Jolevi 9:3 - KITAWO MALEŊ Catholic

³ Aka ri Joisiraili, luw gi jo iwaci ni, ‘Kwany win wod diel ma mic ma cwako reco, rwath kodi nyathi rombo, ma jo oro acel ma jongoye gi ŋolo, ma mic awaŋa.

KITAWO MALEŊ

³ Aka ri Joisiraili, luw gi jo iwaci ni, ‘Kwany win wod diel ma mic ma cwako reco, rwath kodi nyathi rombo, ma jo oro acel ma jongoye gi ŋolo, ma mic awaŋa.

Jolevi 9:3 Iomraidhean Croise

Cakirok 37:31

Kenyo jokwanyo kanzu pa Yozefu, aka jothumo diel, to jorwako kanzu i remo.

Ezira 10:19

Jociko riemo woko mon pajo, aka jomiyo wod rombo paka cowirok ma cwako reco pajo.

Ezira 6:17

I kalima no jomiyo thwondhe 100 rombo 200 wot rombo 400 paka cowirok, gi diegi apar g'ario paka mic ma cwako reco, acel ri kisi nono pa Isiraili.

Kitawo mar'ario mapa Musa m'ilwoŋo ni Wok 12:5

Winyalo yero nyathi rombo kosa diel, to joripo bedo ma jokitwo, ma k'oŋol kosa waŋe k'otho.

Isaya 53:10

Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

Jolevi 10:16

Musa odwaro diel ma mic ma cwako reco gi kinen, aka neni, oyido owaŋ. Musa omako nge gi Eliazar kodi Ithamar, wot Aron m'oyido fodi jokwo, aka owaco ni:

Jolevi 12:6

“Ka ndelo pere ma lonyirok orumo, obedi nike go onywolo jayac kosa nyako, go lakelo nyathi rombo ma jaoro acel ri mic awaŋa, kodi njiwa kosa akuru bongi jacway ri Were i wi migam ri mic ma cwako reco i dhiot ma Wema ma romo.

Jolevi 14:10

“Aka i ndelo mar'aboro go bino kwanyo wot rombo ario ma bu ŋolo, gi rombo acel madhako ma jaoro acel ma bu ŋolo, mic ma moko kilo adek m'oruw gi mo kodi lita acel ma mo oliv.

Jolevi 16:15

Go lathumo diel pa ji ma mic ma cwako reco, to kelo remo mere i Kabedo Maleŋ Loyo, aka latimo gi remo mere paka otimo gi remo thwon, kiro i wiy giumo kodi ruwaŋe.

Jolevi 16:5

Go ripo kwanyo kwoŋ cokirok pa Joisiraili wot diegi ario paka mic ma cwako reco, gi wod rombo acel ma mic awaŋa.

Jolevi 23:12

I ndelo ma witiŋ'iye withi olemo, wimiy wod rombo ma jaoro acel, m'ongoye gi ŋolo, paka mic awaŋa ri Rwoth.

Jolevi 4:23

tekin go niaŋ kwoŋe, go lakelo paka mic pere wod diel m'ongoye gi ŋolo.

Jolevi 4:3

Ka jacway ri Were i wi migam m'owir gi mo am'otimo reco, to kelo banja kwoŋ ji, go lamiyo rwath m'ongoye gi ŋolo paka mic ma cwako reco ri Rwoth.

Jolevi 9:2

To waco ri Aron ni, “Kwany rwath ma mic ma cwako reco kodi wod rombo ma mic awaŋa, ma jongoye gi ŋolo, aka imiy ruwaŋ Rwoth.

Jolevi 9:4

Megikwe kodi wod rombo ma mic ma siem, ma cowirok ruwaŋ Rwoth; kodi moko m'onywow gi mo oliv, kole konon Rwoth laneno riwin.’”

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.