Joebulaniya 10:14 - KITAWO MALEŊ

¹⁴ Am'omiyo, gi cowirok ma go ocwayo dicel no, go otieko lonyo kicutho joma onyo pama ilonyo jo kwoŋ gimarac.

KITAWO MALEŊ Catholic

¹⁴ Am'omiyo, gi cowirok ma go ocwayo dicel no, go otieko lonyo kicutho joma onyo pama ilonyo jo kwoŋ gimarac.

Joebulaniya 10:14 Iomraidhean Croise

Tim pa Jomoor 20:32

“To pama onyo aketho win i cingi Were kodi i wac ma nema pere manyalo dongo win to miyo win silwany ma go okano ri ji pere je.

Tim pa Jomoor 26:13

Munyo oyido fodi anitie i royo odieceŋ, jadwoŋ, aneno lero maloyo apa waŋceŋ m'owok malo to thoko wan kodi ji m'onwaŋo awotho gi jo.

Joroma 15:16

ma bedo jatic pa Kristo Yesu ma tiyo ri Jopath. Atiyo paka jacway ri Were i migam kareno atito Wac Manyen Maber ma wok bongi Were, ŋey Jopath jowobedi mic ma Were jolo, ma Cuny Maleŋ olonyo rigo.

1 Jokorintho 1:2

Ri kitipa pa jom'oyeyo Were manitie Korintho, ri ji je m'olwoŋ bedo ji pa Were, ma jobedo apere i riwirok gi Kristo Yesu, kanyacel gi ji je ma kamoro je ma jolwoŋo nyingi Rwodhiwan Yesu Kristo, Rwoth mawan gi jo.

Joefeso 5:26

nike woloki go maleŋ kareno lonyo go gi pi kodi wac ma kwo,

Joebulaniya 10:1

Cik pa Joyuda obedo nyaka cal ma riprip mapa gigipiny ma labino, to k'obedo gimar'adier mere won, ma gikululu ma labino. Am'omiyo kiti cowirok no, m'imiyo ma kike oro gi oro, kinyal loko joma core bongi Were m'olony kicutho.

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

Joebulaniya 10:12

To Kristo ocwayo cowirok acel ri reco dicel kende to bedo piny yuracuc pa Were.

Joebulaniya 13:12

Am'omiyo Yesu bende otho woko ma waŋkac ma tindi, ŋey wolwoki woko reco pa ji gi remo pere won ma miyo ji leŋo.

Joebulaniya 2:11

Ato ŋata loko ji maleŋ kodi joma iloko jo maleŋ, je jonigi Ba gin acel. Am'omiyo Yesu ongoye giwickwot lwoŋo jo ni wutmin go.

Joebulaniya 7:19

Kole Cik pa Musa di k'onyalo loko gimoro m'olony kicutho, to pama otiek kelo geno maber ma miyo wan tundo bongi Were.

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

Joebulaniya 9:10

Jobedo nyaka cemo, gir'amadha, kodi tim m'omore ma lonyo del. Gino je oyido obedo nyaka cik ma woko, m'onwaŋo tiyo nyaka tundo ndir ma cikirok manyen oyido kidho caker'iye.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

Yuda 1:1

An Yuda, jatic pa Yesu Kristo, kendo omin Yakobo, andiko balwa me ri joma Were olwoŋo ma jonitie i mar pa Were Bawan kodi kur pa Yesu Kristo.