1 Petero 2:5 - KITAWO MALEŊ

⁵ Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

KITAWO MALEŊ Catholic

⁵ Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

1 Petero 2:5 Iomraidhean Croise

1 Kerin 7:11

I wi jo oyido nitie telin man m'ilwoŋo ni hewin, m'oŋad m'opima, kodi mbawin ma yath sida.

Zabuli 141:2

Weyi kwayo paran wotundi bongin paka buban, gi tiŋo cingan malo paka cowirok m'othieno.

Zabuli 50:14

Miy Were cowirok ma foyo, aka cul Were madwoŋ loyo gim'iciko go je.

Zabuli 50:23

Ŋata kelo foyo pere paka cowirok pere miyan dwoŋ; ri ŋata wotho i yo m'otire, alanyutho go both pa Were!”

Kitawo mar'ario mapa Musa m'ilwoŋo ni Wok 19:6

aka wilabedo ran ker pa jocway ri Were i wi migam aka piny maleŋ.”

Agecin 9:1

Rieko otieko geto ot pere, otieko gero sirin pere abirio.

Isaya 61:6

To win, ilalwoŋo win ni jocway ri Were i wi migam pa Rwoth, ilalwoŋo win ni ŋecin pa Were mawan, wilawinjo cwe ma lim pa nonin man, aka wilakwoto i ŋaŋo pajo.

Isaya 66:21

Megi kwoŋ jo alatero loko jocway ri Were i wi migam aka joman loko Jolevi, Rwoth waco.

Hoseya 14:2

Kadhi win gi kwac, aka wigik bongi Rwoth; wiwaci rigo ni, “Kwany woko reco je; jol gimaber mere, aka walapakin gi dhok wan.”

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Joroma 12:1

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

Joroma 15:16

ma bedo jatic pa Kristo Yesu ma tiyo ri Jopath. Atiyo paka jacway ri Were i migam kareno atito Wac Manyen Maber ma wok bongi Were, ŋey Jopath jowobedi mic ma Were jolo, ma Cuny Maleŋ olonyo rigo.

1 Jokorintho 3:16

Wikuya nike wibedo Ot pa Were, aka Cuny Maleŋ pa Were bedo i win?

1 Jokorintho 3:9

Kole wariwere kanyacel i tic ri Were, aka wibedo ndelo pa Were kodi geto pere.

1 Jokorintho 6:19

Ikuya ni delkwoŋin obedo Ot pa Cuny Maleŋ ma bedo i in, ma Were omiyin? Ikibedo aperin won, to apa Were.

2 Jokorintho 6:16

Tiyirok aŋo manitie i dier Ot pa Were kodi cal makicar? Kole wabedo Ot pa Were makwo! Paka Were won owaco ni, “Abino bedo i jo to awotho gi jo. Abino bedo Were pajo, aka jobino bedo ji paran.”

Jogalasia 6:10

Am'omiyo, hongo je ma wanitie gi thwolo waripo timo bero ri dhano je, to tektek ri joma jobedo jowoti wan i yeyo.

Kitawo mar'abic mapa Musa m'ilwoŋo ni Cik 18:2

Riameno jongoye g'alunja i dier wutmin jo; Rwoth am'obedo gir'alunja pajo, paka go ociko jo.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jofilipi 2:17

To kad'onyo cale p'ikonjan woko pa vini m'imedo wi cowirok man kodi tic ma wok i yeyo mewin, je fodi asangala, aka apoko kisangala paran no gi wijoje.

Jofilipi 4:18

Atieko limo cul je, kiri gi kalo; an gi gimoro je ma yenyo, paka Epafrodito otieko kelo ran mic mewin je. Gik piny me cale mic maŋwe kur, cowirok ma jolere aka sangala Were.

Jokolosia 3:17

Gimoro je ma witimo kosa wiwaco, ripo witim i nyingi Rwoth Yesu, munyo wifoyo Were Baba kwoŋ go.

1 Timothe 3:15

To k'agalo, balwa me bino miyin iŋey kite ma waripo bedo gine i peco pa Were, m'obedo kitipa pa jom'oyeyo pa Were makwo, siro kendo cakirok p'adier.

Joebulaniya 3:6

To Kristo ogenere paka Wod Were ma kuro ri Were ot. Aka kole waŋati wabedo ot pere ka wamedere gi miseni mawan kodi ridho geno ma wapakere gine.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.

1 Petero 4:17

Ato ndir otundo ma thumo banja aka lacako gi ji pa Were won. Onyo ka kidho cako gi wan, obedi nedi ri joma jokiyey Wac Manyen Maber ma wok bongi Were?

Menyirok ri Yohana 1:6

to loko wan bedo ker, kendo joma cwayo wi migam pa Were kendo Bamere. Dwoŋ kodi meni wobedi rigo cil gi cil. Ameno.

Menyirok ri Yohana 20:6

Ji je ma jokwanere i cerino marapena me, meno josilwany odoko joleŋ! Ato tho mar'ario kilabedo gi meni kwoŋ jo, to jobino bedo jocway ri Were i wi migam ma jotiyo ri Were gi Kristo munyo jodhumo gine cowo oro gana acel.

Menyirok ri Yohana 3:12

Abino loko ŋat'oloy karatem siro ma Ot pa Were paran, aka go k'odoko owok i iye. Abino ndiko kwoŋe nyingi Were paran, kodi nyingi tindi pa Were paran, Yerusalem manyen, ma bino loro piny wok i polo bongi Were paran; kodi nyingan manyen won bende.

Menyirok ri Yohana 5:10

Iloko jo ker pa jocway ri Were i wi migam; aka jobino dhumo piny.”