1 Petero 1:2 - KITAWO MALEŊ

² Oyer win r'atoŋa ma Were Baba won oŋeyo kicutho, nike Cuny Maleŋ woloki win maleŋ, ŋey wiwinji Yesu Kristo to lonyo win gi remo pere. Weyi nema gi siem wobedi mewin i thotho.

KITAWO MALEŊ Catholic

² Oyer win r'atoŋa ma Were Baba won oŋeyo kicutho, nike Cuny Maleŋ woloki win maleŋ, ŋey wiwinji Yesu Kristo to lonyo win gi remo pere. Weyi nema gi siem wobedi mewin i thotho.

1 Petero 1:2 Iomraidhean Croise

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Isaya 65:22

Jokilageto udi to joman ama jonind'iye, jokilapidho ndelo vini to joman ama jocamo. Ji paran jolakwo to joti paka yen, aka ayera paran jolawinjo cwe ma hongo malac ma tic ma cingi jo.

Isaya 65:9

Alayero nyikway Yakobo, aka nyikway Yuda jolalunjo gote paran. Ji paran m'ayero jolalunjo, aka ŋecin paran jolabedo kenyo.

Daniel 4:1

Kere Nebukadineza, owaco ri ji je, nonin je, kodi dhodhok ma i piny ni: Weyi siem wobedi riwin gibe!

Daniel 6:25

Kere Dario ondiko ri ji je, nonin je, dhodhok je, ma jobedo i piny ni, “Siem gibe wobedi riwin.

Jolevi 1:5

Go lathumo rwath ruwaŋ Rwoth, aka jocway ri Were i wi migam, wot Aron, jolakelo remo, to jokiro thoko migam manitie i dhiot ma Wema ma romo.

Matayo 24:22

Aka bedi Were k'otieko kimoja ye woko ndelo no, onwaŋo ongoye dhano ma d'oboth; to ri bero pa jom'oyer, Were bino kimoja ye woko ndelo no.

Matayo 24:24

Kole Kristo ma twodo kodi jotuci wac Were ma twodo jobino tundo to jotimo ranyuth madongo kodi gir'aura ma wondo ji, bedi nyalere di jowondo kiri jom'oyer.

Matayo 24:31

gikenyo go bino oro jomalaika pere kudho gwara ma ywak malo, aka jobino coko jom'oyer pere wok i tum aŋwen ma koyo, wok i tielo acel ma polo tundo i man.

Mariko 13:20

Kabedi Were k'otieko kimoja ye woko ndelo no; ongoye ŋata d'oboth; to ri bero pa ji pere m'oyer, go omoja ye ndelo no.

Mariko 13:22

Kole jotwodo ma jolwoŋere ni Kristo kosa jotuci wac Were jobino konjere. Aka jobino timo ranyuth kodi gir'aura ma wondo jom'oyer pa Were ka nyalere.

Mariko 13:27

Go bino dhiro jomalaika coko jom'oyer pa Were wok i thenge aŋwen ma koyo, wok i thengi piny je tundo i thengi polo je.”

Luka 18:7

Onyo Were ama k'oneni gir'atima ri ji pere m'oyer, ma jogoyo rigo koko wor g'odieceŋ? Wiparo ni go bino galo tektek gi konyo jo?

Tim pa Jomoor 15:18

“Rwoth, m'omiyo gime oŋeyere wok con ama owaco ameno.”

Tim pa Jomoor 2:23

Were, i mito pere gi rieko pere, onwaŋo otieko yiko con nike bino ketho Yesu me i cingi win; am'omiyo wineko go munyo wiketho ji mareco to joguro go kwoŋ musalaba.

Tim pa Jomoor 20:32

“To pama onyo aketho win i cingi Were kodi i wac ma nema pere manyalo dongo win to miyo win silwany ma go okano ri ji pere je.

Joroma 1:5

I go Were omiyan nema ma bedo jamoor ri Kristo, ŋey atel ji ma nonin je jowoyey odoko jowowinji or.

Joroma 1:7

Am'omiyo andiko ri wijoje ma winitie Roma ma Were omaro to lwoŋo bedo ji pere won. Weyi Were Bawan kodi Rwoth Yesu Kristo womiy win nema gi siem.

Joroma 11:2

Were k'obolo woko ji pere ma go won oyero cako con. Wikuya gima ndiko waco kwoŋ Elia, nger ma go pid'iye kodi Were kwoŋ Isiraili?

Joroma 11:28

Rupiri jokwero Wac Manyen Maber, Joyuda jolokere jokwor pa Were ma bero mewin, win Jopath. To i yero pa Were, jobedo mere pere ma bero pa kwarere pajo.

Joroma 15:16

ma bedo jatic pa Kristo Yesu ma tiyo ri Jopath. Atiyo paka jacway ri Were i migam kareno atito Wac Manyen Maber ma wok bongi Were, ŋey Jopath jowobedi mic ma Were jolo, ma Cuny Maleŋ olonyo rigo.

Joroma 16:19

Dhano je otieko winjo cwirok mewin kwoŋ Wac Manyen Maber, aka ro wac me josangala swa gi win. Amito wibedi mariek kwoŋ gimaber, aka ma wikitim reco.

Joroma 16:26

To pama adieri no otiek wodho kamaler i ndiko pa jotuci wac Were; kodi i or pa Were ma cil gi cil, ma onyo imiyo nonin je ŋeyo, aka ji je jowoŋey odoko jowowinji.

Joroma 8:13

Kole ka kwo mewin nitie paka del yenyo meno wikidho tho; to ka wineko woko tim mareco gi meni pa Cuny, aka wibino kwo.

Joroma 8:33

Ŋa ma bino kelo banja kwoŋ ji pa Were m'oyer? Kole Were won ama kwanyo woko banja kwoŋ jo!

1 Jokorintho 1:30

Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.

1 Jokorintho 6:11

To onyo otiek lonyo win kwoŋ gimarac: Okethi win i tiro gi Were i nyingi Rwoth Yesu Kristo gi meni pa Cuny Maleŋ pa Were mawan.

2 Jokorintho 10:5

gi kedho woko rageŋ je ma piem, kodi gimoro je ma tiŋere malo aka temo juko rieko pa Were, to mako paro manyadhanodhano je wogiki winjo Kristo.

2 Jokorintho 13:14

Nema pa Rwoth Yesu Kristo, mar pa Were, kodi riwirok pa Cuny Maleŋ wobedi kodi wijoje.

Kitawo mar'abic mapa Musa m'ilwoŋo ni Cik 7:6

Kole wibedo ji maleŋ ri Rwoth Were mewin. Rwoth Were mewin otieko yero win kwoŋ nonin je i piny bedo ji pere, lim pere ma welo.

Jokolosia 3:12

Am'omiyo paka wibedo ji pa Were m'oyer, maleŋ aka ma go omaro, onyo bedi win joma ramere ri wadi win, ma winigi cuny maber, bwonirok, mwolo, kodi diyo cuny.

2 Jothesalonika 2:13

Waripo foyo Were riwin hongo je, wutmera ma Rwoth omaro, rupiri Were oyero win wok i cakirok ni wilimi both gi meni pa Cuny Maleŋ ma lonyo win, ro yeyo adieri mewin.

2 Timothe 2:10

Am'omiyo aciro gimoro je ri bero pa ji pa Were m'oyer, ŋey jo bende jowonyal limo both manitie i Kristo Yesu, kanyacel gi dwoŋ ma cil gi cil.

Tito 1:1

Balwa m'owok bongi Paulo, jatic pa Were kendo jamoor pa Yesu Kristo. Oyeran aka ooran konyo yeyo pa ji pa Were m'oyer, gi telo jo jowoŋey adieri ma kelo lworo Were,

Joebulaniya 10:22

onyo weyi wacore cegin gi Were, gi cuny wan je, gi yeyo m'ocowere, gi cuny m'otiek lonyo m'odoko kiwinji banja, gi del m'olwok gi pi m'olony.

Joebulaniya 11:28

Yeyo am'omiyo go oketho cik ma kalima ma Kadho, gi wodho or ni wokiri remo kwoŋ thigin, aka nyaka malaika ma tho wokiri woneki nyithindho pa Joisiraili makayo.

Joebulaniya 12:24

Wibino bongi Yesu, m'ocano cikirok manyen, kodi gi bongi remo ma nyutho wac maber loyo remo pa Abel.

Joebulaniya 5:9

Aka munyo otiek lonyo go kicutho, go olokere jakeli kwo makirum ri ji je ma jomako wac pere;

1 Petero 1:14

Paka nyithindho ma winjo Were, wikiri wiyeyi awanya macon m'onwaŋo winigine munyo fodi wikuya Were wodhum kwo mewin.

1 Petero 1:19

to remo pa Kristo am'ogonyo win, go m'obedo paka nyathi rombo m'ongoye gi ŋolo moro kosa waŋpoyo.

1 Petero 1:20

Were oyero go mafodi k'ocwey piny, aka onyuthere i ndelo macowe me ma bero mewin.

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

2 Petero 1:2

Weyi nema gi siem wobedi mewin i thotho i ŋeyo Were kodi Yesu Rwodhiwan.

2 Yohana 1:1

Balwa m'owok bongi Jadwoŋ. Ri dhakodwoŋ m'oyer kodi nyithindho pere m'amaro i adieri, aka ki an kendan, to ji je ma bende joŋeyo adieri jomaro win,

2 Yohana 1:13

Nyithindho pa Nyamerin m'ilith gine jodhiro rin moth pajo.

Yuda 1:2

Wor, siem, kodi mar wobedi riwin mathoth.