Joefeso 3:1 - KITAWO MALEŊ Catholic

¹ Am'omiyo an, Paulo jatwec pa Kristo Yesu ka mewin, win Jopath,

KITAWO MALEŊ

¹ Am'omiyo an, Paulo jatwec pa Kristo Yesu ka mewin, win Jopath,

Joefeso 3:1 Iomraidhean Croise

Luka 21:12

“Mafodi gigipiny me je k'otimere, ibino mako win to icando win; ibino tero win i kalamo pa Joyuda kodi i jiera; ibino tero win i waŋ kerin kodi jodhum ro nyingan.

Tim pa Jomoor 21:33

Jatel okidho bongi Paulo, omako go, to wodho or nike wotwey Paulo gi lijegere ario. Gikenyo go openjo ni, “Me ŋa; kendo otimo aŋo?”

Tim pa Jomoor 23:18

Jasirikale madwoŋ no okwanyo go otero go bongi jatel pa jolweny to waco ni, “Jatwec m'ilwoŋo ni Paulo olwoŋan aka okwayan ni akel jayac me bongin, nike nitie gima go lawaco rin.”

Tim pa Jomoor 26:29

Paulo odwoko ni, “Kada me hongo macek kosa mabor, kwayo paran bongi Were obedo ni in kodi wijoje ma wiwinjan konon ka winyal bedo paka an, to kareno ma k'otwey win gi lijegere ayino.”

Tim pa Jomoor 9:15

Rwoth owaco rigo ni, “Kidhi, rupiri atieko yero go wotiy ran, ma miyo nyingan ŋeyirok bongi Jopath kodi kerin, kodi nyithindho pa Isiraili.

2 Jokorintho 1:6

Ka wacandere, meno ma konyo win kodi ma both mewin; ka okony wan, meno okony win bende aka omiy win meni ma ciro kiti candirok ma wabende waciro.

2 Jokorintho 10:1

An Paulo, agoyo koko riwin; an m'iwaco ni amwol k'anitie gi win, to abedo jamaker riwin ka an bor gi win. Akwayo win gi mwolo kodi ŋono pa Kristo, ni

2 Jokorintho 11:23

Jobedo jotic pa Kristo? K'aluwo pa janeko, abedo jatic maber loyo jo! Atieko tiyo matek loyo jo, atieko bedo i twec ndir mathoth loyo jo, otiek cwadan ndir madit loyo jo, aka atieko bedo cegin gi tho ndir mathoth loyo.

Jogalasia 5:11

To an, wutmera, kere raŋo ma fodi ilwenyo kodan k'inen adieri fodi afonjo ni thumirok yenyere? Kole meno nyutho ni fonji paran kwoŋ musalaba pa Kristo di kikwiny jomoro be.

Jogalasia 5:2

Winji win! An Paulo awaco riwin gime: Ka wiyeyo thumirok, meno nyutho ni Kristo ongoye gi kony moro riwin.

Jogalasia 5:24

Aka joma jobedo apa Kristo Yesu jotieko neko woko kula pajo ma del, kodi icirok mere kodi awanya mere.

Joefeso 3:11

Were otimo ama i can pere ma bu gike, ma go oketho i tim kwoŋ gima Wode Yesu Kristo Rwodhiwan otimo.

Joefeso 3:13

Am'omiyo, akwayo win ni wikiri wirembi, rupiri candirok paran riwin bino kelo riwin dwoŋ.

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.

Joefeso 4:1

Am'omiyo, an m'otweyan ro wac pa Yesu Kristo, akwayo win ni kwo mewin wobedi ma ripo gi lwoŋo mewin.

Joefeso 6:20

Kole abedo jamikwenda ma Wac Manyen Maber kada pama anitie i twec. Kway win ni abedi gi miseni ma luwo wac no paka ripo atimi.

Jofilipi 1:7

Obedo gimaber ran paro ama kwoŋ win rupiri winitie i cunyan. Odoko, wiriwere kodan i nema ma Were omiyan me, ma bedo i twec kodi ma gwoko gi ridho Wac Manyen Maber.

Jokolosia 1:24

Pama onyo asangala gi candirok paran riwin, aka candirok paran i del konyan gi cowo gima fodi odoŋ i candirok pa Kristo ri delkwoŋe, m'obedo kitipa pa jom'oyeyo.

Jokolosia 4:18

An, Paulo, andiko riwin moth me gi cingan won; aka wiy win wokiri wowili gi lijegere m'otweyan me! Weyi nema pa Were wobedi kodi win.

Jokolosia 4:3

Aka kway win bende riwan ni Were woyawi riwan royo ma fonjo mikwenda pere, ŋey watiti nyaliŋliŋ pa Kristo. Kole meno am'omiyo pama anitie i twec.

2 Timothe 1:16

Weyi Rwoth wonyuthi peco pa Onesiforo wor, rupiri go omiyan kisangala ndir madit aka wiye k'okwoti nike anitie i twec.

2 Timothe 1:8

Am'omiyo, ikir'ibedi giwickwot ma luwo kwoŋ Rwoth, kosa wickwot kwoŋan, jatwec pere. Kucel bedi kodan i candirok ri Wac Manyen Maber paka Were miyin meni ma ciro,

Filimon 1:1

Balwa m'owok bongi Paulo, jatwec kwoŋbedo Kristo Yesu, kodi omin wan Timothe. Ri mere mawan kodi jatic nyawoti wan Filimon, kodi kitipa pa jom'oyeyo Kristo ma romo i ot perin,

Filimon 1:23

Epafra, manitie i twec kodan ro tic pa Kristo Yesu, dhiro rin moth,

Filimon 1:9

t'akwayin ayino ro marok mawan kodin. An Paulo, jamikwenda pa Kristo Yesu aka onyo pama jatwec bende rigo,

Menyirok ri Yohana 2:10

Ikir'ilwor candirok macegin bino rin. Awaco rin ni, jwogi bino bolo megi kwoŋ win i jiera paka karatem; candirok mewin bino cowo ndelo apar. Bedi gi genirok tundo tho, aka abino miyin sangaria ma kwo.