Nehemia 9:2 - KITAWO MALEŊ Catholic

² Joisiraili jopokere kwoŋ jopath, aka jocungo to jotuco reco pajo gi reco pa kwarere pajo.

KITAWO MALEŊ

² Joisiraili jopokere kwoŋ jopath, aka jocungo to jotuco reco pajo gi reco pa kwarere pajo.

Nehemia 9:2 Iomraidhean Croise

1 Kerin 8:47

kucel ka joŋuti reco pajo i lowo m'oter'iye jo paka jojiera, to jopusere, to joywak rin i lowo no, ka jowaco ni, ‘Watimo reco, watimo gi komo; aka watimo gikidakana,’

Ezira 10:11

Onyo, tuci win reco mewin ri Rwoth, Were pa kwarere mewin, aka witim gima sangala go. Pokere win kwoŋ jopath ma jobedo i lowo mawan aka riemi win woko mon mewin ma jobedo jopath.”

Ezira 6:21

Cemo ma kalima me ocamere gi Joisiraili je m'oyido jodwoko wok i twec gi jono je m'oyido jokwedere kwoŋ tim manyakafir pa nonin m'oyido jobedo i lowo no aka oyido jobino lamo Rwoth Were pa Isiraili.

Ezira 9:1

Rumacen ma timo gigipiny me, jodhum jobino bongan aka jowaco ran ni, “Joisiraili, jocway ri Were i wi migam, gi Jolevi, jok'okure kwoŋ nonin ma jobedo i lowo me. Jomako kula ma mienirok pa Jokanan, Johiti, Joperiz, Joyebus, Joamon, Jomowab, Jomisir gi Joamor.

Ezira 9:15

Awi Rwoth, Were pa Isiraili, itimo tiro, iweyo wan both, paka wanitie konon. E watuco reco mawan ruwaŋin, wangoye gi dwoŋ bino ruwaŋin ro gime.”

Ezira 9:2

Kole cwo Joyuda jonywomo mon jopath, aka onyo kodhi maleŋ oruwere gi ji ma lowo me, aka jotel gi jodhum ama jotelo i tim me.”

Nehemia 1:6

ciki ithin, aka ŋiyan iwinji kwayo pa ŋeca perin m'akwayo wor g'odieceŋ ri Joisiraili me. Watuco reco mawan, wan Joisiraili. An gi peco pa baba watimo reco.

Nehemia 10:28

Wan, Joisiraili, jocway ri Were i wi migam, Jolevi, jokur ma Ot pa Were, jower, jotic ma Ot pa Were, gi jono je ma jopokere kwoŋ jopath ma jobedo i lowo mawan, luwo Cik pa Were, wan, kanyacel gi mon mawan, kodi nyithindho mawan ma joniaŋ gima watimo,

Nehemia 10:29

wariwere ka gi jotel mawan i kwoŋirok ni walatimo gima Cik pa Were m'omiyo ŋeca pere Musa waco, walawinjo cik pa Rwoth, aka walakuro cik pere je gi fonji mere je. Ka wakitimo ameno walwoŋo lam kwoŋ wan.

Nehemia 13:3

Munyo Joisiraili jowinjo osoma cik me, jopokere woko kwoŋ jopath je.

Nehemia 13:30

Ameno alonyo woko ji kwoŋ gigipiny pa jopath je. Aketho cik ri jocway ri Were i wi migam kodi Jolevi ŋey kisi dhano wonyali ŋeyo tic pere.

Zabuli 144:11

Bothan kwoŋ abor mager, bothan wok i cingi jopath, ji ma dhok gin luwo twodo, ji ma jotiŋo cingi gin maracuc twodo.

Zabuli 144:7

Riey cingin wok i ŋawirok, bothan, iwodhan wok i pi maluth, bothan wok i cingi jopath.

Agecin 28:13

Ongoye ŋata muŋo reco ma latimo maber, to ŋata pusere aka weyo reco nwaŋo wor.

Isaya 2:6

Kole iweyo yo pa ji perin, ot pa Yakobo. Adieri jopoŋ gi jothieth wok yuwok ceŋ, gi jojwok paka i Filistia, aka joriwo cingi jo gi nyithindho pa jopath.

Yeremia 14:20

Wayeyo kidakana mawan, awi Rwoth, reco pa kwarere mawan, kole watieko timo reco kwoŋin.

Yeremia 3:13

Yey banja perin kende, ni igwenyere kwoŋ Rwoth Were perin, t'ikedho silwany perin i dier jokicar i tiendi yath moro je manyaboke pendi, t'ikwero winjo dwondan. Rwoth waco.

Hoseya 5:7

Jotieko tic gi Rwoth m'ongoye yeyo; kole jotieko nywolo, nyithindho makicar. Pama onyo dwe manyen lacuto jo kanyacel gi ndelin pajo.