1 Petero 2:1 - KITAWO MALEŊ

¹ Am'omiyo, weyi win miyo jowoti win litho, kodi twodo je, kosa rendirok, kosa nyeko, kosa nyeko nyingi wadi win!

KITAWO MALEŊ Catholic

¹ Am'omiyo, weyi win miyo jowoti win litho, kodi twodo je, kosa rendirok, kosa nyeko, kosa nyeko nyingi wadi win!

1 Petero 2:1 Iomraidhean Croise

Yobu 36:13

Ji ma bu Were jobedo jo nge macek, aka jokikway kony k'omiy jo gir'acula.

Zabuli 32:2

Jasilwany a ŋata Rwoth kisegeya timo reco, aka kitwodi i cunye.

Zabuli 34:13

Gwok lewin kwoŋ luwo raco, gi luwo twodo.

Zabuli 37:1

Ikir'irembi ro jokidakana, ikir'imaki nyeko gi joma timo raco.

Zabuli 73:3

Ato oyido amako nyeko gi jogero, munyo aneno jokidakana jotimo maber.

Agecin 14:30

Cuny m'okwe miyo del bedo maber, to nyeko miyo cokin top.

Agecin 24:1

Ikir'imaki nyeko gi jokidakana, kosa iwanya bedo kanyacel gi jo.

Agecin 24:19

Ikir'irembi ro ji mareco, aka ikir'imaki nyeko gi jokidakana.

Agecin 3:31

Ikir'igomba jogwayo, aka ikir'iyer tim pajo moro je.

Isaya 2:20

I ndelo no ji jolabolo woko cal pajo ma feza, gi cal pajo ma zahabu, ma jotimo rijo wegi lamo, ri fuko gi kilafundo.

Isaya 30:22

Kenyo wilakwanyo cal mewin m'oum gi feza kodi zahabu to wibolo woko paka oselo ma dhako oro ka ruko dwe, aka wilawaco ni, “Wikoci.”

Matayo 15:7

Win wijorendirok! Isaya otuco wac ma mako kwoŋ win me m'otire.”

Matayo 23:28

I yo acel wibende wicale jom'otire gi woko, ma to i cuny win koro rendirok kodi reco ama opoŋ'iye.”

Matayo 24:51

to miyo go gir'acula, to ketho go i candirok kanyacel gi jorendirok, kama ji jobino ywak'iye gi kay'iye lak.

Matayo 7:5

In, jarendirok! Kutho kwany woko kongolo kasik i waŋin, aka nyaka ibino neno maber ŋey inokwany woko yath m'ondhilo i waŋ omerin.

Mariko 12:15

Yesu oneno apondi pajo to dwoko ni, “Raŋo ma witemo ciko an? Keli win pesa moro anen.”

Luka 11:44

Kidamba otundi riwin! Wicalo kaliele ma k'okethi kwoŋ jo ranyuth aka ji wotho i wiy jo ma jokiŋey.”

Luka 12:1

I hongo no, munyo lwak ji gana gi gana oyido jonyonere dho bonge, Yesu okutho ocako waco ri jofonjirok pere ni, “Kure win kwoŋ gipa Jofarisayo ma tiyo pa thow, m'obedo rendirok.

Luka 6:42

Kosa inyalo nedi waco ri omerin ni, ‘Omera, weyi akwany rin woko nyaka yath m'ocile m'ondhilo manitie i waŋin.’ T'ikinyal neno k'oŋolo kasik manitie i waŋin won? Jarendirok me, ber kutho ikwany woko k'oŋolo kasik man waŋin no, aka inonen odoco nyaka yath m'ocile m'ondhilo manitie i waŋ omerin, t'ikwanyo woko rigo.”

Yohana 1:47

Munyo Yesu oneno Nathanel, oluwo kwoŋe ni, “Me Jaisiraili mar'adieri; ongoye komo moro kwoŋe!”

Joroma 1:29

Jopoŋ gi kidakana ma nger je: Raco, woro, kodi camo tiendi ji gi piny. Jopoŋ gi nyeko, neki, gorok, twodo, gi paro marac. Jonyeko nyingi wadi gin,

1 Jokorintho 14:20

Wikiri wibedi pa nyithindho i paro mewin, wutmera; bedi win nyithindho i gima mako kwoŋ reco, to wibedo jom'otegino i paro mewin.

1 Jokorintho 5:8

Am'omiyo onyo weyi watim kalima mawan, to ki gi mugat m'oketh'iye thow macon, mar'athuye kodi reco, to kodi mugat ma buthow, ma ditiro kodi adieri.

2 Jokorintho 12:20

Alworo ni kono kani atundo kenyo anyalo nwaŋo ni wipokere kodi paka oyido d'ayenyo wibedi, kosa kareno aŋat'apokere kodi paka di wiyenyo abedi. Alworo ni abino nwaŋo widhaw, kosa witimo nyeko, wioro nge kosa witimo mima, winyeko nyingi jowoti win kodi luwirok kicar, pakirok kodi nywowirok.

Joefeso 4:31

Kwany win woko duro, gi keme, kodi nge, gi dhaw kodi nyeko nyingi wadi win.

1 Jothesalonika 2:3

Kole wac ma wakelo ma tiŋo win malo k'ocungo kwoŋ komo kosa atoŋa marac, odoko bende wakitemo wondo moro.

1 Timothe 3:11

Mon pajo bende joripo bedo ji ma kiti gin otire, ma jokiwerawera gi luwo kicar; joripo bedo jom'oŋeyo kuro nge kendo joma genere i gimoro je.

Tito 2:3

Aka bende waci ri mondongo jowobedi gi kite mabeyo i leŋo. Kiri jowobedi jowaci nyingi ji, kosa joma medho odhumo; joripo fonjo gima beyo

Joebulaniya 12:1

Am'omiyo, paka onyo wanitie gi lwak jokony madwoŋ m'othoko wan ameno, onyo weyi wakwanyi woko gimoro je ma riwere riwan i royo, kodi reco ma mito moko kwoŋ wan matek,

Yakobo 1:21

Am'omiyo, bol win woko kite makoc kodi reco ma wimore gine. Aka wijoli gi mwolo wac ma go pidho i cuny win, manyalo botho win.

Yakobo 3:14

To ka wipoŋ gi nyeko kodi mito ici, wikiri wipakere gine odoko wikiri wikwer adieri.

Yakobo 4:11

Wikiri wiluwere marac kwoŋ jowoti win, wutmera. Ŋata luwo marac kwoŋ omin, kosa thumo rigo banja, meno luwo marac kwoŋ Cik aka cayo Cik. K'icayo Cik, meno kere ikibedo dhano ma winjo Cik, to ijacay Cik ayino.

Yakobo 4:5

Kosa wiparo ni ndiko ongoye g'atoŋa i nyutho ni, “Cuny ma Were oketho i wan nigi nyeko m'oasere?”

Yakobo 5:9

Wikiri wigeŋisa gi jowoti win, wutmera, aka Were k'othumi riwin banja. Kole jathum banja ni dhiot, oyikere donjo!

1 Petero 2:16

Kwo mewin wobedi paka apa joma ni siem; to wikiri wiloki siem mewin ma umo reco moro je; kucel kwo mewin wobedi paka apa jotic pa Were.

1 Petero 2:22

Ndiko waco ni, “Go k'otimo gimarac moro, aka ongoye twodo m'owok i dhoke.”

1 Petero 3:10

Rupiri paka ndiko waco, “Ŋata mito limo kwo gi neno siem, wowey luwo marac gi lewe, aka wowey twodo.

1 Petero 4:2

Riameno, wok gunyo ni, mito pa Were ama dhumo kwo pere gipi i piny ka makiweno awanya mareco ma del.

1 Petero 4:4

Aka joma bu Were no jouro nike wikiriwere gi jo i timo gir'awanya mareco m'oasere no, am'omiyo joyeto win;

Menyirok ri Yohana 14:5

Twodo k'onwaŋere i dhok jo; jongoye gi reco ma di kwan rijo.