Cakirok 17:1 - KITAWO MALEŊ

¹ Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

KITAWO MALEŊ Catholic

¹ Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro.

Cakirok 17:1 Iomraidhean Croise

Cakirok 12:1

Onyo Rwoth owaco ri Abram ni, “Weyi piny perin gi wade perin kodi peco pa benin, aka ikadhi i lowo m'akidho nyuthin.

Cakirok 12:7

Rwoth omenyere ri Abram aka owaco ni, “Ri nyikwayin, Abino miyo lowo me.” Ameno Abram ogeto kenyo ri Rwoth m'omenyere rigo migam.

Cakirok 16:16

Abram oyido jaoro piero aboro g'aucel i hongo no.

Cakirok 18:1

Rwoth omenyere ri Abraham kama go oyido obed'iye i tiendi olwa pa Mamire. Abraham oyido obedo i dhiot ma wema pere i lietho ma ndelo.

Cakirok 18:14

Nitie gimatek ri Rwoth? I hongo m'oyerere abino dwoko bongin i oro ma bino, aka Sara bino bedo gi nyathi majayac.”

Cakirok 24:40

Go odwoko ni, ‘Rwoth Were ma winjo noknok bino dhiro malaika pere yuwiyin to miyin loyo. Ibino nwaŋo ri wodan dhako wok bongi wade paran, i ot pa baba.

Cakirok 26:2

Rwoth omenyere ri Isaka to waco ni, “Ikir'ilor i piny Misir, bedi i piny m'anowaci rin.

Cakirok 28:3

Were Majameni je womiyin silwany aka womiyin nyithindho kweth, ŋey ibedi ba piny kweth.

Cakirok 35:11

Aka Were owaco rigo ni, “Abedo Were Majameni je. Nywol inyay; nonin lawok kwoŋin, aka ilabedo kwari kerin.

Cakirok 43:14

Weyi Were Majameni je womiy win wor ruwaŋ go, ŋey wodwoki riwin Benyamin kodi Simeo. Ka ripo akeŋ nyithindho paran, ripo akeŋ jo.”

Cakirok 46:3

Kenyo Were owaco ni, “An Were, Were pa benin. Ikir'ilwor kidho piny i Misir rupiri abino miyo nyikwayin bedo piny madwoŋ kenyo.

Cakirok 48:15

Kenyo Yakobo omiyo Yozefu silwany ka waco ni, “Weyi Were ma kwarere paran Abraham gi Isaka jotiyo rigo womiy yac me silwany, Were m'otelan i kwo paran je tundo gunyo ni.

Cakirok 48:3

Yakobo owaco ri Yozefu ni, “Were Majameni je onenere ran i Luz i piny Kanan to miyan silwany.

Cakirok 5:22

Enoka obedo iy'acel gi Were ma oro 300 aka olimo nyithindho man

Cakirok 5:24

aka owotho gi Were to rwenyo, rupiri Were otero go.

Cakirok 6:9

Me kigana ma mako kwoŋ Nowa. Nowa oyido obedo jacwo m'otire, ongoye gi komo aka owotho iy'acel gi Were.

1 Kerin 2:4

ŋey Rwoth wokur cikirok pere m'owaco kwoŋan ni, ‘Ka wotin jokur yo pajo, wotho ruwaŋan g'adieri gi cuny gin je kodi adundo pajo je, jobino dhumo Isiraili.’ ”

1 Kerin 3:6

Solomon odwoko ni, “Noknok inyutho mar madwoŋ ri baba Daudi, ŋeca perin, rupiri owotho ruwaŋin iy'adieri, i tiro, kodi cunye macil rin. Aka fodi imedere nyutho go mar perin madwoŋ makiwire gi miyo wode ma konon dhumo i kabedo pere.

1 Kerin 8:25

Onyo riameno, Awi Rwoth, Were pa Isiraili kur bende cikirok man m'itimo gi baba munyo iwaco rigo nike noknok acel kwoŋ nyikwaye bino dhumo paka kere ma Isiraili, k'inen jowinjin paka go.

2 Kerin 20:3

“A Rwoth, mondo akwayin, poyi paka awotho ruwaŋin i adieri aka gi cunyan je. Aka atimo kisi gim'iwaco nike otire.” Rumacen Hezekia oywaki gi geregere.

Yobu 1:1

Cango obedo jacwo moro i lowo ma Uz m'ilwoŋo ni Yobu.

Yobu 11:7

Inyalo dwaro kwoŋ gigipiny pa Were t'inwaŋo? Inyalo ŋeyo gike pa Jameni Je?

Zabuli 115:3

Were mawan nitie i polo, go timo gima sangala go je.

Zabuli 116:9

Awotho ruwaŋ Rwoth, i piny pa ji makwo.

Zabuli 25:14

Rwoth mako mere gi jono ma jolworo go, aka nyutho cikirok pere rijo.

Kitawo mar'ario mapa Musa m'ilwoŋo ni Wok 6:3

Amenyere ri Abraham, Isaka, kodi Yakobo paka Were Majameni je, to akinyuthere rijo gi nyingan maleŋ, Rwoth.

Agecin 10:9

Ongoye teko ma lamako joma timo adieri, t'ilaŋeyo tim pa jokidakana.

Isaya 38:3

“Awi Rwoth, mondo akwayin, poyi paka awotho ruwaŋin iy'adieri aka gi cunyan je. Atieko timo gim'otire ruwaŋin.” Kenyo Hezekia oywaki gi geregere.

Yeremia 32:17

Awi Rwoth Were, Obedi in iŋat'icweyo polo kodi piny gi meni perin madwoŋ kodi cingin m'oyare! Ongoye gimatek rin swa.

Daniel 4:35

Go neno ji ma i piny paka gim'ongoye, go timo gim'omito gi Lwak ma i polo kodi ji ma i piny. Ongoye ŋata nyalo juko cinge, kosa penjo go ni, “Itimo aŋo?”

Mika 6:8

Rwoth otieko nyuthin gimaber, in nyatoro, aŋo ma Rwoth mitin itim, ka k'obedo timo tiro, nyutho kisa, kodi woth gi mwolo iy'acel gi Were perin?

Kwan 11:23

Rwoth openjo Musa ni, “Meni pa Rwoth nok? Onyo ilaneno k'inen obedi adieri kosa be.”

Kwan 24:16

Me menyirok pa ŋata winjo wac pa Were, aka oŋeyo rieko pa Jamalo Swa. Ŋata neno menyirok pa Jameni je, aka podho piny gi waŋe m'oyawere.

Matayo 19:26

Yesu oŋiyo jo tirtir aka odwoko ni, “Gime kinyalere ri ji; to ri Were gimoro je nyalere.”

Matayo 5:48

Bedi win maleŋ paka Bawin manitie i polo leŋ.

Luka 1:6

Joje oyido ji mabeyo ruwaŋ Were, ma jokuro Cik je gi Or je mapa Rwoth m'ongoye apuse.

Tim pa Jomoor 23:1

Paulo oŋiyo jopido nyatirtir to waco ni, “Wutmera cunyan oŋeyo maber swa kwoŋ kwo paran gipi ni angoye gi raco ruwaŋ Were i hongo je kiri pama.”

Tim pa Jomoor 24:16

Am'omiyo atemo paka anyalo ndelo je bedo gi paro m'otire ruwaŋ Were kodi ji.”

Joefeso 3:20

Onyo ŋata nigi meni ma tiyo i wan nyalo timo gim'oasere ma kalo ma wakwayo kosa waparo.

Kitawo mar'abic mapa Musa m'ilwoŋo ni Cik 10:17

Kole Rwoth Were mewin obedo Were pa werin, Rwoth pa rwodhe, Were madwoŋ, jameni aka kelo lworo, go kitim nyakucel aka kijol nyew.

Kitawo mar'abic mapa Musa m'ilwoŋo ni Cik 18:13

Wiripo bedo g'adieri kicutho ri Rwoth Were mewin.

Kitawo mar'abic mapa Musa m'ilwoŋo ni Cik 30:20

maro Rwoth Were mewin, winjo dwondi go, kodi ketho go marapena. Kole go ama miyo win kwo kodi ndelo mabor, ŋey wibedi i lowo ma Rwoth okwoŋere ri kwarere mewin ri Abraham ri Isaka kodi ri Yakobo miyo jo.

Jofilipi 4:13

Anyalo timo gimoro je i Kristo ma miyan meni.

Joebulaniya 12:28

Am'omiyo, rupiri wakidho limo ker ma kinyal yengere, weyi wafoy win Were to walamo go i royo ma sangala go, gi bwonirok gi lworo;

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.