Nehemia 7:1 - KITAWO MALEŊ Catholic

¹ Onyo geto kor ot kendo orumo, okethi waŋkace, aka jokur ma waŋkace, jower, gi Jolevi je omiy jo tic.

KITAWO MALEŊ

¹ Onyo geto kor ot kendo orumo, okethi waŋkace, aka jokur ma waŋkace, jower, gi Jolevi je omiy jo tic.

Nehemia 7:1 Iomraidhean Croise

2 Kerin 7:10

Ameno jobino to jolwoŋo jokur ma waŋkac aka jowaco rijo ni, “Wakidho i kambi pa Josiria, aka neni, ongoye ŋata waneno kosa wawinjo luwo. Kwanyowoko punde kodi kayinin m'otwey aka wemin oyido jonitie nono.”

2 Kigana kwoŋ Kerin 31:2

Kere Hezekia ocako kendo oriwa pa jocway ri were i wi migam kodi Jolevi ma i iye, kisi dhano oyido nitie gi gir'atima. Tic ago oyido obedo miyo cowirok awaŋa kodi cowirok ma siem, bedo i lamo i Ot pa Rwoth, gi miyo pak gi foyo iy'adec m'opokere opokere ma Ot pa Rwoth.

Ezira 3:8

Ameno i dwe mar'ario ma oro mar'ario munyo jotieko dwoko i Yerusalem, jocako tic. Me obedo Zerubabel wod Siltiel Yesuwa wod Yehozadak, kanyacel gi ji pajo, jocway ri Were i wi migam gi Jolevi kodi jono je m'oyido jodwoko i Yerusalem wok i twec. Okethi Jolevi je m'oyido jo oro piero ario kadho malo telo geto kendo Ot pa Rwoth.

Nehemia 10:39

Joisiraili kodi Jolevi joripo tero mic ma ŋano, vini, kodi mo i kisikin ma kan kama ikan'iye gigipiny ma Ot pa Were aka ma jocway ri Were i wi migam, jokur, kodi jower ma jonitie i weso ma tic jobed'iye. Wa kilajwango Ot pa Were mawan.

Nehemia 11:3

Joisiraili megi, jocway ri Were i wi migam, Jolevi, jotic ma Ot pa Were, kodi nyikway ŋecin pa Solomon jodoŋ bedo i lim pajo i tindin ma Yuda. Me nyingi ji mar'adec ma Yuda ma jodoŋ bedo i Yerusalem.

Nehemia 12:24

Jotel pa Jolevi, Hasabia, Serebia, Yesuwa, Binuy, kodi Kadmiel kodi wadi jo, jopoko Jolevi i kitipin ario, miyo Were pak, paka Kere Daudi, jacwo pa Were oyido owodho or.

Nehemia 6:1

Onyo okow ri Sanbalat, Tobia gi Gesem gi jokwor mawan je ni oyido watieko geto kor ot aka waculo kisi kamoro, makada nende oyido fodi wakiketho thigin i waŋkace.

Nehemia 6:15

Ameno geto kendo kor ot orumo ka piero ario g'abic i dwe ma Elul aka geto otieko ndelo piero abic g'ario.

Nehemia 6:19

Ji oyido jowaco ran tim pa Tobia maber, aka oyido jokowo rigo wac paran je. Ameno Tobia obedo ka dhiro ran balwin, ma temo bwokan.