Jofilipi 2:3 - KITAWO MALEŊ Catholic

³ Wikiri witim gimoro munyo wilaro dwoŋ, kosa wiyumere kicar; to bedi win gi bwonirok i waŋ jowoti win, munyo witero jo paŋini joloyo win gi dwoŋ.

KITAWO MALEŊ

³ Wikiri witim gimoro munyo wilaro dwoŋ, kosa wiyumere kicar; to bedi win gi bwonirok i waŋ jowoti win, munyo witero jo paŋini joloyo win gi dwoŋ.

Jofilipi 2:3 Iomraidhean Croise

Agecin 13:10

Jodelok jokitim gimoro kwanyo teko, to rieko nigi jono ma jowinjo fonji.

Luka 18:14

Awaco riwin, jal me odok peco munyo otire ruwaŋ Were loyo Jafarisayo no. Ato ŋata won miyere dwoŋ ibino bwono, to ŋata bwonere am'ibino miyo dwoŋ.”

Joroma 12:10

Mare win gi owirok ma cuny paka wutmere i Kristo, odoko bedi win mayil i miyo jowoti win dwoŋ.

Joroma 13:13

Wabedi win i kwo m'otire paka ji ma jonitie i lero m'odieceŋ, m'ongoye woro kosa mero, cot kosa kidakana, gorok kosa nyeko.

Joroma 2:8

Ji man joparo kwoŋ bero pajo wegi to jokwero gim'otire, aka jotimo gima k'otire. Jono Were bino konjo kwoŋ jo keme pere gi jok swa.

1 Jokorintho 15:9

Ato abedo jamoor m'oasa thin kwoŋ jomoor je, ma kiripi kad'alwoŋa ni jamoor, rupiri alwenyo gi kitipa pa jom'oyeyo Were.

1 Jokorintho 3:3

kwoŋbedo fodi kwo mewin obedo manyadel. Ka witimo nyeko wiwegi aka widhawere, meno kinyuthi paka fodi wibedo ji ma kisi ndelo munyo wioro kula mere?

2 Jokorintho 12:20

Alworo ni kono kani atundo kenyo anyalo nwaŋo ni wipokere kodi paka oyido d'ayenyo wibedi, kosa kareno aŋat'apokere kodi paka di wiyenyo abedi. Alworo ni abino nwaŋo widhaw, kosa witimo nyeko, wioro nge kosa witimo mima, winyeko nyingi jowoti win kodi luwirok kicar, pakirok kodi nywowirok.

Jogalasia 5:15

To ka cale pa wikayere aka wicamere p'ogwaŋe meno kere kure win; ameno winyalo rere woko kicutho.

Jogalasia 5:26

Wakiri wabedi ma waparo ni wawegi wacowere, kosa watim kisinye kosa watim nyeko gi joman.

Joefeso 4:2

Bedi win mamwol, ma wimako gigipiny moth, gi diyo cuny, ma wikijoki gi jowoti win, kodi nyutho marok.

Joefeso 5:21

Winjere win paka wiwinjo Kristo.

Jofilipi 2:14

Tim win gimoro je m'ongoye kiŋunyaŋunya kosa piem,

Jokolosia 3:12

Am'omiyo paka wibedo ji pa Were m'oyer, maleŋ aka ma go omaro, onyo bedi win joma ramere ri wadi win, ma winigi cuny maber, bwonirok, mwolo, kodi diyo cuny.

Jokolosia 3:8

To pama wiripo bolo woko kiti gigipiny ma cal meno: Nge, keme, awaca nyingi, nyeko nyingi jo, yet kodi luwo makoc.

1 Timothe 6:4

meno opoŋ gi pakirok kende, aka ongoye gim'oŋeyo. Go nitie g'awanya ma kiber ma piem gi dhaw kwoŋ wac, aka me kelo nyeko, tiakirok, nyeko nyingi jo, kodi ŋico kicar,

1 Petero 3:8

Macowe, wijoje, riwere win i cuny win, bedi win gi wor ri jowoti win, odoko mare win paka wutmere, bedi win gi dewo kodi mwolo ri jowoti win.

1 Petero 5:5

Ameno bende, wijoma fodi soye wiripo winjo jotel mewin gi mwolo. Aka wijoje ruki win mwolo ma tiyo ri jowoti win pa nanga; kole ndiko waco ni, “Were lwenyo gi jopakirok, to miyo joma wegi jobwonere nema.”