Daniel 1:2 - KITAWO MALEŊ

² Rwoth omiyo Yehoyakim kere ma Yuda i cingi Nebukadineza, kanyacel gi gigipiny ma Ot pa Were. Nebukadineza otero jo i lowo ma Sinar, to ketho i kakan ma ot pa werin pere.

Daniel 1:2 Iomraidhean Croise

Cakirok 10:10

Cakirok ma ker pere oyido obedo Babel, Erek, kodi Akad, joje i lowo ma Sinar (Babilon).

Cakirok 11:2

Aka paka jotuk wok yuwok ceŋ, jonwaŋo kama k'obedo tendere i lowo ma Sinar aka jobedo kenyo.

2 Kerin 24:1

I hongo ma dhum pa Yehoyakim, kere Nebukadineza ma Babilon omonjo Yuda, aka ma oro adek Yehoyakim obedo pere; to rumacen gwenyere kwoŋe.

2 Kigana kwoŋ Kerin 36:5

Yehoyakim oyido jaoro piero ario g'abic munyo bedo kere ma Yuda; aka odhumo i Yerusalem ma oro apar g'acel. Go otimo reco ruwaŋ Rwoth Were pere.

2 Kigana kwoŋ Kerin 36:7

Nebukadineza bende okadho g'atewe ma Ot pa Rwoth i Babilon to ketho peco pere i Babilon.

Ezira 1:7

Kere Siras won owodho woko atewe ma Ot pa Rwoth ma Kere Nebukadineza oyido otiŋo wok i Yerusalem to ketho i ot pa werin pere.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 42:24

Ŋa m'omiyo Yakobo ri janyeki, gi Isiraili ri jokwo? K'obedo Rwoth, ma watieko timo reco kwoŋe, k'obedo go ma jok'onyalo woth i royo pere, ma bende jok'onyalo kuro or pere?

Yeremia 25:1

Me wac m'obino ri Yeremia ma mako kwoŋ ji je ma Yuda, i oro mar'aŋwen apa Kere Yehoyakim wod pa Yosia ma Yuda (meno oyido oro marapena apa Kere Nebukadineza ma Babilon)

Yeremia 27:16

Kenyo t'aluwo kodi jocway ri Were i wi migam kodi ji me je, k'awaco ni: Rwoth waco ama: Wikiri wiwinji wac pa jotuci wac Were mewin ma joluwo riwin, jowaco ni, “Atewe ma Ot pa Rwoth, icegin dwoko wok Babilon.” Kole jotuco riwin twodo.

Yeremia 28:3

I hongo ma oro ario aladwoko i kabedo me atewe je ma Ot pa Rwoth, ma Kere Nebukadineza ma Babilon okwanyo wok i kabedo me to tero Babilon.

Yeremia 35:11

To munyo kere Nebukadineza ma Babilon obino lweny kwoŋ piny, wawaco ni, ‘Biye win, weyi wakadhi win i Yerusalem ro lworo ri jolweny ma Babilon kodi jolweny ma Siria.’ Meno am'omiyo wabedo i Yerusalem.”

Yeremia 50:2

Tuci i dier nonin aka iwaci, tiŋi bendera aka ilanga, ikir'imuŋ, to wac ni, Otiek mako Babilon, werin pere Bel wickwot omako, aka Mariduk odoŋ dhier. Calin pa Babilon jodhier, aka wickwot omako jo.

Yeremia 51:44

Alamiyo Bel gir'acula, were pa Jobabilon, t'amiyo go weyere kodi gigipiny pere, m'okwal. Nonin jok'olam go kendo; kor udi ma Babilon jotieko podho.

Daniel 5:13

Kenyo okeli Daniel ruwaŋ kere, aka kere openjo go ni, “Iŋat'ibedo Daniel, acel kwoŋ jotwec ma baba kere okelo wok i Yuda?

Daniel 5:18

Awi kere, Were ma Jamalo Swa omiyo benin, Nebukadineza, ker, dhum, dwoŋ kodi wor:

Habakuk 1:16

Riameno go miyo cowirok ri katimba pere, to waŋo buban ri katimba pere; rupiri gi gigipiny me jolimo cemo, kodi camo cwe.

Zekaria 5:11

Go odwokan ni, “Ma geto rigo ot i lowo ma Sinar, aka ilayiko, t'ijengo kenyo i kabedo mere.”

Kitawo mar'abic mapa Musa m'ilwoŋo ni Cik 32:30

Ŋat'acel oyido d'oriem nedi gana, aka jario jomiy nedi gana apar ŋwec, kwanyowoko ka Tele pajo am'otana jo, Rwoth oyido ojala jo?

Jothum Banja 2:14

Ameno nge pa Rwoth oliel kwoŋ Isiraili to miyo jo i cingi jokinyaga ma jonyaga jo, aka otana jo i cingi jokwor pajo thoko jo, ŋey jok'onyalo cungo ruwaŋ jokwor pajo.

Jothum Banja 3:8

Nge pa Rwoth oliel kwoŋ Joisiraili, aka otana jo i cingi Kere Kusan Risathayim ma Mesopotamia, to Joisiraili jotiyo rigo ma oro aboro.

Jothum Banja 4:2

Rwoth otana jo i cingi Yakin kere ma Kanan, m'oyido dhumo i Hazor, aka jamituka jolweny pere oyido obedo Sisera m'oyido bedo i Haroseth Hagoyim.

1 Samwiri 5:2

Jotero i ot ma lamo were pajo m'ilwoŋo ni Dagon to joketho cegin gi cal pa were no.