Zefania 2:9 - KITAWO MALEŊ Catholic

⁹ Riameno, paka akwo, Rwoth pa lwak jolweny waco, Were pa Isiraili, Mowab lacale paka Sodom, aka Amon paka Gomora, lowo m'omore gi kayongo kodi buce cumbi, ladoŋ gunda kicutho. Ji paran ma jodoŋ jolakinyaga jo, to jolunjo jo.

KITAWO MALEŊ

⁹ Riameno, paka akwo, Rwoth pa lwak jolweny waco, Were pa Isiraili, Mowab lacale paka Sodom, aka Amon paka Gomora, lowo m'omore gi kayongo kodi buce cumbi, ladoŋ gunda kicutho. Ji paran ma jodoŋ jolakinyaga jo, to jolunjo jo.

Zefania 2:9 Iomraidhean Croise

Isaya 11:14

To jolamonjo Filistia yupodho ceŋ, jolakinyaga ji kanyacel yuwok ceŋ. Joladhumo ji ma Edom gi Mowab aka ji ma Amon jolawinjo jo.

Isaya 25:10

Kole cingi Rwoth lakikwonga Got Zayon, aka lanyono piny Mowab i kabedo pere, paka inyono piny cuŋ i bur woyo.

Isaya 49:18

Tiŋi waŋin malo thoko akinen, joje jocokere, jobino bongin. Rwoth waco ni, kafodi go kwo, ilaruko joje kwoŋin paka thiwino, paka ilatweyo jo kwoŋin paka mweha.

Yeremia 46:18

Paka akwo, kere waco, go ma nyinge obedo Rwoth pa lwak jolweny, moro bino, paka Tabor i dier gote, paka ŋamia i thengi nam.

Yeremia 48:1

Me wac ma mako kwoŋ Mowab, Me apaka Rwoth pa lwak jolweny, Were pa Isiraili waco ama: Kidamba ri Nebo, kole odoŋ gunda! Kiriathayim odoŋ i wickwot aka omaki, kapondo mere otur woko.

Yeremia 49:1

Me apaka Rwoth waco ri Joamon: Joisiraili jongoye gi wot jo? Isiraili ongoye gi musika? Raŋo oyey ji ma jolamo were Molek mako adec pa Gad, aka jobedo i tindin mere.

Yeremia 49:18

Paka orey woko Sodom kodi Gomora, Rwoth waco, apaka bende ongoye ŋata labedo i Edom kendo ongoye dhano ma labed'iye.

Yeremia 49:33

Hazor lalokere kabedo p'ogwaŋe madudi, aka lalokere gunda kicutho, ongoye ŋata labedo kenyo, aka dhano k'obed'iye kendo.

Yeremia 50:40

Labedo paka munyo Were oreyo woko Sodom kodi Gomora, joger pajo, Rwoth waco. Ongoye dhano ma lakwo kenyo, m'obed'iye kendo.

Amos 1:13

Me apaka Rwoth waco: Joamon jomedere timo reco kendo, aka ro gime akibino wiro gir'acula pajo, rupiri munyo joyawo adec pajo, joreyo woko mon ma yac i lowo ma Giliad.

Amos 2:1

Me apaka Rwoth waco: Ji ma Mowab jomedere timo reco kendo, aka ro gime akibino wiro gir'acula pajo, rupiri jowaŋo to joloko buru cokin ma delkwoŋ kere ma Edom.

Zefania 2:14

Mwendi jolanindo i dier go, ogwaŋe je ma piny, tula ma thim kodi kinapupu je jolanindo kenyo, jolakihola i dirisa, agak lanindo i dhiot, kole ilanyeko woko mbawo mere ma yath sida.

Zefania 2:7

Thengi nam labedo lim, ri jono ma jodoŋ i ot pa Yuda, labedo kakwath pajo, i udi ma Asikelon, jolanind'iye othieno. Kole Rwoth Were pajo lawendo rijo, to dwoko rijo silwany.

Zefania 3:13

Joisiraili ma jodoŋ, jokilatimo komo, jokilaluwo misegey, kosa jok'oluw twodo gi lew jo kodi dhok jo. Kenyo jolapidhere to ywomere, m'ongoye ŋata lacando jo.

Zekaria 2:13

Kudere, win ji je, ruwaŋ Rwoth, kole go oay wok i kabedo pere maleŋ.

Kwan 14:21

to kad'ameno paka akwo, kendo paka piny gipi bino poŋ kodi dwoŋ pa Rwoth,

Joroma 14:11

Kole ndiko waco ni, “ ‘Paka akwo,’ Rwoth waco, ‘dhano je bino guro conge i ruwaŋan, Aka dhano je bino tuco ni abedo Were.’ ”

Kitawo mar'abic mapa Musa m'ilwoŋo ni Cik 29:22

“Luse ma rumacen, nyithindho mewin ma joluw win jolawaco, kodi japath ma wok i piny mabor swa, jolaneno thoyamo ma lowo no, kodi two ma Rwoth ocando gine.

Kitawo mar'abic mapa Musa m'ilwoŋo ni Cik 29:23

Lowo mere je owaŋ woko gi mac kodi cumbi, m'ongoye gim'inyalo pidh'iye, ongoye gima twi i iye, ongoye gima nyal dong'iye, paka i rerok pa Sodom, Gomora, Adima kodi Zeboyim ma Rwoth oreyo woko i nge pere kodi i keme pere.