'otho, to go ogeyan gi cinge maracuc to waco ni, “Ikir'ilwor gimoro, me an, an marapena kendo macowe odoko akwo;

Menyirok ri Yohana 1:8

“An a marapena kendo macowe,” Rwoth Were Majameni je waco; go manitie pama, m'obedo con, kendo bino bedo.

Menyirok ri Yohana 2:8

Ri malaika ma kitipa pa jom'oyeyo ma Simirina ndiki ama: Me mikwenda ma wok bongi ŋati marapena kendo macowe, m'otho aka doko onyo kwo.