1 Petero 4:3 - KITAWO MALEŊ

³ Witieko oro hongo m'oromo munyo oyido witimo gima joma bu Were joketho paro pajo i timo paka kidakana, awanya mareco ma waŋ i cuny jo, mero i kalima ma nyaworoworo, medho ma kitipa, gi lamo cal makicar.

KITAWO MALEŊ Catholic

³ Witieko oro hongo m'oromo munyo oyido witimo gima joma bu Were joketho paro pajo i timo paka kidakana, awanya mareco ma waŋ i cuny jo, mero i kalima ma nyaworoworo, medho ma kitipa, gi lamo cal makicar.

1 Petero 4:3 Iomraidhean Croise

2 Samwiri 13:28

aka owaco ri ŋecin pere ni, “Neni win ka Amnon otieko mero, aka k'amiyo win or ni, ‘Neki win Amnon.’ Neki win go. Wikiri wilwor rupiri aŋat'amiyo win or. Bedi win jomiseni aka wikiri wigal.”

1 Kerin 21:26

Ahab otimo reco ma wickwot loyo to lamo cal pa Bal paka Joamor ma Rwoth oriemo wok i lowo no ndir ma Joisiraili jodonj'iye.)

2 Kigana kwoŋ Kerin 15:8

Munyo Asa owinjo wac pa jatuci wac Were Azaria wod pa Oded, onwaŋo miseni, to kwanyo woko cal je i piny Yuda paka rom kodi i Benyamin kodi i tindin je m'oyido omako i piny matendere ma Efrayim. Oyiko migam pa Rwoth m'oyido nitie i diedipo ma Ot pa Rwoth.

Isaya 28:7

Jome bende jobenga gi vini, jotangatanga gi math matek, jocway ri Were i wi migam gi jotuci wac Were. Jonywowere gi vini, jotangatanga gi math matek, aka jobenga i mikwenda pajo, aka jokom i miyo rieko.

Isaya 5:11

Kidamba riwin, ma wimondo cew odikin, cako rango medho makec, ma wigalo tundo othieno, cuka vini mero jo!

Isaya 65:4

Jobedo i dier kaliele, aka jotero wor gipi i kabedo m'opondo; jocamo riŋo mbiji, aka jomadho kado dek ma riŋo makoc iy'ayigin pajo.

Yeremia 16:11

Nyaka ibino dwoko jo ni: Obedo kwoŋbedo kwarere pajo jojwangan Rwoth waco, aka onyo jokadho ri werin man aka jotiyo rijo to jolamo jo, jotieko jwangan aka jok'okuro cik paran.

Yeremia 16:18

Alamiyo jo gir'acula dirio ro reco kodi reco pajo kwoŋbedo jotieko koco piny paran gi cal kodi mulambin pajo, aka jotieko poŋo gir'alunja paran g'amien pajo.

Ezekiel 44:6

Waci ri ot pa jogwenyirok no, ot pa Isiraili ni, Rwoth Were waco ama: Awi ot pa Isiraili weyi win amien mewin je ameno.

Ezekiel 45:9

Rwoth Were waco ama. Oromo, awi jodhum ma Isiraili! Weyi win akaka kodi diyo ji. Tim win tiro kodi gim'otire. Weyi win riemo ji paran.

Mariko 7:22

woro, reco, twodo, kidakana, nyeko, kedho reco pa joman, pakirok kodi timo gimiŋo.

Tim pa Jomoor 17:30

I ndir mafodi ji oyido jokuy'iye Were, go k'okwano reco pajo, to pama go onyo oro ji je i piny je ŋuto reco pajo,

Joroma 13:13

Wabedi win i kwo m'otire paka ji ma jonitie i lero m'odieceŋ, m'ongoye woro kosa mero, cot kosa kidakana, gorok kosa nyeko.

1 Jokorintho 12:2

Wiŋeyo nike munyo oyido fodi wibedo joma bu Were oyido owondi win to itero win bongi cal makicar m'obedo obadha.

1 Jokorintho 6:11

To onyo otiek lonyo win kwoŋ gimarac: Okethi win i tiro gi Were i nyingi Rwoth Yesu Kristo gi meni pa Cuny Maleŋ pa Were mawan.

2 Jokorintho 12:21

Alworo nike ruman k'abino, Were paran bino miyan anwaŋo wickwot t'aywak ro jomathoth ma jotimo reco i ndir m'okadho aka fodi jok'oŋuto timo gigipiny makoc, cot kodi timo giwickwot.

Jogalasia 5:19

Gima kula pa del timo neno kamaler: Neno i kidakana, koc, kodi i tim ma kiripi;

Jogalasia 5:21

awanya ri gipa dhano, mero, timo woro, kodi timo gigipiny man ma cale gi me. Anyutho win kicutho paka atieko timo con, joma timo gigipiny me jok'odonji i Ker pa Were.

Joefeso 5:18

Wikiri wimer gi medho rupiri meno mienirok, to poŋ win gi Cuny Maleŋ ayin.

1 Jothesalonika 4:5

makiweno g'awanya ma timo giwickwot pa jokafir ma jokuya Were.

Tito 3:3

Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.

1 Petero 1:14

Paka nyithindho ma winjo Were, wikiri wiyeyi awanya macon m'onwaŋo winigine munyo fodi wikuya Were wodhum kwo mewin.

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.