1 Petero 1:6 - KITAWO MALEŊ

⁶ Sangala win gi wac me, kad'onyo i hongo me witieko nwaŋo candirok munyo wibedo gi rem hongo macek ro tem m'omore m'obino riwin.

KITAWO MALEŊ Catholic

⁶ Sangala win gi wac me, kad'onyo i hongo me witieko nwaŋo candirok munyo wibedo gi rem hongo macek ro tem m'omore m'obino riwin.

1 Petero 1:6 Iomraidhean Croise

Zabuli 119:28

Rem olacan woko, lokan matek cungo kwoŋ cik perin.

Zabuli 119:75

Rwoth, aŋeyo ni ithumo banja m'otire, aka ni imiyan gir'acula kwoŋbedo itimo adieri.

Zabuli 34:19

Jomaber joluwo i litho kweth, to Rwoth botho jo wok i je.

Zabuli 35:10

Abino waco ri Rwoth gi cunyan je, “Ongoye ŋata cale in. Ikwonga ji ma jongoye gi nyalo kwoŋ jomatek, gi jocandi kwoŋ joma diyo jo.”

Zabuli 69:20

Yet otieko turo adundo paran, aka onyo angoye gi geno. Adwaro wor, t'akinwaŋo; kodi jom'odiy cunyan t'akinwaŋo moro.

Zabuli 9:14

ŋey acungi ruwaŋ ji ma Yerusalem, aka awaci gigipiny je ma miyan, apakin. Alafore kwoŋbedo ibothan.

Zabuli 95:1

Biye, weyi wapaki win Rwoth; weyi wawer gi kisangala ri tele ma both mawan!

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Matayo 11:28

Biye win bongan wijoje ma wiol aka wilacere i tiŋo bieto mapek, labino miyo win ywomirok.

Matayo 26:37

Go okwanyo Petero kodi wot Zebedayo jario. Gikenyo cunye ocako ramo to bedo gi rem.

Matayo 5:12

Yodere win aka wisangala, rupiri kemba mewin obedo m'oasere i polo. Me apaka cango jotimo kiri ri jotuci wac Were macon.

Luka 1:47

aka cunyan sangala i Were Jaboth paran.

Luka 10:20

To wikiri wisangala ni cuny m'ocido jowinjo win; kucel sangala win ni nyingi win ondiki i polo ayino.”

Luka 2:10

Malaika owaco rijo ni, “Wikiri wibedi gi lworo; kole akelo riwin wac kwoŋ kisangala madwoŋ ma bino bedo ri ji je.

Yohana 16:22

Meno apaka bende nitie gi win. Pama onyo wiwinjo litho, t'abino neno win kendo, aka cuny win bino poŋ gi kisangala, kiti kisangala ma moro kinyal mayo win.”

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Tim pa Jomoor 14:22

Jomedo jom'oyeyo meni to jomedo jo miseni nike jowocwire i yeyo. Jofonjo ni, “Waripo donjo i Ker pa Were munyo waluwo i teko madit.”

Joroma 12:12

Weyi geno mewin womiy win kisangala, diy win cuny win i teko mewin, aka kway win Were hongo je.

Joroma 5:11

To ki meno kende; wasangala i Were kwoŋ Rwodhiwan Yesu Kristo, ma pama odwoko wan i tiyirok gi Were.

Joroma 5:2

Go am'okelo wan i nema pa Were ma pama wacung'iye. Am'omiyo wasangala i geno ma wanitie gine ma limo dwoŋ pa Were!

Joroma 9:2

An gi rem kodi litho mathoth i cunyan.

2 Jokorintho 4:17

Aka teko mathin ma hongo macek me bino kelo riwan dwoŋ m'oasere ma cil gi cil, maloyo teko no bor.

2 Jokorintho 6:10

kada miy wan gut, to ndir je wasangala; wacale pa jocandi, to wamiyo jomathoth ŋaŋo; wacale pa joma jongoye gi gimoro, ma to wanitie gi gimoro je.

Jogalasia 5:22

To Cuny Maleŋ nyak gigipiny me: Mar, kisangala, siem, diyo cuny, wor, bero, genirok,

Jofilipi 2:26

Go yenyo swa neno wijoje, aka cunye ramo swa rupiri wiwinjo ni go oyido two.

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Jofilipi 4:4

Sangala win i Rwoth noknok; adoko awaco ni sangala win!

1 Jothesalonika 1:6

Wilokere joma luwo wan kodi Rwoth; aka kada wicandere tektek, wijolo mikwenda gi kisangala ma wok bongi Cuny Maleŋ.

Yakobo 1:2

Jowotan, ter win paka silwany ka wiromo gi teko m'omore omore,

Yakobo 1:9

Omin ma jacandi wosangala gi kabedo m'omiy go ma malo i yeyo,

Yakobo 4:9

Bedi win gi rem, gi geregere aka wiywak: Nyero mewin wolokere ywak, aka kisangala mewin wolokere rembo ayino!

1 Petero 3:17

Kole ber candirok ro timo bero, k'obedo mito pa Were, loyo candirok ro timo gimarac.

1 Petero 4:7

Gik gimoro je orikere ocore cegin, am'omiyo bedi win milengela kendo ma widhumo kwo mewin aka winyal kwayo.

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

1 Samwiri 2:1

Hana okwayo ama: “Cunyan yodere i Rwoth; Neni paka asangala ro gima go otimo ran! Anyero jokwor paran; kwoŋbedo afore i both perin!