Cakirok 1:16 - KITAWO MALEŊ

¹⁶ Ameno Were ocweyo talin ario madongo. Madwoŋ mere dhumo odieceŋ, aka mathin mere dhumo wor; go ocweyo micalin bende.

KITAWO MALEŊ Catholic

¹⁶ Ameno Were ocweyo talin ario madongo. Madwoŋ mere dhumo odieceŋ, aka mathin mere dhumo wor; go ocweyo micalin bende.

Cakirok 1:16 Iomraidhean Croise

Cakirok 1:15

Weyi jowoliel i pondeponde ma miyo piny lero.” Aka obedo ameno.

Yobu 31:26

Fodi akilamo waŋceŋ ka liel, kosa dwe i ŋono mere.

Yobu 38:7

I hongo no micalin m'odikin jowero kanyacel, aka cwec ma polo jokoko ro kisangala.

Zabuli 148:3

Pak win go waŋceŋ gi dwe; pak win go, micalin maliel je!

Zabuli 148:5

Weyi jowopaki nyingi Rwoth! Kole go owodho or to jocweyere.

Zabuli 19:6

Cako liel i gike acel ma polo aka ŋado kadho i gike ca. Ongoye gima nyalo pondo kwoŋ lietho pere.

Zabuli 74:16

Odieceŋ gi wor jobedo aperin; iŋat'iketho dwe gi waŋceŋ i kabedo pajo.

Zabuli 8:3

K'aneno polo, m'icweyo, dwe gi micalin m'iketho i kabedo pajo

Isaya 13:10

Micalin ma i polo gi muma micalin, jokilamiyo lero; waŋceŋ lalokere macol ka wok, aka dwe kilamenyo lero pere.

Isaya 24:23

Kenyo dwe lalokere macol, aka ceŋ k'oliel kendo, kole Rwoth pa lwak jolweny ladhumo, wi Got Zayon kodi i Yerusalem, aka go lanyutho dwoŋ pere ruwaŋ jotel pa ji pere.

Isaya 40:26

Tiŋi waŋin malo akinen, ŋa m'ocweyo gime? Go ma wodho woko lwak pajo to kwano jo, lwoŋo joje gi nyingi jo; rupiri go obedo ŋatadwoŋ i meni, meni pere oasere, ongoye kad'acel ma rem.

Isaya 45:7

Acweyo lero gi mudho, akelo kisangala gi kidamba; An, Rwoth, ma timo gigipiny me je.”

Yeremia 31:35

Me apaka Rwoth waco: Go ma miyo ceŋ liel odieceŋ, kodi dwe gi micalin liel wor. Go ico nam to miyo mor, Rwoth pa lwak jolweny obedo nyingi go.

Habakuk 3:11

Waŋceŋ kodi dwe jocungo liŋ i kabedo pajo ma malo, i lero mar'asere perin jokadho, i lero ma lithkoth mar'abor perin.

Matayo 24:29

Aka ka tekin candirok ma ndir no rumo, waŋceŋ bino lokere macol aka dwe k'oliel. Mikalin jobino oy wok i polo, aka meni ma polo bino yengere.

Matayo 27:45

Wok sawa aucel tundo sawa abuŋwen m'odieceŋ, piny gipi mudho oumo cowo hongo ma sawa adek.

1 Jokorintho 15:41

Waŋceŋ nitie gi lero mere, dwe gi lero man, aka micalin bende gi lero man: Odoko kiri i dier micalin je nitie lero m'opekere.

Kitawo mar'abic mapa Musa m'ilwoŋo ni Cik 4:19

Kosa ka witiŋo waŋ win malo i polo to wineno waŋceŋ, dwe, kodi micalin, kodi lwak ma i polo, wikiri wirweny to wikule piny rijo kodi tiyo rijo, gigipiny ma Rwoth Were mewin omiyo nonin je manitie i pendi polo.

Menyirok ri Yohana 21:23

Tindi no kiyeny ceŋ kosa dwe wokel'iye lero, rupiri dwoŋ pa Were am'obedo lero mere, aka Nyathi rombo a tala mere.