1 Petero 1:3 - KITAWO MALEŊ

³ Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,

KITAWO MALEŊ Catholic

³ Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,

1 Petero 1:3 Iomraidhean Croise

1 Kerin 8:15

Solomon owaco ni, “Rwoth Were pa Isiraili wopak! Okuro cikirok pere m'otimo ri baba Daudi, munyo owaco ni,

1 Kigana kwoŋ Kerin 29:20

Kenyo Daudi omiyo ji je cik ni, “Pak win Rwoth Were mewin!” Aka cokirok pa ji je jopako Rwoth, Were pa kwarere pajo, aka jokule piny bwonirok ri Rwoth kodi kere pajo.

2 Kigana kwoŋ Kerin 31:8

Munyo kere Hezekia gi jotel pere jobino to joneno gim'omiy, jopako Rwoth, gi Joisiraili, jomiyo ji silwany.

Zabuli 41:13

Pak win Rwoth, Were pa Isiraili! Pak go pama gi cil gi cil! Ameno! Ameno!

Zabuli 86:15

To in Rwoth, ibedo Were ma jawor aka nitie gi mar, ikimaki nge piyo, ipoŋ gi mar makiwire aka itimo adieri.

Zabuli 86:5

Iber riwan aka icwako, ipoŋ gi mar makiwire ri jono ma jokwayin.

Kitawo mar'ario mapa Musa m'ilwoŋo ni Wok 34:6

Kenyo Rwoth oluwo ruwaŋ Musa aka olwoŋo, “An Rwoth, Abedo Were m'opoŋ gi wor kodi kisa, ma kimaki nge piyo aka nyutho mar makiwire kodi adieri.

Isaya 26:19

Ji perin ma jotho jolakwo, delkwoŋ jolacerino. Awi ji ma jonindo i fukefuke, cew win aka wiwer ro kisangala! Kole thoyo mewin obedo thoyo ma lero, aka piny laŋulo jom'otho.

Yona 4:2

Go owaco ri Rwoth ni, “A Rwoth, me a gim'awaco mafodi akiay peco nike ibino timo. Am'omiyo atemo kiri ŋwec kadho i tindi Tarsis. Oyido aŋeyo paka in Were m'omaro ji aka ipoŋ gi wor. In Were ma kimaki nge piyo rupiri ipoŋ gi mar m'oasere. Inyalo wiro paro perin, t'iweyo m'ikimiyo gir'acula.

Yohana 1:13

Nywolirok pa jono k'obedo ma remo pa dhano, kosa ro mito pa ji, kosa mito pa dhano, to ro mito pa Were won.

Joroma 12:12

Weyi geno mewin womiy win kisangala, diy win cuny win i teko mewin, aka kway win Were hongo je.

Joroma 15:13

Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

Joroma 4:25

Ojala Yesu ri tho ro reco mawan, aka ocerino go i kwo ŋey wokwan wan i tiro gi Were.

Joroma 5:10

Wan oyido wabedo jokwor pa Were, to Were odwoko wan i tiyirok gine kwoŋ remo pa Wode. Aka paka onyo watieko dwoko i tiyirok gi Were, kwo pa Wode onyo bino botho wan kicutho.

Joroma 8:11

Ka Cuny Maleŋ pa Were m'ocerino Yesu kwoŋ jom'otho nitie i win, meno ŋat'ocerino Kristo kwoŋ jom'otho bende bino miyo delkwoŋ win ma tho no kwo ro Cuny Maleŋ ma bedo i win.

Joroma 8:24

Kole geno am'omiyo obothi wan; to geno m'otieko nenere meno kidok bedi geno. Ŋa ma geno gima go neno?

1 Jokorintho 13:13

Onyo gigipiny adek me: Yeyo, geno kodi mar je joyindira, to mar ama loyo je.

1 Jokorintho 15:20

To iy'adieri otiek cerino Kristo kwoŋ jom'otho, paka gima nyak m'onyak marapena kwoŋ jom'otho ma bende jobino cerino.

2 Jokorintho 1:3

Were wofoy, Ba Rwodhiwan Yesu Kristo, Bawan ma jawor, Were ma jakweyi cuny ji!

Jogalasia 6:16

Siem gi ŋono wobedi ri joma jobino mako tiendi wac me i kwo pajo, kodi ri ji pa Were je!

Joefeso 1:17

aka akwayo Were pa Rwodhiwan Yesu Kristo, Bawan man gi dwoŋ, ni womiy win Cuny Maleŋ, ma bino loko win mariek to nyutho win Were, nike wiŋeyi go maber.

Joefeso 1:3

Were wofoy, Ba Rwodhiwan Yesu Kristo, m'omiyo wan silwany gi mic je ma cuny ma wok i polo i Kristo.

Joefeso 1:7

Kole remo pa Kristo okelo riwan siem, kodi cwaki mareco mawan, ro nema pa Were m'oasere

Joefeso 2:4

To Were m'oŋaŋ gi ŋono, i mar pere madwoŋ m'omaro gine wan,

Joefeso 3:20

Onyo ŋata nigi meni ma tiyo i wan nyalo timo gim'oasere ma kalo ma wakwayo kosa waparo.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

Jokolosia 1:27

Kole Were oyiko wodho nyaliŋliŋ pere ri Jopath, jowoŋey ŋaŋo madwoŋ manitie i iye, aka manago Kristo manitie i win, ma miyo wigeno limo dwoŋ pa Were.

1 Jothesalonika 1:3

Kole wapoyo ruwaŋ Were mawan kodi Bawan paka wiketho yeyo mewin i tim, paka mar mewin omiyo witiyo matek, gi paka geno mewin i Rwodhiwan Yesu Kristo ocwiny.

1 Jothesalonika 4:13

Wutmera, amito wiŋeyi odoco kwoŋ jom'otho, aka nyaka wik'okumi pa joma jongoye gi geno.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

1 Timothe 1:14

Rwoth okonjo ran nema pere m'oasere to miyan yeyo gi mar manitie i Kristo Yesu.

Tito 2:13

munyo wakuro geno ma disilwany, gi menyirok madwoŋ mapa Were mawan madwoŋ m'oasere ma Jaboth,

Joebulaniya 3:6

To Kristo ogenere paka Wod Were ma kuro ri Were ot. Aka kole waŋati wabedo ot pere ka wamedere gi miseni mawan kodi ridho geno ma wapakere gine.

Yakobo 1:18

I mito pere won, go onywolo wan manyen gi wac pere mar'adieri, ŋey wabedi paka olemo pere m'onyak marapena kwoŋ cwec pere je.

1 Petero 1:13

Am'omiyo yik win paro mewin ma tic; bedi ma widhumo cuny win, aka kethi win geno mewin je kwoŋ nema ma bino riwin k'onyuthi Yesu Kristo kamaler.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

1 Petero 1:23

Kole onyo winywolere madirio, ki kwoŋ kodhi ma tho, to kwoŋ makitho, cungo kwoŋ wac pa Were makwo kendo ma yindira cil gi cil.

1 Petero 2:2

Bedi win paka nyithindho maŋic ma nyaka onywol jo, ma wiwinjo riyo ma cak m'olony ma cuny, aka ka wimadho wibino dongo i both mewin.

1 Petero 3:15

To i cuny win, wor win Kristo paka Rwoth. Ndiri je yikere win ma dwoko ŋata lwoŋo win tito geno ma winigine.

1 Petero 3:21

aka pi no obedo ranyuth ma cimo batisimo ma pama botho win, ki paka gima lwoko woko cilo ma del t'obedo cikirok m'itimo ri Were gi cuny maber. Gino bothin luwo kwoŋ cerino pa Kristo Yesu,

1 Petero 3:5

Kole me a royo ma mon maleŋ, ma jogeno Were i ndir macon, joloko gine kwo pajo maŋon, aka jowinjo cwogi jo,

1 Yohana 2:29

Wiŋeyo ni Kristo obedo tiro; riameno wiŋeyo ni moro je ma timo gim'otire meno go nyathi pa Were.

1 Yohana 3:3

Nyatoro je manitie gi geno me i Kristo ripo lonyo kwo pere paka Kristo olony.

1 Yohana 3:9

Nyathi pa Were moro je kimedere gi timo reco, rupiri kodhi pa Were ama nitie i go; aka rupiri Were obedo Bamere, go kidok ripi medo timo gimarac.

1 Yohana 4:7

Jowotan, weyi wamare win, rupiri mar wok bongi Were. Moro je man gi mar obedo nyathi pa Were aka oŋeyo Were.

1 Yohana 5:1

Nyatoro je ma yeyo ni Yesu obedo Kristo meno go obedo nyathi pa Were; aka ŋat'omaro ba nyathi meno ripo maro kiri nyathi bende.

1 Yohana 5:18

Waŋeyo nike nyathi pa Were kimedere timo gimarac, rupiri Wod Were kuro go maber, aka Jaraco kinyal timo go marac.

1 Yohana 5:4

rupiri nyathi pa Were je nyalo woko meni pa piny. Me apaka wanyalo loyo meni pa piny: Waloyo gi yeyo mawan.