Jofilipi 4:8 - KITAWO MALEŊ Catholic

⁸ Macowe, wutmera, poŋ win i paro mewin gigipiny mabeyo m'ipako me: Gigipiny mar'adieri, ma didwoŋ, m'otire, m'olony, maber amara, kodi maŋon.

KITAWO MALEŊ

⁸ Macowe, wutmera, poŋ win i paro mewin gigipiny mabeyo m'ipako me: Gigipiny mar'adieri, ma didwoŋ, m'otire, m'olony, maber amara, kodi maŋon.

Jofilipi 4:8 Iomraidhean Croise

Cakirok 18:19

Atieko yero go ni wogwok nyithindho pere gi nyikwaye luwo yo pa Rwoth ka jotimo tiro, ŋey Rwoth wokel rigo gim'otieko ciko.”

2 Samwiri 1:23

Saulo gi Yonathan merin aka jomare kanyacel i kwo kiri gi i tho; Jodwir loyo otengo, aka jomeni loyo simbwor.

2 Samwiri 23:3

Were pa Isiraili otieko luwo, tele pa Isiraili otieko waco ran; ka nyatoro dhumo ji gi tiro, dhumo munyo lworo Were,

Zabuli 82:2

“Wiripo weyo thumo banja m'ongoye tiro, wiripo weyo timo nyakucel ri jokidakana!”

Agecin 11:1

Latir ma twodo obedo amien ri Rwoth, to latir m'otire obedo yodirok pere.

Agecin 12:4

Dhako maber obedo delok gi kisangala pa cwore, to dhako ma kelo wickwot ri cwore cal topo ma bedo i coko pere.

Agecin 16:11

Rapim m'otire gi latir jobedo apa Rwoth, peko je ma bedo i mugowa obedo tic pere.

Agecin 20:7

Jono ma jotimo gim'otire jowotho iy'adieri, aka nyithindho ma joluwo jo jobedo josilwany.

Agecin 31:10

Ŋa manyalo nwaŋo dhako ma janyalo? Go diwelo loyo thiwino.

Agecin 31:29

Cwore waco ni, “Mon kweth jotimo maber, t'iloyo joje.”

Agecin 31:31

Foy go ri gima go timo, aka weyi tic pere womiy go dwoŋ i tindi.

Wer pa Solomon 5:16

Dhok go mit, kisi gimoro ma kwoŋe ŋon ran. Me a jamitirok paran, aka me mere paran, awi nyir ma Yerusalem.

Isaya 26:7

Royo pa joma timo gim'otire obipi, iŋat'iloko royo pajo mafoth.

Matayo 22:16

Gikenyo jooro jofonjirok pajo mogo kodi jopa Herode moro bongi Yesu. Jowaco ni, “Jafonji, waŋeyo nike ibedo dhano m'otire: Ifonjo royo pa Were g'adieri, m'ikidew kwoŋ gima ji paro, rupiri ikidew kwoŋ dwoŋ pa dhano.

Mariko 6:20

Herode onwaŋo lworo Yohana, rupiri oŋeyo ni Yohana obedo dhano maber kendo maleŋ. Am'omiyo oyido kuro go ma raco moro di k'onyalo podho kwoŋe. Herode onwaŋo omaro winjo luwo pa Yohana kada nende hongo je cunye onwaŋo waŋo go swa k'owinjo gima go waco.

Luka 16:15

Yesu owaco rijo ni, “Winyuthere ri ji ni wibeyo, to Were oŋeyo cuny win. Kole gima ji paro ni ber m'oasere, ama bedo gim'ongoye kiri gi kony ruwaŋ Were.”

Luka 2:25

I Yerusalem kenyo onwaŋo nitie jal moro ma nyinge Simeo. Go oyido obedo dhano maber m'olworo Were, aka onwaŋo kiyo neno both pa Isiraili, kendo Cuny Maleŋ onwaŋo nigi go.

Luka 23:50

Onwaŋo nitie dhano ma nyinge Yozefu, ma wok i tindi pa Joyuda ma Arimatheya. Go oyido acel kwoŋ jopido kendo dhano maber

Yohana 7:18

Kole ŋata luwo gi meni pere won temo miyirok dwoŋ. To ŋata mito dwoŋ ri ŋat'ooro go meno otire, aka ongoye gi twodo i go.

Tim pa Jomoor 10:22

Jowaco ni, “Jasirikale madwoŋ m'ilwoŋo ni Kornelio ama ooro wan. Go obedo ŋataber ma lamo Were aka Joyuda joworo go swa. Acel kwoŋ jomalaika pa Were owaco rigo nike wolwoŋin i ot pere, wonyali winjo gim'inowaci.”

Tim pa Jomoor 22:12

“Kenyo onwaŋo nitie nyatoro m'ilwoŋo ni Anania, jadin m'owinjo Cik mawan aka Joyuda je ma Damasiko jomiyo go dwoŋ swa.

Tim pa Jomoor 6:3

Am'omiyo, wutmin wan, yeri win cwo abirio i dier win ma wiŋeyo ni jopoŋ gi Cuny Maleŋ kodi rieko, aka wabino ketho jo i tic me.

Joroma 13:13

Wabedi win i kwo m'otire paka ji ma jonitie i lero m'odieceŋ, m'ongoye woro kosa mero, cot kosa kidakana, gorok kosa nyeko.

Joroma 13:3

Kole joma timo gimaber jokilwor jodhum, to joma timo reco ayino ama jolworo. Imito bedo ma bu lworo kwoŋ jadhum? Ere tim gimaber, aka go bino pakin.

Joroma 14:18

Aka ŋata tiyo ri Kristo i royo me Were jolo, odoko ji bende foyo go.

Joroma 2:29

Kucel Jayuda mar'adieri meno m'obedo Jayuda i cunye, m'othumere i cunye, aka meno tic pa Cuny Maleŋ pa Were, makiweno apa Cik m'ondiki. Ŋato limo pak bongi Were, makiweno bongi dhano.

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

2 Jokorintho 13:7

Wakwayo Were ni di wikitim reco, ki ma nyutho ni kono wanyalo gimoro je, to ni witim gim'otire, kada wanocale jom'opodho.

2 Jokorintho 6:8

Imiyo wan dwoŋ, odoko ikwoto wiy wan; iyeto wan, aka odoko ipako wan. Itero wan paka jotwodo, ma to waluwo adieri;

2 Jokorintho 8:18

Aka wadhiro go kodi omin wan m'omiy dwoŋ swa i kitipa pa jom'oyeyo Kristo je ro tic pere ma fonjo Wac Manyen Maber.

2 Jokorintho 8:21

Wamiyere timo gim'otire, ki ruwaŋ Rwoth kende, to i waŋ ji bende.

Jogalasia 5:22

To Cuny Maleŋ nyak gigipiny me: Mar, kisangala, siem, diyo cuny, wor, bero, genirok,

Joefeso 4:25

Riameno, twodo onyo wongoye wok pama. Dhano je ripo luwo ri nyawote gir'adieri, rupiri wajoje wabedo adec m'oriw kanyacel.

Joefeso 5:9

Kole gima kelo lero obedo gigipiny mabeyo, m'otire kodi mar'adieri.

Joefeso 6:14

Am'omiyo cungi win matek, aka adieri ama wobedi del m'othoko pier win, tiro ama wiruki paka kwot ma nyweny i dakoriwin,

Kitawo mar'abic mapa Musa m'ilwoŋo ni Cik 16:20

Tiro, adieri tiro kende, ama wiripo luwo, ŋey winyal kwo to wilunjo lowo ma Rwoth Were mewin miyo win.

Jofilipi 3:1

Aka macowe, wutmera, bedi win gi kisangala i Rwoth. Gik i gim'atieko ndiko con kijokan, aka meno medo gwoko win i yeyo.

Jokolosia 4:5

Bedi win mariek i kite ma witero gine joma fodi jok'oyeyo, munyo wioro hongo ma winigine maber.

1 Jothesalonika 4:12

Meno aka wibino bedo gi kwo m'otire ruwaŋ joma fodi ni woko, ŋey wikiri wibedi ma wicando gimoro.

1 Timothe 2:2

Kwayo ri kerin kodi joman je ma jonitie iy'adhum, ŋey wabedi i kwo m'okwe ma siem, munyo walworo Were aka wabedo gi kite ma ripo.

1 Timothe 3:11

Mon pajo bende joripo bedo ji ma kiti gin otire, ma jokiwerawera gi luwo kicar; joripo bedo jom'oŋeyo kuro nge kendo joma genere i gimoro je.

1 Timothe 3:4

Go ripo bedo ŋata nyalo tic ma peco pere maber, to fonjo nyithindho pere mwolo gi miyo ji dwoŋ.

1 Timothe 4:12

Ikir'iyey moro wocayin ro thino perin, to bedi ranen ri jom'oyeyo, i luwo, i kula, i mar, i yeyo kodi i lonyo ma cuny jo.

1 Timothe 5:10

Kendo go ripo bedo ni oŋeyere ri tic mabeyo: Dhako m'okuro nyithindho pere maber, ojolo ji maber i ot pere, okonyo ji pa Were, okonyo joma ni teko, aka omiyere ri tic je mabeyo.

1 Timothe 5:2

mondongo paka megin, aka mon ma fodi nyir paka nyimin in, gi leŋo je.

Tito 1:8

Go ripo bedo jajoli wendo maber, ŋat'omaro gimaber, ŋata dhumo kwo pere, m'otire, maleŋ, aka jakur cik.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Tito 2:2

Waci ri jodongo jowobedi joma dhumo cuny gin, joma nigi kinen, jomariek; jowobedi jom'ocwiny i yeyo pajo, i mar, kodi iciro teko.

Tito 2:7

Aka in won, i gimoro je, iripo bedo ranen rijo i tic mabeyo, i fonji perin, aka nyuthi jo m'iridho ni ifonjo gim'otire.

Tito 3:14

Ji mawan joripo fonjere timo tic mabeyo, ŋey jowolimi gikonyirok ma noknok aka nyaka jokiri jowobedi gi kwo m'ongoye kony.

Joebulaniya 11:2

Yeyo pajo am'omiyo ji ma hongo m'okadho jolimo pak bongi Were.

Joebulaniya 13:18

Kway win riwan ma wikikeŋ. Waŋeyo ni paro ma cuny wan otire, aka wamito timo gim'otire hongo je.

Yakobo 1:27

Yeyo ma Were Bawan tero paka yeyo m'otire m'ongoye rendirok a me: Kuro nyithindho kic kodi mon ma cwogi jo otho i candirok pajo, gi kurok kwoŋ reco ma piny.

Yakobo 3:17

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.

1 Petero 4:8

To maloyo gimoro je, mare win gi mar madwoŋ, rupiri mari umo reco madit.

2 Petero 3:1

Jowotan m'amaro, me onyo balwa mar'ario ma andiko riwin. I balwin ario me, atemo cewo paro mewin ŋey wicaki paro mathuth.

1 Yohana 3:18

Nyithindho paran, mar mawan wokiri wobedi nyaka adhok won kende; to ripo bedo mar'adieri, ma nyuthere i tim.

1 Yohana 3:3

Nyatoro je manitie gi geno me i Kristo ripo lonyo kwo pere paka Kristo olony.

1 Yohana 4:1

Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

Ruth 3:11

Bowaz omedo waco rigo ni, “Mondo ikir'ibedi gi lworo, alatimo rin gimoro je m'imito, kole jotindi me je joŋeyo ni idhako ma jawor.