Daniel 3:7 - KITAWO MALEŊ

⁷ Riameno, tekin ji je jowinjo dwondi tungi ogwaŋ, milowe, dingidi, dongo, tongol, bul, kodi nger gi wer je, ji je, nonin je, dhodhok je, jopodho piny lamo cal ma zahabu ma Kere Nebukadineza oyido otimo.

Daniel 3:7 Iomraidhean Croise

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.

Menyirok ri Yohana 17:8

Ogwaŋ m'ineno no oyido con kwo, to pama kikwo. Go cegin wok i bur mwombe ma bu gike aka bino tundo kama ilarey'iye go woko. Ji ma piny ma nyingi jo fodi k'ondiki i kitawo ma kwo wok i cakirok pa piny jobino dhier ka joneno ogwaŋ no, rupiri con oyido kwo, t'onyo pama kikwo, aka bino nenirok kendo.

Menyirok ri Yohana 13:14

Aka gino omiyo go owondo ji je ma piny munyo timo gir'aura m'oyey go timo ka waŋ ogwaŋ marapena. Ogwaŋ no ooro ji je ma piny cweyo cal ma kelo dwoŋ ri ogwaŋ m'oyido ocwow g'abor, to odoko kwo.

Menyirok ri Yohana 13:8

Ji je ma jobedo i piny jobino lamo ogwaŋ no. Dwoŋ mere ni dhano je ma nyinge k'ondiki i kitawo pa jomakwo m'obedo apa Nyathi rombo m'oneki wok i cwec pa piny.

Menyirok ri Yohana 13:3

Acel kwoŋ wic ogwaŋ no ocale pa nigi adhola ma d'oneko go, to adhola no ocango. Piny gipi obedo gi dhier to luwo ŋey ogwaŋ no.

Menyirok ri Yohana 12:9

Bulir m'ombo no owit woko! Go a thwol macon ca, m'ilwoŋo ni Jwogi, kosa Sitan, m'owondo piny gipi. Owit go piny wi lowo gi jomalaika pere je.

1 Yohana 5:19

Waŋeyo nike wabedo apa Were aka piny gipi nitie i dhum pa Jaraco.

Yeremia 51:7

Babilon oyido cal kikopo ma zahabu i cingi Rwoth, m'amiyo piny gipi mer. Nonin jomadho vini mere, riameno jotimere paka joneko.

Tim pa Jomoor 14:16

I ndir m'okadho go oweyo nonin je luwo yo pajo wegi;

Daniel 2:46

Kere Nebukadineza ogore piny gi nyime, to lamo Daniel, aka omiyo or nike womiy Daniel mic kodi cowirok.

Daniel 3:4

Kenyo mogo ogoyo koko malo ni, “Kere miyo or ri ji je, nonin je, kodi dhodhok je,

Daniel 3:5

nike kisi ka wiwinjo dwondi tungi ogwaŋ, milowe, dingidi, dongo, tongol, bul kodi nger gi wer je, wiripo podho piny lamo cal ma zahabu ma Nebukadineza otimo.

Daniel 3:6

Ŋata kilapodho piny lamo ilabolo go i mac m'okur gi sawa no won.”

Daniel 3:8

Obedo i sawa paka meno ma Jokaldin mogo jowok kisegeya Joyuda.

Daniel 3:10

In, Awi Kere, itieko miyo or nike kisi dhano m'owinji dwondi tungi ogwaŋ, milowe, dingidi, dongo, tongol, bul kodi nger gi wer je, ripo podho piny to lamo cal ma zahabu;