Zefania 2:2 - KITAWO MALEŊ Catholic

² mafodi gim'owacere k'otundo, paka cuŋ ma thon, mafodi nge m'ogaga pa Rwoth k'obino kwoŋ win, mafodi ndelo ma keme pa Rwoth k'obino kwoŋ win.

KITAWO MALEŊ

² mafodi gim'owacere k'otundo, paka cuŋ ma thon, mafodi nge m'ogaga pa Rwoth k'obino kwoŋ win, mafodi ndelo ma keme pa Rwoth k'obino kwoŋ win.

Zefania 2:2 Iomraidhean Croise

Yobu 21:18

Didi ma jocale kanja i koyo, kosa paka cuŋ m'asur tiŋo?

Zabuli 1:4

To jokidakana jokical ameno jocale yuk ma koyo kwadho woko.

Zabuli 2:12

aka kule win piny gi bwonirok rigo. Kakameno winyalo kwinyo nge pere piyo, to witho abwap. 2 Kole nge pere gaga piyo. Josilwany a jono ma jopondo i go.

Zabuli 50:22

“Maki gime, in ma wiyin wil gi Were, kosa alareyin, aka ongoye ŋata bino bongin.

Isaya 17:13

Nonin johola paka pi kweth, to Were ladwoko jo, to joringo bor, ilariemo jo paka cuŋ ma koyo kwadho wi gote, kodi rudino mar'asur ruwaŋ koth ma cwe gi koyo madwoŋ.

Yeremia 23:20

Nge pa Rwoth k'owire aŋey cuka ocow to ketho i kare atoŋa ma paro pere. I hongo ma rumacen wilaniaŋ gino maber.”

Yeremia 4:4

Kuri win cikirok mewin kodan, Rwoth mewin, aka wimiyere ran, win ji ma Yuda gi Yerusalem. Kakameno, keme paran bino icere paka mac, to liel m'ongoye ŋat'oneki, kwoŋbedo tim mareco mewin.”

Ywakirok 4:11

Rwoth ocowo keme pere, aka okonjo nge pere malieth, to cwinyo mac i Zayon, m'oreyo woko misingi mere.

Ezekiel 12:25

To an Rwoth alaluwo, aka wac m'abino luwo je latimere, kilagalo kendo. Kole i hongo mewin, awi ot ma jogwenyirok, alaluwo wac, aka alatimo, Rwoth Were waco.”

Hoseya 13:3

Riameno jolacale tor m'odikin, kosa paka thoyo maleny woko con, paka cuŋ ma duny wok i kapiedhirok, kodi paka yiro ma wok gi dirisa.

Nahum 1:6

Ŋa manyalo cungo ruwaŋ nge pere? Ŋa manyalo ciro lietho ma nge pere? Keme pere konjere woko paka mac, aka telin mukere piny ruwaŋe.

Zefania 1:18

Feza pajo kosa zahabu pajo, kilabotho jo, i ndelo ma keme pa Rwoth, i mac ma nyeko pere, piny gipi larere woko, gi mac ma nge pere. Go laketho gike abwap ri ji je ma jobedo i piny.

Zefania 3:8

Riameno kuran win, Rwoth waco, ri ndelo m'abino ay paka jakony. Kole ayere coko nonin, ma coko kerin, konjo kwoŋ jo keme paran, lietho ma nge paran je, kole i mac ma nyeko paran, piny gibe larere.

Matayo 24:35

Polo gi piny bino rere woko, to wac paran k'orere woko.