Zefania 3:5 - KITAWO MALEŊ Catholic

⁵ Rwoth timo gim'otire, go kitim gima butiro. Kisi odikin go thumo banja pere, i lero m'ongoye keŋ, to ŋata butiro kuya wickwot.

KITAWO MALEŊ

⁵ Rwoth timo gim'otire, go kitim gima butiro. Kisi odikin go thumo banja pere, i lero m'ongoye keŋ, to ŋata butiro kuya wickwot.

Zefania 3:5 Iomraidhean Croise

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Ywakirok 3:23

Jonyen kisi odikin, adieri pere obedo gimadwoŋ.

Zabuli 145:17

Rwoth otire i tim pere je, aka jakisa i gimoro je ma go timo.

Zefania 3:15

Rwoth otieko kwanyo woko thumo banja kwoŋ win, go otieko kwanyo woko jokwor mewin. Kere pa Isiraili, Rwoth, nitie i dier win, wik'olwor teko kendo.

Isaya 28:19

Wok i dito ma luwo gine, latero win, kole kisi odikin laluwo, odieceŋ gi wor, labedo nyaka kirin, niaŋ mikwenda mere.

Zefania 3:17

Rwoth Were perin nitie i dier win, jalweny ma miyo loyo, go lafore kwoŋin gi kisangala, go ladwoŋin gi mar pere; go lasiemere kwoŋin gi wer ma malo.

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Kitawo mar'abic mapa Musa m'ilwoŋo ni Cik 23:14

Kole Rwoth Were mewin wotho i kambi mewin, botho win kodi jwango jokwor mewin, riameno kambi mewin ripo bedo maleŋ, ŋey go wokiri wonen gimakoc to eye woko kwoŋ win.

1 Petero 1:17

Kole wilwoŋo Were ni Baba ka wikwayo, aka go ama thumo banja ri ji je marom. Am'omiyo or win kwo mewin i piny ka paka joma wendo munyo wimiyo go dwoŋ.

Joroma 3:26

to i ndir ma pama go kaŋasa reco pa ji, ma nyutho paka go won otire, aka go ama kwanyo woko banja kwoŋ ŋata nitie gi yeyo i Yesu.

Zekaria 2:5

Kole An, Rwoth awaco ni alabedo rigo cel ma kor ot thoko, aka alabedo dwoŋ i go.”

Zabuli 37:6

go bino miyo timo gim'otire perin liel paka ceŋ m'odikin.

Yobu 34:10

Riameno winjan win, win ma winitie gi niaŋ, wobedi bor gi Were swa ni go timo kidakana, kosa ni Jameni Je timo kidakana.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

Joroma 2:5

To initie gi wictek aka cunyin dicay. Am'omiyo iwon imiyo gir'acula perin labedo madwoŋ swa i ndelo ma keme pa Were bino nyuther'iye ma thumo banja mar'adieri.

Luka 12:2

Ongoye gim'oum ma k'oyaw i lero, kosa gim'opan ma k'oŋeyere.

Zefania 2:1

Cokere win kanyacel, cokere win. Awi nono ma jongoye giwickwot,

Habakuk 1:3

Raŋo imiyan aneno kidakana kodi teko? Rerok kodi akaka nitie ruwaŋan; kisi dhano ciro gorok kodi dhawirok.

Mika 7:9

Abino ciro nge pa Rwoth, rupiri atimo reco kwoŋ go, cuka go ocwaki ran, to thumo ran banja. Go bino wodhan i lero, Abino neno gonyirok pere.

Mika 3:11

Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

Ezekiel 48:35

Boro ma tindi madwoŋ thoko ripo bedo mita 9,000. Nyingi tindi madwoŋ wok i ndelo no medirok yuwaŋe labedo ni: Rwoth nitie Kenyo.

Yeremia 21:12

awi nyikway Daudi! Rwoth waco ama: Tim win tiro odikin, aka wigony i cingi jadic kisi nyatoro m'otiek kwalo gipere, ka k'obedo ameno keme paran bino moko paka mac, to liel, m'ongoye ŋat'oneki, kwoŋbedo tim mewin marac.

Yeremia 8:12

Jotimo giwickwot, jotimo amien; kucel wiy jo k'okwoti kada, jok'oŋeyo nger ma bedo giwickwot. Riameno jolapodho i dier jono ma jopodho. I hongo m'abino miy'iye jo gir'acula, jolakitangatanga, Rwoth waco.

Yeremia 6:15

Jotimo giwickwot, jotimo amien; kucel wiy jo k'okwoti, jok'oŋeyo nger ma bedo giwickwot. Riameno jolapodho i dier jono ma jopodho; i hongo m'abino miy'iye jo gir'acula, alamayo jo dhum.” Rwoth waco.

Yeremia 3:3

Riameno ogeŋo koth k'ocwe, aka koth ma cwir fodi k'obino. Kucel icale malaya, ingoye giwickwot.

Isaya 50:4

Rwoth otieko miyan, lew joma jofonjere, ŋey anyal ŋeyo nger ma miyo meni, ri ji ma jolacere. Kisi odikin go cewan, cewo ithan, winjo paka ji ma jofonjere.

Isaya 45:21

Biye win wikel banja mewin i kapido, weyi jowomiyere rieko kanyacel! Ŋa m'owaco gime cango? Ŋa m'otuco con? K'obedo an, Rwoth? Ongoye were man kendo, Were ma timo gim'otire aka botho, ongoye ŋatiman kendo.

Isaya 33:2

Awi Rwoth, maki gi wan wor, wakurin. Bedi meni mawan kisi odikin, both mawan i hongo ma teko.

Yobu 8:3

Were kiwir tiro, aka go kimon timo gim'otire.

Cakirok 18:25

Wobedi bor kodin timo nger gino, neko jom'otire kanyacel gi jokidakana, aka jom'otire jolimi gir'acula kanyacel gi jokidakana! Gino wobedi bor kodin! Jathum banja ma piny gibe k'otimi gim'otire!”

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Yobu 7:18

Ikaŋasa jo kisi odikin, aka itemo jo kisi sawa.

Zabuli 92:15

Me nyutho ni Rwoth timo tiro, ni ongoye komo kwoŋ tele paran.

Ezekiel 18:25

Kucel wiwaco ni, “Yo pa Rwoth k'otire. Onyo winji win, Awi ot pa Isiraili, yo paran k'otire? K'obedo ni yo mewin ama k'otire?

Hoseya 14:9

Weyi ŋatariek, woniaŋi gigipiny me; weyi jameny gigipiny, woŋey jo. Kole yo pa Rwoth jotire, aka jom'otire jowotho i jo, to jogimareco jotangatanga i jo.

Zefania 3:13

Joisiraili ma jodoŋ, jokilatimo komo, jokilaluwo misegey, kosa jok'oluw twodo gi lew jo kodi dhok jo. Kenyo jolapidhere to ywomere, m'ongoye ŋata lacando jo.

Hoseya 6:5

Riameno atieko dhiro jotuci wac Were thumo rijo banja ma rerok. Atieko neko jo gi wac ma dhokan, aka thumo banja paran kadho pa lero.