Tito 1:1 - KITAWO MALEŊ Catholic

¹ Balwa m'owok bongi Paulo, jatic pa Were kendo jamoor pa Yesu Kristo. Oyeran aka ooran konyo yeyo pa ji pa Were m'oyer, gi telo jo jowoŋey adieri ma kelo lworo Were,

KITAWO MALEŊ

¹ Balwa m'owok bongi Paulo, jatic pa Were kendo jamoor pa Yesu Kristo. Oyeran aka ooran konyo yeyo pa ji pa Were m'oyer, gi telo jo jowoŋey adieri ma kelo lworo Were,

Tito 1:1 Iomraidhean Croise

1 Kigana kwoŋ Kerin 6:49

To Aron kodi wote oyido jomiyo mic awaŋa kodi ma buban i wi migam. Oyido jotimo tic je i Kabedo Maleŋ Loyo kodi miyo cowirok ma cwako reco pa Joisiraili. Oyido jotimo gime je cungo kwoŋ cik ma Musa ŋeca pa Were omiyo.

Luka 18:7

Onyo Were ama k'oneni gir'atima ri ji pere m'oyer, ma jogoyo rigo koko wor g'odieceŋ? Wiparo ni go bino galo tektek gi konyo jo?

Tim pa Jomoor 13:48

Munyo Jopath jowinjo gime josangala aka jopako fonji pa Rwoth. Aka jom'oyido oyer ri kwo makirum jolokere jom'oyeyo.

Joroma 1:1

Balwa m'owok bongi Paulo, jatic pa Yesu Kristo kendo jamoor ma Were oyero to lwoŋo fonjo Wac Manyen Maber pere,

2 Jokorintho 1:1

Balwa m'owok bongi Paulo, jamoor pa Kristo Yesu i mito pa Were, kodi omin wan Timothe. Ri kitipa pa jom'oyeyo Kristo ma Korintho, kodi ji pa Were je ma Akaya.

Joefeso 2:8

Kole ro nema am'omiyo wiboth cungo kwoŋ yeyo; aka me k'obedo tim mewin wiwegi, t'obedo mic pa Were.

Jofilipi 1:1

Balwa m'owok bongi Paulo kodi Timothe, jotic pa Kristo Yesu. Ri ji maleŋ pa Were je ma jobedo Filipi ma joyeyo Kristo Yesu, kanyacel kodi jotel ma kitipa pa jom'oyeyo kodi jokony.

Jokolosia 2:2

Atimo ameno ŋey miseni wopoŋ i cuny jo aka ŋey jowobedi kanyacel i mar to jolimo silwany ma niaŋ wac kicutho. Meno aka jobino ŋeyo nyaliŋliŋ pa Were, m'obedo Kristo won gipi.

1 Timothe 2:4

ma mito ni ji je jowobothi to jolimo ŋeyo adieri.

1 Timothe 3:16

M'ongoye kiganagana, nyaliŋliŋ ma yeyo mawan dwoŋ: Go onenere i cal pa dhano, Cuny Maleŋ onyutho paka go otire, aka jomalaika joneno go. Ofonji kwoŋ go i piny je, oyey go i piny gipi, aka oter go i polo.

1 Timothe 6:3

Ŋata fonjo fonji m'opokere aka kiyere gi wac m'otire mapa Rwodhiwan Yesu Kristo kodi fonji kwoŋ lworo Were,

2 Timothe 2:10

Am'omiyo aciro gimoro je ri bero pa ji pa Were m'oyer, ŋey jo bende jowonyal limo both manitie i Kristo Yesu, kanyacel gi dwoŋ ma cil gi cil.

2 Timothe 2:23

To eye kwoŋ piem ma miŋo kodi paro masisiri; at'iŋeyo nike gigipiny no kelo dhaw.

2 Timothe 2:25

aka tiro joma piemo gine gi mwolo. Kole nyalo bedo ni Were bino miyo jo hongo ma ŋuto to joŋeyo adieri.

Yakobo 1:1

Balwa m'owok bongi Yakobo, jatic pa Were kodi apa Rwoth Yesu Kristo. Ri nonin apar g'ario, ma jotiakere i piny gipi: Amotho win!

2 Petero 1:3

Meni pa Were omiyo wan gimoro je ma wayenyo ma bedo i kwo ma lworo Were, rupiri waŋeyo ŋat'olwoŋo wan gi dwoŋ kodi bero pere won.

2 Petero 3:11

Paka gigipiny me je ibino nyeko woko, onyo wiripo bedo ji ma cal nedi? Kwo mewin ripo bedo maleŋ ma wilworo Were,

1 Yohana 2:23

Kole ŋata kwero Wod Were meno kwero Bamere bende; odoko ŋata jolo Wod Were meno jolo Bamere bende.

Menyirok ri Yohana 1:1

Me a wac m'omenyere ma Were omiyo Yesu Kristo, ŋey wonyuthi jotic pa Were gima ripo timere mayot. Kristo omiyo gigipiny me oŋeyere ri jatic pere Yohana munyo ooro malaika pere bonge.