Biblia Todo Logo
Bìoball air-loidhne

- Sanasan -




Zefania 1:5 - KITAWO MALEŊ Catholic

5 Rwoth lareyo jono je ma jolamo Lwak ma i polo wi ot, jono ma jokule piny to jokwoŋere i nyingi Rwoth, kodi jono ma jokwoŋere i nyingi were pajo Molek.

Faic an caibideil Dèan lethbhreac

KITAWO MALEŊ

5 Rwoth lareyo jono je ma jolamo Lwak ma i polo wi ot, jono ma jokule piny to jokwoŋere i nyingi Rwoth, kodi jono ma jokwoŋere i nyingi were pajo Molek.

Faic an caibideil Dèan lethbhreac




Zefania 1:5
30 Iomraidhean Croise  

Akidho timo gime rupiri Solomon okweran aka olamo werin pa jopath, Asitate, were madhako ma Sidon, Kemos, were ma Mowab, kodi Molek were ma Amon. Solomon k'owinjan, otimo komo, aka k'okuro cik paran kodi Or paran paka bamere Daudi otimo.


Olamo were madhako Asitate ma Sidon, kodi were Molek kidakana ma Amon.


Elia ocore cegin gi ji je aka openjo jo ni, “Wilamedere bedo gi paro ario kiri keraŋo? K'inen Rwoth obedo Were, lam win go, to ka Bal obedo Were lam win go?” To jok'odwoko wac.


Jome oyido jolamo Rwoth, aka joyero ji m'opokere bedo jocway ri Were i wi migam i kalamo pajo manyakafir kodi miyo cowirok rijo kenyo.


Ameno jolamo Rwoth, to bende jolamo werin pajo cungo kwoŋ kwer pajo ma piny ma jowok'iye.


Ameno jono jolamo Rwoth, to bende jolamo cal pajo, aka kiri konon nyikway jo jomedere timo gimoro acel.


Kere Yosia oturo piny migame m'oyido kerin ma Yuda jogeto i wi cel pa kere malo ma kisika ma kere Ahaz oyido ogeto, kanyacel gi migame ma kere Manase ogeto i diedipo ario ma Ot pa Rwoth; oŋinyo migame mathindho thindho to bolo i milelo Kidiron.


Me mikwenda ma teko ma mako kwoŋ milelo ma menyirok. Winyutho aŋo ni wikadho malo, wijoje, i wi udi mewin?


Me lawaco ni, “Abedo apa Rwoth.” Man lalwoŋere gi nyingi Yakobo, aka man landiko i cinge ni, “Apa Rwoth.” Go lalwoŋere gi nyingi Isiraili.


An won atieko kwoŋirok, aka atuco gi dhokan gim'otire, wac ma kilawire ni, “Kisi nyatoro laguro ran conge, to tuco gi lewe ni An abedo Rwoth.”


Winji win gime, awi ot pa Yakobo, win m'ilwoŋo win gi nyingi Isiraili, kodi Yuda, ma wikwoŋere i nyingi Rwoth, aka wituco Were pa Isiraili, to, wikitim iy'adieri kosa m'otire.


Aka nyaka, ka jofonjere tim pa ji paran, kwoŋirok gi nyingan ni, “Paka Rwoth kwo.” Paka jofonjo ji paran kwoŋirok gi Bal, nyaka jobino getere i dier ji paran.


Udi ma Yerusalem kodi udi pa kerin ma Yuda ibino koco paka kabedo ma Tofeth, kodi i dier udi je ma wi kisul pajo otiek waŋ'iye buban ri micalin kodi kam'otiek konj'iye woko vini paka mic ri werin man.”


Jobabilon ma jolwenyo gi tindi madwoŋ me jolabino, aka jolacwinyo iye mac, to jowaŋo, kanyacel gi udi ma imiy'iye mic ri Bal aka ikonj'iye cowirok ri werin man, ma kwinyo nge paran.


to wikwoŋere ni, “Paka Rwoth kwo!” Iy'adieri, i tiro, kodi i genirok, nyaka nonin jobino limo silwany i go, aka jobino noro i go.


Me apaka Rwoth waco ri Joamon: Joisiraili jongoye gi wot jo? Isiraili ongoye gi musika? Raŋo oyey ji ma jolamo were Molek mako adec pa Gad, aka jobedo i tindin mere.


Kada jowaco ni, “Paka Rwoth kwo.” Kucel jokwoŋere ma twodo.


Anyalo cwako win nedi? Nyithindho mewin jotieko jwangan, aka jotieko kwoŋere gi nyingi jono ma jok'obedo werin. Munyo apidho jo to joyeŋ, jotimo cot, jokadho i udi pa malayin.


nyaka to wibino to wicungo ruwaŋan i ot me, m'ilwoŋo gi nyingan, to wiwaco ni, “Wangoye gi teko!” Kareno wimedere gi timo amien me je?


Winokwal, winoneki, winotim cot, winokwoŋere nono, winomiy mic ri Bal, to wilamo werin man ma fodi wikuya,


Ibino yaro jo i waŋceŋ kodi dwe kodi lwak je ma polo, ma jotieko maro to jotiyo rijo, ma jotieko luwo, ma jotieko penjo jo gir'atima to jolamo. K'ocoki jo kosa k'oyiki jo; jolacale woyo dhiaŋ i wi lowo.


Adundo pajo k'obedo mar'adieri; pama onyo go latero jo paka jobanja. Rwoth laturo piny migame pajo, to reyo woko sirin pajo maleŋ.


Kada witimo gikidakana, win Joisiraili, wikiri wimiy Yuda wolokere jabanja. Wikiri widonji i Gilgal, kosa wiidhi i Bethaven, aka wikiri wikwoŋere ka wiwaco ni, “Paka Rwoth kwo”.


T'onyo pama, rupiri wilamo cal pa Sakuth kere mewin, kodi Kayiwan, were mewin ma micala, ma witimo no.


Ongoye ŋata nyalo tiyo ri rwodhe ario; go bino maro acel to dak man, kosa nyalo tiyo ri acel to cayo man. Ikinyal tiyo ri Were kodi ri lim bende.


Yawere mere kapa sawa aucel m'odieceŋ, munyo jonitie i woth pajo aka onwaŋo joriko Yopa, Petero oidho wi ot kwayo.


Kole ndiko waco ni, “ ‘Paka akwo,’ Rwoth waco, ‘dhano je bino guro conge i ruwaŋan, Aka dhano je bino tuco ni abedo Were.’ ”


Wiripo lworo Rwoth Were mewin, go kende ama wiripo lamo, wiripo ketho go marapena, to wikwoŋere i nyinge.


Kosa ka witiŋo waŋ win malo i polo to wineno waŋceŋ, dwe, kodi micalin, kodi lwak ma i polo, wikiri wirweny to wikule piny rijo kodi tiyo rijo, gigipiny ma Rwoth Were mewin omiyo nonin je manitie i pendi polo.


ŋey wikiri wiruwere gi nonin me ma jodoŋ ka i dier win, kosa wituci nyingi werin pajo, kosa wikwoŋere gi jo, kosa witiy rijo, kosa wikule piny rijo,


Lean sinn:

Sanasan


Sanasan