Yohana 3:3 - KITAWO MALEŊ Catholic

³ Yesu odwoko ni, “Adieri awaco rin, ongoye ŋata nyalo neno Ker pa Were kwanyo woko k'onywole madirio.”

KITAWO MALEŊ

³ Yesu odwoko ni, “Adieri awaco rin, ongoye ŋata nyalo neno Ker pa Were kwanyo woko k'onywole madirio.”

Yohana 3:3 Iomraidhean Croise

Yeremia 5:21

Mondo winji win gime, awi jomamiŋ ma jokiniaŋ, winitie gi waŋ win, to wikinen, winitie gi ithi win, to wikiwinji wac.

Ezekiel 36:26

Alamiyo win adundo manyen, t'aketho cuny manyen i win. Alakwanyo woko wok i delkwoŋ win adundo ma tele t'amiyo win adundo ma riŋo.

Matayo 16:17

Yesu odwoko ni, “Simon wod pa Yona, ijasilwany swa! Adieri me k'obino rin wok bongi dhano moro, to Baba mani polo am'onyuthin.

Matayo 19:24

Odoko awaco riwin, yot ri ŋamia donjo i yore piso loyo ri jaŋaŋo donjo i Ker pa Were.”

Matayo 21:31

Mene kwoŋ jario no m'otimo gima bamere oyenyo? To jodwoko ni, “Wode madwoŋ.” Yesu owaco rijo ni, “Adieri awaco riwin, jocoki misolo kodi mon ma jotana delkwoŋ jo i timo giwickwot ama jolakidho i Ker pa Were to widoŋ.

Matayo 5:18

Adieri awaco riwin, ka polo gi piny fodi nitie, ongoye kada gimathin kosa adec m'ondhilo kwoŋ Cik m'ibino kwanyo woko, to bino bedo ama tundo kama gimoro je otieko timer'iye.

Mariko 10:14

Munyo Yesu oneno ameno, nge omako go gi jofonjirok pere, to waco rijo ni, “Weyi nyithindho jowobin bongan; wikiri wicer jo, kole Ker pa Were obedo apa joma pameno.

Mariko 9:47

Aka ka waŋin acel rwakin i gimarac, goli woko; kole ber rin donjo i Ker pa Were gi waŋin acel, loyo bedo gi waŋin ario je t'ibolin i mac makitho,

Yohana 1:13

Nywolirok pa jono k'obedo ma remo pa dhano, kosa ro mito pa ji, kosa mito pa dhano, to ro mito pa Were won.

Yohana 1:5

Lero no liel i mudho aka mudho kinyal neko.

Yohana 1:51

Aka Yesu owaco rigo ni, “Adieri awaco rin, ibino neno munyo polo oyawere kareno jomalaika pa Were joidho malo aka joloro piny wi Wod Dhano.”

Yohana 12:40

“Were oculo waŋ jo to umo paro pajo, nike waŋ jo wokiri wonen, paro pajo wokiri woniaŋi gimoro, ŋey jokiri jowonyal gik bongan, ni aboth jo.”

Yohana 3:4

Nikodemo openjo ni, “Nyalere nedi ŋat'otieko dwoŋ nywolirok kendo? Kole go kinyal donjo i iy min kendo ŋey wonywol go madirio!”

2 Jokorintho 4:4

Were ma piny me oumo paro pa joma k'oyeyo gi mudho, ŋey womoni jo neno lero ma Wac Manyen Maber ma nyutho dwoŋ pa Kristo m'obedo cal pa Were.

2 Jokorintho 5:17

Am'omiyo ka moro nitie i Kristo, go obedo cwec manyen: Gima con okadho woko, manyen ama obino.

Jogalasia 6:15

Ki wac moro kosa dhano othumere kosa be. Kole gimadwoŋ a lokirok cwec manyen ayin.

Joefeso 2:1

I ndir m'okadho oyido witho i cuny win ro turo cik kodi timo reco.

Kitawo mar'abic mapa Musa m'ilwoŋo ni Cik 29:4

To Rwoth fodi k'omiyo win paro ma niaŋ, kosa waŋ win ma neno, kosa ithi win ma winjo, kiri konon.

Tito 3:5

go obotho wan; ki ro tic mabeyo moro m'onwaŋo wawegi watieko timo, to ro wor pere won. Go obotho wan gi lwoki ma Cuny Maleŋ omiyo wan gine nywolirok manyen kodi kwo manyen.

Yakobo 3:17

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

1 Petero 1:3

Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,

1 Yohana 2:29

Wiŋeyo ni Kristo obedo tiro; riameno wiŋeyo ni moro je ma timo gim'otire meno go nyathi pa Were.

1 Yohana 3:9

Nyathi pa Were moro je kimedere gi timo reco, rupiri kodhi pa Were ama nitie i go; aka rupiri Were obedo Bamere, go kidok ripi medo timo gimarac.

1 Yohana 5:1

Nyatoro je ma yeyo ni Yesu obedo Kristo meno go obedo nyathi pa Were; aka ŋat'omaro ba nyathi meno ripo maro kiri nyathi bende.

1 Yohana 5:18

Waŋeyo nike nyathi pa Were kimedere timo gimarac, rupiri Wod Were kuro go maber, aka Jaraco kinyal timo go marac.

1 Yohana 5:4

rupiri nyathi pa Were je nyalo woko meni pa piny. Me apaka wanyalo loyo meni pa piny: Waloyo gi yeyo mawan.

Menyirok ri Yohana 3:14

Ri malaika ma kitipa pa jom'oyeyo ma Lawodisia ndiki ama: Me mikwenda m'owok bongi ŋata lwoŋere ni Ameno, jakony ma genere odoko mar'adieri, m'obedo kacakirok ma cwec pa Were.