Nehemia 8:9 - KITAWO MALEŊ Catholic

⁹ Nehemia m'oyido obedo gavana, Ezira jacway ri Were i wi migam aka jafonji ma Cik gi Jolevi m'oyido jowiro ri ji cik jowaco ri ji ni, wikiri wiywak rupiri ndelo me obedo ndelo maleŋ ri Rwoth Were mewin. Ato ji oyido joywak munyo jowinjo gima Cik waco.

KITAWO MALEŊ

⁹ Nehemia m'oyido obedo gavana, Ezira jacway ri Were i wi migam aka jafonji ma Cik gi Jolevi m'oyido jowiro ri ji cik jowaco ri ji ni, wikiri wiywak rupiri ndelo me obedo ndelo maleŋ ri Rwoth Were mewin. Ato ji oyido joywak munyo jowinjo gima Cik waco.

Nehemia 8:9 Iomraidhean Croise

2 Kerin 22:11

Aka munyo kere owinjo wac ma kitawo ma Cik, oyeco woko nangin pere.

2 Kerin 22:19

aka ipusere t'imwole ruwaŋan, iyeco nangin perin t'iywaki munyo iwinjo nger m'atisa miyo Yerusalem kodi ji mere gir'acula. Abino miyo wobedi kabedo ma bwoko jo, kabedo ma ji jobino oro nyinge ma kwoŋo. To atieko winjo kwayo perin,

2 Kigana kwoŋ Kerin 15:3

Ma hongo malac, Isiraili oyido ongoye gi Were mar'adieri, jacway ri Were i wi migam m'ofonji jo, kodi cik;

2 Kigana kwoŋ Kerin 30:22

To Hezekia luwo gi miseni ri Jolevi je ma jonyutho ndijo maber i tic pa Rwoth. Ameno to ji jocamo cemo ma kalima ma ndelo abirio, ka jomiyo cowirok ma siem gi foyo Rwoth Were pa kwarere pajo.

2 Kigana kwoŋ Kerin 34:19

Munyo kere owinjo wac ma cik, to yeco nangin pere.

2 Kigana kwoŋ Kerin 34:21

“Kidhi wipenji ran Rwoth kodi ri jono ma jodoŋ i Isiraili gi Yuda, gima mako wac ma kitawo m'onwaŋ; kole keme pa Rwoth dwoŋ m'okonjere kwoŋ wan, rupiri kwarere mawan jok'okuro wac pa Rwoth, ma timo gimoro je m'ondiki i kitawo me.”

2 Kigana kwoŋ Kerin 35:3

Yosia bende owaco ri Jolevi m'oyido jofonjo Joisiraili je aka m'oyido joleŋ ri Rwoth ni, “Kethi win Kakan ma Cikirok maleŋ i ot ma Solomon wod pa Daudi ogeto, wikiripi kendo tiŋo i badi win. Onyo pama tiyi win ri Rwoth Were mewin kodi ji pere Isiraili.

Ezira 2:63

Jadhum pa Joyuda owaco rijo ni jokiripi camo cemo pa jocway ri Were i wi migam cuka obedi jacway ri Were i wi migam m'openji Rwoth kwoŋ wac no gi Urim kodi Thumim.

Ezira 7:11

Me cal ma balwa ma Kere Aritakises omiyo Ezira, jacway ri Were i wi migam, jandiko m'oyido nitie gi niaŋ i thutho kwoŋ Cik gi Or ma Rwoth oyido omiyo Isiraili:

Nehemia 10:1

Nehemia wod Hakalia am'open ketho cinge paka gavana, kanyacel gi Zedekia gi jocway ri Were i wi migam me:

Nehemia 12:26

Cwo me je jobedo i hongo pa Joyakim, wod Yesuwa aka nyakwar Yehozadak, kodi Nehemia gavana, kodi i hongo pa Ezira, jacway ri Were i wi migam m'oyido obedo jafonji Cik.

Nehemia 7:65

Gavana ma Yuda owaco rijo ni jokiripi camo cemo pa jocway ri Were i wi migam cuka obedi jacway ri Were i wi migam m'openji Rwoth kwoŋ wac no gi Urim kodi Thumim.

Nehemia 7:70

Onyo megi kwoŋ jotel ma nonin jomiyo mic ma geto kendo Ot pa Were. Gavana won omiyo kilo aboro ma zahabu, galaya piero abic, gi law pa jocway ri Were i wi migam 530.

Nehemia 8:2

Ameno Ezira okelo kama ji oyido jocoker'iye, cwo, mon gi nyithindho m'oyido jonitie gi niaŋ.

Jafonji 3:4

Hongo ma oyo pigi waŋ jo, gi hongo ma nyero, hongo ma ywak, gi hongo ma miel.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Hoseya 4:6

Ireyo woko ji paran ro ngoye gi ŋeyo, kwoŋbedo wikwero ŋeyo, akwero win bedo ran jacway ri Were i wi migam. Aka paka wiyin owil gi cik pa Were perin, wiyan bende lawil gi nyithindho perin.

Jolevi 23:24

Luw gi Joisiraili, k'iwaco ama: I dwe mar'abirio, i ndelo marapena ma dwe, wobedi ndelo ma sabato, ma wopoy cokirok maleŋ gi kudho gwarin.

Malaki 2:13

Aka me doko giman ma witimo. Wiumo migam pa Rwoth gi pigi waŋ win, gi ywak kodi ndur rupiri go doko kiyey mic mewin kosa kijol gi kisangala wok i cingi win.

Joroma 3:20

Kole ongoye dhano m'ibino kwano rigo tiro ruwaŋ Were ro nyaka timo gima Cik yenyo, rupiri Cik miyo dhano nyaka ŋeyo nike gimanyo obedo reco won kende.

Joroma 7:9

An con oyido akwo munyo Cik fodi ongoye; to munyo or pa Were obino, to reco cako nenirok kamaler,

Kitawo mar'abic mapa Musa m'ilwoŋo ni Cik 12:12

Aka wiripo forok ruwaŋ Rwoth, win, nyithindho mewin, ŋecin mewin, kodi Jolevi ma jobedo i tindin mewin paka jo jongoye g'adec kosa gir'alunja kodi win.

Kitawo mar'abic mapa Musa m'ilwoŋo ni Cik 12:7

Aka wiripo camo koro ruwaŋ Rwoth Were mewin, win kanyacel gi pecin mewin, ka wifore i tic mewin je ma Rwoth Were mewin omiyo win silwany.

Kitawo mar'abic mapa Musa m'ilwoŋo ni Cik 16:11

Wiripo kisangala ruwaŋ Rwoth Were mewin, win, nyithindho mewin, ŋecin mewin, Jolevi ma jobedo i tindin mewin, jopath, nyithindho kic kodi citho ma jobedo i dier win, i kabedo ma Rwoth Were mewin oyer paka kabedo ri nyinge.

Kitawo mar'abic mapa Musa m'ilwoŋo ni Cik 26:14

Akicamo munyo aywak, akikwanyo munyo akoc, aka akimiyo jom'otho. Atieko winjo dwondi Rwoth Were paran, timo paka imiyan or.

Yakobo 4:9

Bedi win gi rem, gi geregere aka wiywak: Nyero mewin wolokere ywak, aka kisangala mewin wolokere rembo ayino!