Jolevi 2:2 - KITAWO MALEŊ Catholic

² Go lakelo bongi jocway ri Were i wi migam, wot Aron. Jacway ri Were i wi migam lajowo moko masi cinge acel, gi mo oliv kodi buban mere je, to waŋo paka mic i mac i wi migam, mic m'owaŋ gi mac maŋwe kur mamit ri Rwoth.

KITAWO MALEŊ

² Go lakelo bongi jocway ri Were i wi migam, wot Aron. Jacway ri Were i wi migam lajowo moko masi cinge acel, gi mo oliv kodi buban mere je, to waŋo paka mic i mac i wi migam, mic m'owaŋ gi mac maŋwe kur mamit ri Rwoth.

Jolevi 2:2 Iomraidhean Croise

Nehemia 13:14

Poyan, Awi Were paran, ro gigipiny je m'atieko timo ri Ot perin kodi lam'iye.

Nehemia 13:22

Amiyo Jolevi cik lokirok maleŋ aka jokadhi jowokuri waŋkace neno ni okur Sabato maleŋ. Poyan, Awi Were paran, ri gime bende, aka ikuran ro dwoŋ ma mar perin makiwire.

Kitawo mar'ario mapa Musa m'ilwoŋo ni Wok 30:16

Coki pesa me wok bongi Joisiraili aka ior ma kuro Wema Maleŋ. Pesa labedo cul ri kwo, aka abino poyo kikwonga jo.”

Isaya 66:3

Ŋata thumo mirikwa cale gi ŋata neko dhano, ŋata ma miyo cowirok ma rombo, cale gi ŋata turo ŋuti gwok, ŋata miyo mic ma cemo manyinge, cale gi ŋata miyo cowirok ma remo mbiji; ŋata timo mic ma rapoy ma buban, cale ŋata miyo cal makicar silwany. Jome joyero yo pajo wegi, aka cuny gin siemere i mienirok pajo.

Jolevi 1:13

To gigipiny ma iye kodi olenge mere go lalwoko gi pi. Jacway ri Were i wi migam lawaŋo gipi i wi migam paka cowirok awaŋa, mic m'owaŋ gi mac, maŋwe kur mamit ri Rwoth.

Jolevi 1:17

Go labaro diere gi bwombe, to kiripi coto diere wopokere, aka jacway ri Were i wi migam lawaŋo i wi migam i wi yen i mac, paka cowirok awaŋa, mic m'owaŋ gi mac, maŋwe kur mamit ri Rwoth.

Jolevi 1:9

To gigipiny ma iye kodi olengin mere iripo lwoko gi pi. Kenyo jacway ri Were i wi migam lawaŋo gipi i wi migam, paka cowirok awaŋa, mic m'owaŋ gi mac, maŋwe kur mamit ri Rwoth.

Jolevi 2:16

Aka jacway ri Were i wi migam lawaŋo adec ma ŋano m'oodi m'onuŋere kodi mo gi buban mere je; obedo mic m'owaŋ gi mac ri Rwoth.

Jolevi 2:9

Jacway ri Were i wi migam lakwanyo adec to waŋo i wi migam, paka mic m'owaŋ gi mac maŋwe kur mamit ri Rwoth.

Jolevi 24:7

Ikethi buban macil i kisi bol acel, wobedi paka mic i kawaŋ mugat, paka mic awaŋa ri Rwoth.

Jolevi 4:31

Go lawaro woko bor mere je, paka waro ma mic ma siem, aka jacway ri Were i wi migam lawaŋo i wi migam ri ŋwece kur mamit ri Rwoth. Ameno jacway ri Were i wi migam lamiyo mic ma cwako reco rigo, aka ilacwako rigo.

Jolevi 5:11

To ka ikinyal kelo akuro ario kosa njiwa ario, ilakelo moko m'onuŋere swa kilo acel, paka mic ma cwako reco; Ikir'inywow gi mo kosa buban, kwoŋbedo obedo mic ma cwako reco.

Jolevi 5:12

Ilakelo bongi jacway ri Were i wi migam, aka go lajowo masi acel paka adec mere, to waŋo i wi migam, paka mic m'owaŋ gi mac ri Rwoth. Me obedo mic ma cwako reco.

Jolevi 6:15

Jolajowo moko masi cingi jo kodi mo ma mic ma cemo manyinge, kanyacel gi buban manitie i mac, aka jolawaŋo i wi migam ri ŋwece kur mamit ri Rwoth.

Kwan 5:18

Jacway ri Were i migam bino miyo dhako no cungo ruwaŋ Rwoth to gonyo wiy dheno, to ketho i cingi dheno. I cinge won jacway ri Were i wi migam lamako pi ma gigipiny makec ma kelo kwoŋ.

Kwan 5:26

Jacway ri Were i wi migam bino kwanyo masi acel ma mic ma kodhi, paka adec ma rapoy, to loko yiro i wi migam, aka rumacen to miyo dhako no madho pi.

Tim pa Jomoor 10:4

Go omoro waŋe kwoŋ malaika gi lworo aka owaco ni, “Aŋo jadwoŋ?” Ana malaika: “Were ojolo kwayo perin gi tic perin ma konyo ji, aka onyo opoyin.