Daniel 5:2 - KITAWO MALEŊ

² Belsazar omiyo or i wi math nike wokel atewe ma zahabu kodi ma feza ma bamere Kere Nebukadineza okwanyo wok i Ot pa Were i Yerusalem, ŋey go, jodhum pere, mon pere, nyithindho pere kodi mon pere ma thenge jowomedh'iye.

Daniel 5:2 Iomraidhean Croise

2 Samwiri 9:7

Daudi odwoko ni, “Ikir'ibwoki. Alatimo kodin wor ro benin Yonathan. Abino dwoko rin lowo je m'oyido obedo apa kwarin Saulo; aka wangi ibino cemo kanyacel kodan i meza paran.”

2 Kerin 24:13

Nebukadineza otiŋo lim je ma Ot pa Rwoth kodi ma cel pa kere, oturo gigipiny ma zahabu ma kere Solomon oyido otimo aora i Ot pa Rwoth, paka Rwoth oyido otieko waco.

2 Kerin 25:15

Jokadho gi gigipiny je m'otimi ma zahabu kosa feza, kiri g'acero mathindho kodi sapikere ma tiŋo cuk mac.

2 Kigana kwoŋ Kerin 11:20

Rumacen go onywomo Maka, nyar Absalom, aka jonywolo nyithindho aŋwen: Abija, Atay, Ziza kodi Selomith.

2 Kigana kwoŋ Kerin 15:16

Kere Asa okwanyo woko kiri adhamere Maka wok i dwoŋ pere paka yok kere, kwoŋbedo Maka oyido otimo cal ma mienirok ri Asera were madhako. Asa otoŋo cal no piny, aka owaŋo mathindho thindho i milelo Kidiron.

2 Kigana kwoŋ Kerin 36:10

I hongo ma cwir, Kere Nebukadineza ooro t'ikelo go i Babilon paka jatwec, kanyacel g'atewe ma welo wok i Ot pa Rwoth; aka oketho Zedekia omin Yehoyakin paka kere ma Yuda gi Yerusalem.

2 Kigana kwoŋ Kerin 36:18

Kere ma Babilon onyaga Ot pa Were, lim mere kodi lim pa kere kodi jodhum pere, aka otero je i Babilon.

Ezira 5:14

Kiri, gigipiny ma zahabu gi feza, ma Kere Nebukadineza oyido okwanyo wok i Ot pa Were i Yerusalem, Kere Siras owodho woko wok i ot pa were ma Babilon, aka omiyo jacwo m'ilwoŋo ni Sesibazar, ma go oketho paka gavana.

Yeremia 27:7

Nonin je jolatic rigo, ri wote kodi nyikwaye cuka hongo ma ker pere won opodh'iye, nyaka to nonin man kodi kerin madongo joloko go ŋeca pajo.

Yeremia 50:35

Rwoth waco ama: Lweny kwoŋ Jobabilon, kodi kwoŋ ji ma jobedo i Babilon. Lweny kwoŋ jotel pere kodi jorieko pere.

Yeremia 52:19

Jokadho gi kisi gimoro je m'otimi gi zahabu gi feza: Bakulere mathindho, wer, kalayere, degi, kacungo pa talin, kijikin kodi bakulere m'ioro ma konjo woko mic ma vini.

Daniel 1:2

Rwoth omiyo Yehoyakim kere ma Yuda i cingi Nebukadineza, kanyacel gi gigipiny ma Ot pa Were. Nebukadineza otero jo i lowo ma Sinar, to ketho i kakan ma ot pa werin pere.

Daniel 5:11

Nitie i ker perin jal ma cuny pa Were maleŋ nitie kwoŋe. I hongo pa benin onwaŋ nike go nitie gi lero, niaŋ kodi rieko paka rieko pa werin. Aka benin Nebukadineza oketho go bedo jadwoŋ pa jondijo ma joneno gima latimere, jondijo ma timo gir'aura, Jokaldin kodi jothieth.

Daniel 5:13

Kenyo okeli Daniel ruwaŋ kere, aka kere openjo go ni, “Iŋat'ibedo Daniel, acel kwoŋ jotwec ma baba kere okelo wok i Yuda?

Daniel 5:18

Awi kere, Were ma Jamalo Swa omiyo benin, Nebukadineza, ker, dhum, dwoŋ kodi wor:

Daniel 5:23

In itieko tiŋere malo kwoŋ Rwoth ma i polo. Okeli atewe ma Ot pa Were ruwaŋin, aka in, jodhum perin, mon perin, nyithindho perin, kodi mon perin ma thenge wimadh'iye vini. Witieko pako werin ma feza, zahabu, ywel, nyweny, mbawo kodi tele, ma jokinen kosa winji kosa ŋey. To Were ma luya perin nitie i cinge, aka yo perin je nitie i go, ikiworo.

Daniel 5:3

Ameno owodhi atewe ma zahabu kodi ma feza m'oyido okwany wok i Ot pa Were i Yerusalem, aka kere, jodhum pere, mon pere, nyithindho pere kodi mon pere ma thenge jowomedh'iye.

Daniel 5:30

Wor no won oneki Belsazar, kere pa Jokaldin.

Daniel 5:4

Jomadho vini ka jopako werin m'otimi gi zahabu, feza, ywel, nyweny, mbawo, kodi tele.

Kwan 7:79

Mic pere obedo sen acel ma feza ma peko mere obedo siringi miya acel gi piero adek. Kalaya acel ma feza ma peko mere obedo siringi piero abirio, cungo kwoŋ siringi ma kamaleŋ. Joje jopoŋ gi moko m'onuŋere m'oruw gi mo ri mic ma kodhi.