Joefeso 2:10 - KITAWO MALEŊ Catholic

¹⁰ Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

KITAWO MALEŊ

¹⁰ Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Joefeso 2:10 Iomraidhean Croise

Zabuli 100:3

Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Zabuli 119:3

Jokitim gima k'otire, to jowotho i yo pa Rwoth.

Zabuli 138:8

Rwoth laketho i kare atoŋa pere ran, mar perin makiwire, Awi Rwoth, bedo cil gi cil, ikir'ijwangi tic ma cingin.

Zabuli 51:10

Miyan adundo macil, Awi Were, aka kethi cuny manyen, m'otire i an.

Zabuli 81:13

Kabedi nende ji paran oyido jowinjan, ka bedi nende oyido joluw cik paran!

Isaya 19:25

ma Rwoth pa lwak jolweny omiyo silwany ka waco ama: “Silwany wobedi ri ji paran ma Misir, Asiria tic ma cingan, kodi Isiraili alunja paran.”

Isaya 29:23

Kole ka go onen nyithindho pere, tic ma cingan i dier go, jolatero nyingan maleŋ; jolamiyo Ŋataleŋ pa Yakobo dwoŋ, aka jolalworo Were pa Isiraili.

Isaya 43:21

Ji m'atimo ri an won, ŋey jowotuci pak paran.

Isaya 43:7

kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

Isaya 44:21

Poyi gigipiny me, awi Yakobo, gi Isiraili, kole ibedo ŋeca paran; acweyin, ibedo ŋeca paran, awi Isiraili, wiyan kinyal wil kodin.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Yeremia 31:33

To me a cikirok m'abino timo gi ot pa Isiraili rumacen ma ndelo no, Rwoth waco. Alandiko cik paran i jo, aka alandiko i cuny jo. Were pajo aka jolabedo ji paran.

Matayo 5:16

Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Yohana 3:21

To ŋata timo gim'otire bino kama dilero, ŋey lero wonyuthi nike go otimo tic pere munyo winjo Were.”

Tim pa Jomoor 9:31

Gikenyo kitipa pa jom'oyeyo i Yuda gipi kodi Galili kodi Samaria obedo gi hola ma siem. Jokonyere aka jodongo i welo ro kony pa Cuny Maleŋ, munyo jowotho i kwo ma lworo Were.

Tim pa Jomoor 9:36

I Yopa onwaŋo nitie dhako m'oyeyo m'ilwoŋo ni Tabisa, (Nyinge i Dhogrik obedo Dokas, dwoŋ mere ni amudhe), m'oyido oro hongo pere je ma timo bero gi konyo jocandi.

Joroma 8:1

Pama onyo kidok kethi banja kwoŋ jomakwo pajo nitie i Kristo Yesu,

Joroma 8:29

Kole joma Were oŋeyo con, bende oyiko rijo kicutho bedo i cal pa Wode, ŋey Wode wobedi okayo i dier wutmin go.

1 Jokorintho 3:9

Kole wariwere kanyacel i tic ri Were, aka wibedo ndelo pa Were kodi geto pere.

2 Jokorintho 5:17

Am'omiyo ka moro nitie i Kristo, go obedo cwec manyen: Gima con okadho woko, manyen ama obino.

2 Jokorintho 5:5

Were am'oyiko wan ri wirok me, aka omiyo wan Cuny Maleŋ ma ridho ni lamiyo wan gimoro je ma go ociko miyo wan.

2 Jokorintho 9:8

Aka Were nyalo miyo win i ŋono pere, gima kalo ma wiyenyo, ŋey ndir je wibedi gi gimoro je ma wiyenyo, kodi ma winyalo konyo gine tic je mabeyo.

Jogalasia 6:15

Ki wac moro kosa dhano othumere kosa be. Kole gimadwoŋ a lokirok cwec manyen ayin.

Joefeso 1:1

Balwa m'owok bongi Paulo jamoor pa Kristo Yesu gi mito pa Were, ri ji pa Were ma jonitie Efeso, jom'oyeyo Kristo Yesu aka jogenere i kwo pajo.

Joefeso 1:4

Con ma piny fodi k'ocwey, go oyero wan bedo apere i Kristo, ni wabedi maleŋ, m'ongoye apuse ruwaŋ go.

Joefeso 2:13

To pama, i Kristo Yesu, win m'onwaŋo win bor, onyo okeli win cegin, ro remo pa Kristo.

Joefeso 2:15

Okwanyo woko Cik pa Joyuda gi thenethene mere gi delkwoŋe, ŋey woloki nonin ario me ji acel i go, to kelo siem.

Joefeso 2:2

I ndir no oyido wiluwo yo mareco manyapiny; oyido wiluwo rwoth ma dhumo ker ma hongo malo, cuny ma pama dhumo ji ma jocayo Were.

Joefeso 2:6

Aka Were ocerino wan gi Kristo, to ketho wan kanyacel gine i kabedo ma polo i Kristo Yesu.

Joefeso 4:1

Am'omiyo, an m'otweyan ro wac pa Yesu Kristo, akwayo win ni kwo mewin wobedi ma ripo gi lwoŋo mewin.

Joefeso 4:24

aka nyaka wiruki kwo manyen, m'ocwey i cal pa Were, i tiro kodi leŋo.

Kitawo mar'abic mapa Musa m'ilwoŋo ni Cik 32:6

Ama apaka wilaculo Rwoth? Awi ji ma jomiŋ, ma jongoye gi rieko! Kosa go k'obedo bawin, go m'ocweyo win, m'otimo win, to bedo cakirok mewin?

Kitawo mar'abic mapa Musa m'ilwoŋo ni Cik 5:33

Wiripo luwo royo ma Rwoth Were mewin omiyo win or luwo, ŋey winyal kwo, winwaŋ bero, aka ŋey winyal bedo gi kwo mabor i lowo ma wikadho lunjo.”

Jofilipi 1:6

Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

Jofilipi 2:13

Kole Were ama tiyo i win, ma miyo wiyeyi aka winyal timo atoŋa pere.

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

Jokolosia 3:10

aka onyo wiruko kwo manyen, ma Were, jacwec mere, hongo je loko manyen i cal pere won, ŋey wokel win i ŋeyo go maber odoco.

2 Jothesalonika 2:17

wopoŋ cuny win miseni to miyo win meni ma timo gi waco gimoro je maber.

1 Timothe 2:10

To jowobedi gi tim mabeyo paka ripo gi mon ma jowaco ni jolworo Were.

1 Timothe 5:10

Kendo go ripo bedo ni oŋeyere ri tic mabeyo: Dhako m'okuro nyithindho pere maber, ojolo ji maber i ot pere, okonyo ji pa Were, okonyo joma ni teko, aka omiyere ri tic je mabeyo.

1 Timothe 5:25

Meno bende apaka, tic mabeyo nenere kamaler; kendo kada jok'othangere kamaler jokinyal panirok.

1 Timothe 6:18

Or jo timo gima beyo, jowoŋaŋ i tic mabeyo, jowobedi jomiyo munyo jopoko gigipiny gi joman.

2 Timothe 2:21

Ka moro olonyo kwo pere kwoŋ gigipiny mareco, go bino bedo acero m'ioro iy'atoŋa madwoŋ, m'oketh gicen ri Rwoth aka nigi kony rigo, rupiri oyikere woor go i tic mabeyo kendekende.

2 Timothe 3:17

Ŋey nyaka dhano ma tiyo ri Were wobedi ŋat'ocowere maber, ma nigi gigipiny ma timo tic mabeyo ma nger je.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Tito 2:7

Aka in won, i gimoro je, iripo bedo ranen rijo i tic mabeyo, i fonji perin, aka nyuthi jo m'iridho ni ifonjo gim'otire.

Tito 3:1

Poyi ji perin ni joripo mwolok ri jodhum kodi rwodhe, winjo jo, gi yikirok timo gimoro je maber.

Tito 3:14

Ji mawan joripo fonjere timo tic mabeyo, ŋey jowolimi gikonyirok ma noknok aka nyaka jokiri jowobedi gi kwo m'ongoye kony.

Tito 3:8

Me wac mar'adieri. Amito ni imedi ridho gigipiny me, ŋey nyaka jom'oyeyo Were jowonyal miyirok i timo tic mabeyo. Gigipiny me beyo odoko dikony ri ji je.

Joebulaniya 10:24

Aka weyi wapar win kwoŋ jowoti wan, munyo wakonyere i nyutho mar gi timo bero ri jowoti wan.

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.

1 Yohana 2:6

Ŋata waco ni go kwo i Were ripo bedo gi tim paka cango apa Yesu Kristo.