Kitawo mar'ario mapa Musa m'ilwoŋo ni Wok 1:7 - KITAWO MALEŊ

⁷ To nyikway Yakobo jolimo nyithindho kweth ma jomedere i welo aka jolokere matek to jomore i Misir.

KITAWO MALEŊ Catholic

⁷ To nyikway Yakobo jolimo nyithindho kweth ma jomedere i welo aka jolokere matek to jomore i Misir.

Kitawo mar'ario mapa Musa m'ilwoŋo ni Wok 1:7 Iomraidhean Croise

Cakirok 1:20

Were owaco ni, “Weyi pi wonywol cwec ma nigi kwo, aka weyi koyo wopoŋ gi winyin.”

Cakirok 1:28

Aka Were omiyo jo silwany to waco ni, “Nywol win nyithindho kweth, ŋey nyikway win jowobedi i piny gibe to jodhumo. Dhum win rec ma nam, winyin ma malo kodi kisi cwec makwo ma wotho i piny.

Cakirok 12:2

Abino miyin nyikwayin kweth, aka jobino lokirok piny madwoŋ. Abino miyin silwany t'aloko nyingin madwoŋ, ŋey ibedi jasilwany.

Cakirok 13:16

Abino miyin nyikwayin madit pa fukefuke ma lowo; ŋey ka nyatoro nyalo kwano fukefuke ma lowo, nyikwayin bende nyalo kwanere.

Cakirok 15:5

Rwoth otero go woko aka owaco ni, “Ŋiy pondeponde, aka kwan micalin, k'inyalo kwano jo; ameno apaka nyikwayin jolabedo.”

Cakirok 17:16

Abino miyo go silwany, aka abino miyin wodin luwo i go. Abino miyo go silwany aka go bino bedo yok piny kweth; kerin jobino wok kwoŋ go.”

Cakirok 22:17

Abino miyin silwany adieri, aka nyikwayin jobino bedo madit paka micalin ma polo kodi kwoyo ma thengi nam. Nyikwayin jobino kikengila jokwor pajo.

Cakirok 26:22

Isaka oeye woko kenyo to kunyo waŋ pi man, aka k'okelo dhaw to go lwoŋo ni Rehoboth, ka waco ni, “Kole onyo pama Rwoth otieko miyo wan gonyirok aka walanyay ka.”

Cakirok 26:4

Alamiyin nyikwayin kweth pa micalin ma polo, aka alamiyo nyikwayin lowo me. Nonin je jobino kwayan miyo jo silwany paka amiyo nyikwayin.

Cakirok 28:14

Nyikwayin jobino cale fukefuke ma piny. Jobino nyay i thenge gi thenge aka luwo kwoŋ jo abino miyo piny je silwany.

Cakirok 35:11

Aka Were owaco rigo ni, “Abedo Were Majameni je. Nywol inyay; nonin lawok kwoŋin, aka ilabedo kwari kerin.

Cakirok 46:3

Kenyo Were owaco ni, “An Were, Were pa benin. Ikir'ilwor kidho piny i Misir rupiri abino miyo nyikwayin bedo piny madwoŋ kenyo.

Cakirok 47:27

Joisiraili jobedo i Misir iy'adec ma Gosen kama joŋaŋ'iye to jonywolo nyithindho kweth.

Cakirok 48:16

Weyi malaika m'obothan wok i raco je womiy jo silwany! Weyi nyingan kodi nyingi bacere paran Abraham, kodi Isaka womedere luwo i jo! Weyi jowobedi gi nyithindho kweth, kodi nyikway jo kweth!”

Cakirok 48:4

Aka owaco ran ni, ‘Neni, abino miyin nyithindho kweth, ŋey nyikwayin jowolokere piny madongo. Abino miyo nyikwayin lowo me paka lim pajo kicutho.’ ”

Cakirok 9:1

Aka Were omiyo Nowa gi wote silwany to waco rijo ni, “Limi win nyithindho aka wipoŋ piny.

Nehemia 9:23

Imiyo jo nyithindho kweth ma cale micalin i pondeponde, aka iweyo jo bedo i lowo, m'oyido iciko kwarere pajo ni ilamiyo jo.

Zabuli 105:24

Rwoth omiyo ji pere nyithindho kweth, aka omiyo jo bedo matek loyo jokwor pajo.

Zabuli 107:38

Omiyo jo silwany aka jonywolo nyithindho kweth; aka kiwey dhok pajo womojere.

Kitawo mar'ario mapa Musa m'ilwoŋo ni Wok 1:12

To paka jomedo diyo Joisiraili, apaka bende Joisiraili jomedere i welo. Aka Jomisir oyido jolworo Joisiraili.

Kitawo mar'ario mapa Musa m'ilwoŋo ni Wok 12:37

Aka Joisiraili jowotho wok i Rameses kidho Sukoth. Oyido joromo cwo 600,000 m'ikikwano mon gi nyithindho.

Kitawo mar'ario mapa Musa m'ilwoŋo ni Wok 5:5

Win wilokere madit loyo Jomisir. Aka onyo pama wimito weyo tic.”

Ezekiel 16:7

Amiyin idongo paka cemo i ndelo. Idongo t'ilokere mabor aka ilokere nyako m'othik, thundho perin othik aka ye wiyin odongo; kucel oyido initie kinyoro aka nono.

Tim pa Jomoor 13:17

Were pa ji ma Isiraili oyero kwarere mawan, to miyo nono pajo bedo madwoŋ i ndir ma jobed'iye i piny Misir. Were owodho jo wok Misir gi meni pere m'oasere,

Kitawo mar'abic mapa Musa m'ilwoŋo ni Cik 10:22

Kwarere mewin jokadho piny i Misir, ji piero abirio, aka pama Rwoth Were mewin otieko loko win mathoth paka micalin ma i polo.

Kitawo mar'abic mapa Musa m'ilwoŋo ni Cik 26:5

iladwoko k'iwaco ruwaŋ Rwoth Were perin ama: “Kwara cango obedo jawoth Arameyan, okadho piny i Misir aka obedo koro paka japath, manok i welo, aka kenyo olokere nono madwoŋ, jameni, aka oŋeyere.