Jolevi 10:3 - KITAWO MALEŊ Catholic

³ Musa owaco ri Aron ni, “Me a gima Rwoth owaco: ‘Luwo kwoŋ jono ma jocore bongan, alanyutho leŋo paran, aka ruwaŋ ji je, alalimo dwoŋ.’ ” Aka Aron oliŋaliŋa.

KITAWO MALEŊ

³ Musa owaco ri Aron ni, “Me a gima Rwoth owaco: ‘Luwo kwoŋ jono ma jocore bongan, alanyutho leŋo paran, aka ruwaŋ ji je, alalimo dwoŋ.’ ” Aka Aron oliŋaliŋa.

Jolevi 10:3 Iomraidhean Croise

Cakirok 18:25

Wobedi bor kodin timo nger gino, neko jom'otire kanyacel gi jokidakana, aka jom'otire jolimi gir'acula kanyacel gi jokidakana! Gino wobedi bor kodin! Jathum banja ma piny gibe k'otimi gim'otire!”

Yobu 2:10

To Yobu odwoko ni, “Iluwo paka mon mamiŋ joluwo. Walajolo nyaka bero kende wok i cingi Were m'ongoye raco?” I gime je Yobu k'otimo reco i luwo pere.

Zabuli 119:120

Delkwoŋan kirin ro lworo rin, aka thumo banja perin bwokan.

Zabuli 148:14

Go otieko loko nono pere matek, ŋey ji pere jowonyal pako go Joisiraili ma go lithi gine. Rwoth wopak!

Zabuli 39:10

Ikir'imedi miyan gir'acula, acegin tho gi goco ma wok i cingin.

Zabuli 39:9

Abino cal obadha, akibino luwo wac, kole iŋat'imiyan candirok ama.

Zabuli 46:10

Go waco ni, “Liŋ, aka iŋey ni abedo Were, adwoŋ i dier nonin, adwoŋ i piny gibe.”

Zabuli 89:7

Ilworin i cokirok pa jomaleŋ, aka joje jocungo gi lworo rin.

Zabuli 93:5

Rwoth, cik perin obedo ma cil gi cil, aka Ot perin leŋ adieri, ma cil gi cil.

Kitawo mar'ario mapa Musa m'ilwoŋo ni Wok 14:17

Aka abino miyo Jomisir wictek to joluwo jo i nam, ŋey anwaŋ dwoŋ paran kwoŋ Farawo, jolweny pere, cawilin pere, kodi jogwey kayinin pere.

Kitawo mar'ario mapa Musa m'ilwoŋo ni Wok 14:4

Abino miyo go bedo gi wictek aka go bino luwo win. Abino limo dwoŋ paran kwoŋ Farawo gi jolweny pere je ŋey Jomisir jowonyal ŋeyo ni An Abedo Rwoth.” Aka Joisiraili jotimo ameno.

Kitawo mar'ario mapa Musa m'ilwoŋo ni Wok 19:22

Kiri jocway ri Were i wi migam ma jobino bongan je joripo lokirok macil, kosa abino miyo jo gir'acula.”

Kitawo mar'ario mapa Musa m'ilwoŋo ni Wok 19:24

Rwoth odwoko ni, “Lori piny ikeli Aron kodin. To jocway ri Were i wi migam gi ji jokiripi kalo kew bino bongan, kosa abino miyo jo gir'acula.”

Kitawo mar'ario mapa Musa m'ilwoŋo ni Wok 30:30

Kenyo wir Aron gi wote, aka ikwoŋ jo paka jocway ri Were i wi migam jowotiy ran.

Isaya 39:8

Gikenyo to Hezekia waco ri Isaya ni, “Wac pa Rwoth m'itieko waco ber.” Kole go oyido oparo ni, “Siem gi kwe pa piny labedo i hongo pere.”

Isaya 49:3

Go owaco ran ni, “Ibedo ŋeca paran, Isiraili, ma lakelo ran dwoŋ.”

Isaya 52:11

Eye win, wok win dicel, wikiri wigeyi gimakoc, eye win i dier jo, aka lokere win m'olony, win ma witiŋo atewe pa Rwoth.

Ezekiel 20:41

Alayeyo win paka ŋwece kur ma sangala an, k'anowodhi win wok i dier nonin, aka alacoko win wok i piny kama wikedher'iye. Alanyutho leŋo paran i dier win ruwaŋ nonin.

Ezekiel 28:22

Waci ni, Rwoth Were waco ama: Acomere kodin, awi Sidon, aka alalimo dwoŋ i dier in, ji jolaŋeyo ni An abedo Rwoth, k'athumo banja i iye, t'anyutho leŋo paran.

Ezekiel 38:16

Ilabino lweny gi ji paran Isiraili, paka pondeponde ma umo piny. I hongo ma yuwaŋe, alakelin i cingan ŋey nonin jonyal ŋeyan, kareno joluwo kwoŋin, awi Gog, alanyutho leŋo ruwaŋ jo.

Ezekiel 40:46

aka kisika ma ŋiyo yumalo obedo apa jocway ri Were i wi migam ma jotiyo i wi migam; me jobedo nyikway Zadok, jo kende i dier nyikway Levi ma jonyalo bino cegin gi Rwoth tiyo rigo.”

Ezekiel 42:13

Jacwo no owaco ran ni, kisikin ma yumalo kodi kisikin ma yupiny m'oŋiyere gi diedipo jobedo maleŋ. Kenyo ama jocway ri Were i wi migam ma jobino ruwaŋ Rwoth jolacamo mic maleŋ loyo. Kenyo jolaketho iye mic maleŋ loyo, mic ma cemo, mic ma cwako reco, kodi mic ma cul kwoŋbedo kabedo no leŋ.

Jolevi 21:15

ŋey wokiri wokoc nyithindho pere i dier ji pere; rupiri An abedo Rwoth ma loko go maleŋ.”

Jolevi 21:17

“Luw gi Aron aka i wac rigo ni: Wongoye jacwo kwoŋ nyikwayin i luse pajo gibe manitie gi ŋolo ma wocore cegin miyo cemo pa Were pere.

Jolevi 21:21

wongoye jacwo m'oŋol kwoŋ nyikway Aron jacway ri Were i wi migam ma wocore cegin miyo mic pa Rwoth m'iwaŋo gi mac; go nitie gi ŋolo, aka kiripi core cegin miyo cemo pa Were pere.

Jolevi 21:6

Joripo bedo maleŋ ri Were pajo, aka jokiri jowokoci nyingi Were pajo; rupiri jomiyo mic pa Rwoth, m'iwaŋo gi mac, kodi mugat pa Were pajo; riameno joripo bedo maleŋ.

Jolevi 21:8

Aka witer go paka ŋataleŋ, rupiri go miyo cemo pa Were mewin; go wobedi maleŋ riwin; rupiri An Rwoth, ŋata loko win maleŋ, aleŋ.

Jolevi 22:9

“Onyo riameno joripo kuro cik paran, kosa jolabedo gi reco, to jotho, ka jokoc. An abedo Rwoth, aketho jo gicen paka jomaleŋ.”

Jolevi 8:35

Wilabedo i dhiot ma Wema ma romo odieceŋ gi wor ma ndelo abirio, kuro cik pa Rwoth, ŋey wikiri witho, kole omiyan or.

Kwan 16:5

Kenyo to waco ri Kora kodi wadi je ni, “Odikin Rwoth lanyutho ŋat'obedo apere, kodi ŋataleŋ, kodi ŋat'ilayeyo corok bonge; ŋata go oyer, go layeyo wocore bonge.

Kwan 20:12

To Rwoth waco ri Musa kodi Aron ni, “Rupiri wikiketho geno mewin kwoŋan, ma nyutho leŋo paran ruwaŋ ji ma Isiraili, riameno ik'okeli cokirok me i piny m'atieko miyo jo.”

Matayo 10:37

“Ŋat'omar bamere kosa yokimere loyan k'oripi bedo aparan, odoko bende ŋat'omar wode kosa nyare loyan k'oripi bedo aparan.

Yohana 12:28

Baba, miy nyingin dwoŋ.” Gikenyo dwondi jo moro oluwo wok i polo ni, “Atieko miyo nyingan dwoŋ, kendo abino medo timo ameno.”

Yohana 14:13

Aka abino timo gimoro je ma winokway i nyingan; ameno aka ŋey dwoŋ pa Baba wonyuthere i Wode.

Kitawo mar'abic mapa Musa m'ilwoŋo ni Cik 32:51

Kwoŋbedo wijario je wituro yeyo kodan i dier Joisiraili i pi ma Meriba, cegin gi Kades i thim ma Zin, rupiri wikiteran paka aleŋ i dier Joisiraili.

2 Jothesalonika 1:10

munyo go bino Ndelo no limo dwoŋ wok bongi ji pere maleŋ je, kodi nwaŋo wor bongi jom'oyeyo je. Wibende wibino bedo i dier jo, rupiri witieko yeyo mikwenda ma wakelo riwin.

1 Petero 4:17

Ato ndir otundo ma thumo banja aka lacako gi ji pa Were won. Onyo ka kidho cako gi wan, obedi nedi ri joma jokiyey Wac Manyen Maber ma wok bongi Were?

1 Samwiri 2:30

An Rwoth Were pa Joisiraili oyido atieko cikin kanyacel gi nono perin ni wibino tiyo ran paka jocway ri Were i wi migam hongo je; t'onyo pama Rwoth waco kamaler ni gime doko kinyalere. Abino woro jono ma joworan aka jono ma joteran paka ŋatasisiri, abino tero jo paka gima bukony.

1 Samwiri 3:18

Ameno Samwiri owaco rigo gimoro je m'ongoye gima go okano. To Eli waco ni, “Go obedo Rwoth weyi go wotim gimaber rigo.”

1 Samwiri 6:20

Ameno to ji ma Bethsemes jopenjo ni, “Ŋa manyalo cungo ruwaŋ Rwoth, Were maleŋ me? Kune ma wanyalo dhir'iye go ma kwanyo woko go bongi wan?”