Joebulaniya 9:14 - KITAWO MALEŊ Catholic

¹⁴ Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

KITAWO MALEŊ

¹⁴ Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

Joebulaniya 9:14 Iomraidhean Croise

2 Samwiri 4:11

Onyo anomiy kemba madwoŋ nedi ri cwo ma jokidakana ma joneko ŋata bubanja m'oyido nindo i kitanda pere! Onyo pama alaculo kwoŋ win kwor ma neko go aka alareyo woko kwo mewin wok i piny.”

2 Kerin 19:16

Onyo Rwoth, neni gima timere riwan. Ciki ithin iwinji gima Senakerib waco je ma yetin, Were makwo.

Yobu 15:16

To kosa ji ma jomadho reco paŋini jomadho pi, ey, jokitim adieri, aka jobu kony.

Zabuli 51:2

Lwoki woko raco paran, aka lonyan kwoŋ reco paran!

Kitawo mar'ario mapa Musa m'ilwoŋo ni Wok 12:5

Winyalo yero nyathi rombo kosa diel, to joripo bedo ma jokitwo, ma k'oŋol kosa waŋe k'otho.

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 53:9

Oyiki go i kaliel paka jokidakana, oyiki go paka joŋaŋo, makada nende go oyido bubanja, kosa k'oluwo twodo gi dhoke.

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 61:1

Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Ezekiel 45:18

Rwoth Were waco ama. K'acel ma dwe marapena, ilakwanyo rwath m'ongoye gi ŋolo, t'ilonyo Ot pa Were.

Jolevi 22:20

Wikiri wimiy gimoro je manitie gi ŋolo, rupiri kilajolo rin.

Kwan 28:11

Kisi ka dwe manyen cako, wiripo miyo Rwoth mic awaŋa ma rwath ario, wod rombo acel, kodi wot rombo abirio ma jo oro acel ma jongoye gi ŋolo.

Kwan 28:3

Waci rijo ni me mic ma cemo m'owaŋ gi mac ma joripo miyo Rwoth. Wot rombo ario ma jo oro acel ma jongoye gi ŋolo paka mic ma kisi ndelo.

Kwan 28:9

I ndelo ma sabato wiripo miyo wot rombo ario ma jo oro acel ma jongoye gi ŋolo, kilo ario ma moko m'onywow gi mo oliv paka mic ma cemo kodi mic ma vini.

Matayo 12:28

To k'inen ariemo woko jwogi gi meni pa Cuny Maleŋ, nyutho ni kere onyo Ker pa Were otieko tundo bongi win.”

Matayo 16:16

Simon Petero odwoko ni, “In ibedo Kristo Wod Were makwo.”

Matayo 20:28

paka Wod Dhano ma k'obino ka ni wotiy rigo, to ni wotiy ri ji gi miyo kwo pere paka cul ri ji mathoth.”

Matayo 7:11

Kole kada wireco ameno, wiŋeyo miyo nyithindho mewin gigipiny mabeyo. Aka Bawin manitie i polo oloy win didi i miyo joma kwayo go, gigipiny mabeyo!

Luka 1:74

ŋey watiy rigo m'ongoye lworo,

Luka 12:24

Pari win kwoŋ winyin m'ilwoŋo ni agak, jokicwoyi kosa jokec; jongoye gi dero kosa kacoko cemo; Were won ama pidho jo! Onyo wiloyo winyin no gi bero didi?

Luka 12:28

To k'inen Were ruko dudi ma konon nitie to dikin iwaŋo i kidhur yuk, onyo Were k'oruki win loyo dudi no? Apaka yeyo mewin nok ameno!

Luka 4:18

“Cuny pa Rwoth opoŋ kwoŋan, rupiri owiran gi mo ma tito Wac Manyen Maber ri jocandi. Ooran waco ri jom'otwey ni otiek gonyo jo, kendo ri joma waŋ jo otho, ni otiek yawo waŋ jo, aka ri jom'onwaŋo odiy jo ni onyo owey jo i siem.

Yohana 3:34

Ŋata Were ooro, luwo wac pa Were, rupiri Were miyo go Cuny Maleŋ m'opoŋ ma k'obuyo.

Tim pa Jomoor 1:2

cuka ndelo m'oter'iye go i polo. Aka gi meni pa Cuny Maleŋ, omiyo jomoor pere ma go oyero or.

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

Tim pa Jomoor 14:15

“Jume, raŋo ma witimo gime? Wabende wabedo ji paka win! Wanitie ka i atoŋa ma tito riwin Wac Manyen Maber, kwanyo win woko kwoŋ gigipiny me m'ongoye kony bongi Were Ma kwo, m'ocweyo polo gi piny, nam kodi gigipiny je manitie i iye.

Tim pa Jomoor 15:9

Go k'opoko wan gi jo; aka ocwako reco pajo cungo kwoŋ yeyo pajo.

Joroma 1:20

Wok cuka Were cwey piny, kada go won kinenere i meni pere ma cil gi cil kodi i kite ma nyawerewere, gima nyutho ni go nitie nenere i gigipiny ma go ocweyo. Am'omiyo dhano ongoye kodi gigoŋirok!

Joroma 1:4

t'inyutho ji ni go obedo Wod Were gi meni madwoŋ mapa Cuny ma kelo leŋo, munyo ocerino go kwoŋ jom'otho.

Joroma 11:12

K'inen gimarac pa Joyuda okelo silwany mathoth ri piny, aka podho pajo okelo ŋaŋo ri Jopath, onyo ka orwaki jo, silwany no bino thoth marom nedi?

Joroma 11:24

K'inen win Jopath oŋadi win paka jangi yath vini madudi to iriwo win kwoŋ vini m'opidhi peco, gim'oyido kinyalere, onyo Joyuda ma jobedo jangi yath kwoŋ yath vini m'opidhi, jobino bedo mayot nedi riwo jo kendo i kor yath mere won!

Joroma 6:13

Odoko wikiri wimiy gimarac adec ma delkwoŋ win moro woor i timo kidakana, kucel miy win Were kwo mewin, paka ji m'okwany jo i tho t'ikelo jo i kwo, aka miy win go kwo mewin gipi woor i atoŋa m'otire.

Joroma 6:22

To paka onyo otiek theko win gi gimarac to wibedo ŋecin pa Were, bero ma winigine onyo obedo lonyo, ma i gike bino miyo wilimo kwo makirum.

1 Jokorintho 15:45

Am'omiyo ndiko waco ni, “Adam, dhano marapena olimo kwo.” To Adam macowe obedo Cuny ma miyo kwo.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

2 Jokorintho 6:16

Tiyirok aŋo manitie i dier Ot pa Were kodi cal makicar? Kole wabedo Ot pa Were makwo! Paka Were won owaco ni, “Abino bedo i jo to awotho gi jo. Abino bedo Were pajo, aka jobino bedo ji paran.”

Jogalasia 2:19

Ato atieko tho kwoŋ luwo Cik, aka Cik won ama onekan, ŋey akwo ri Were. Otiek guran wi musalaba gi Kristo;

Joefeso 2:5

kad'oyido watho i cuny wan ro turo cik ma waturo, omiyo walimo kwo kanyacel gi Kristo; aka wiboth cungo kwoŋ nema pa Were.

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Kitawo mar'abic mapa Musa m'ilwoŋo ni Cik 15:21

To, ka onwaŋere nike nitie gi raco moro, paka ŋolo, kosa waŋ'otho, ikiripi miyo Rwoth Were perin.

Kitawo mar'abic mapa Musa m'ilwoŋo ni Cik 17:1

Wikiripi miyo Rwoth Were mewin cowirok ma merikwa, kosa rombo, m'oŋol, kole meno obedo amien ri Rwoth Were mewin.

Kitawo mar'abic mapa Musa m'ilwoŋo ni Cik 31:27

Kole aŋeyo maber paka wi jogwenyirok kodi wictek. Ee fodi akwo gi win konon to wigwenyere kwoŋ Rwoth, t'obedi nedi k'atieko tho!

Kitawo mar'abic mapa Musa m'ilwoŋo ni Cik 33:27

Were ma cil gi cil obedo kabwok perin, cinge ma cil gi cil nitie i pendi piny, go lariemo woko jakwor perin ruwaŋin, aka owaco ni, “Reyi woko.”

Kitawo mar'abic mapa Musa m'ilwoŋo ni Cik 5:26

Kole ŋa manitie i del m'otieko winjo dwondi Were makwo luwo wok i mac, paka watieko winjo, aka omedo kwo?

1 Jothesalonika 1:9

Kole joma koro je jowaco paka wijolo wan munyo waliewo win, gi paka wiweyo lamo cal makicar to wigik bongi Were, tiyo ri Were mar'adieri odoko makwo,

1 Timothe 1:17

Ri Kere ma cil gi cil, makitho aka kinenere, m'obedo Were kende, wor gi dwoŋ wobedi cil gi cil. Ameno.

1 Timothe 3:15

To k'agalo, balwa me bino miyin iŋey kite ma waripo bedo gine i peco pa Were, m'obedo kitipa pa jom'oyeyo pa Were makwo, siro kendo cakirok p'adier.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 10:10

Aka Yesu Kristo otieko timo gima Were omito ni go wotim, am'omiyo wajoje onyo oloki wan m'olony kwoŋ reco i cowirok ma go otimo ma delkwoŋe won, dicel kende to kicutho.

Joebulaniya 10:12

To Kristo ocwayo cowirok acel ri reco dicel kende to bedo piny yuracuc pa Were.

Joebulaniya 10:2

Bedi kiti cowirok no oyido nyalo lonyo joma lamo Were makicutho, di ji jok'oweyo tero mic ma cowo reco, kareno jokiwinji banja i cuny jo ro reco kendo? Kole jom'onwaŋo jolamo Were di jolony dicel kicutho, m'ongoye kendo winjo banja i cuny jo.

Joebulaniya 10:22

onyo weyi wacore cegin gi Were, gi cuny wan je, gi yeyo m'ocowere, gi cuny m'otiek lonyo m'odoko kiwinji banja, gi del m'olwok gi pi m'olony.

Joebulaniya 11:21

Yeyo am'omiyo Yakobo omiyo nyithindho pa Yozefu silwany mafodi go k'otho; othenere kwoŋ luth pere to lamo Were.

Joebulaniya 13:12

Am'omiyo Yesu bende otho woko ma waŋkac ma tindi, ŋey wolwoki woko reco pa ji gi remo pere won ma miyo ji leŋo.

Joebulaniya 3:12

Kure win, jowotan, aka moro kwoŋ win wokiri wobedi gi cunye marac ma kiyey ma eye woko kwoŋ Were makwo.

Joebulaniya 6:1

Am'omiyo, weyi wamedere gi fonji m'otegino wawey woko fonji ma cako ma mako kwoŋ Kristo, aka wakiri wagiki kendo i fonji ma cako: Kole wiŋeyo paka wiripo ŋuto kwoŋ tic m'othotho to wimedere gi yeyo Were.

Joebulaniya 7:16

K'okethi go bedo jacway ri Were i wi migam i cik ma mako kwoŋ bol ma nywolirok pa ji; go olokere jacway ri Were i wi migam i meni pa ŋata nigi kwo m'ongoye gike.

Joebulaniya 7:27

Go kicale jodongo pa jocway ri Were i wi migam man; go kiyenyere cowirok wi migam ndelo je: Ni kutho ri reco pere won, aka nyaka wocowere ri reco pa joman bende. Go ocowere wi migam dicel kende to makicutho, munyo go won omiyere paka cowirok.

Joebulaniya 9:12

Kristo k'odonjo i Kabedo Maleŋ Maloyo gi remo diegi kodi roci cwayo jo wi migam; to okwanyo remo pere won ama odonjo gine i kabedo no, aka dicel makicutho, to nwaŋo riwan gine kwo makirum.

Joebulaniya 9:26

Kole di go ocandere dikweth wok cuka cwey piny. To, go onenere dicel makicutho, i gik ndir ma rumacen, ma kwanyo woko reco cungo kwoŋ cowirok ma kwo pere won.

Joebulaniya 9:7

to jadwoŋ pa jocway ri Were i wi migam kende am'oyido donjo i kisika ma iye aka bin timo ameno dicel i oro acel. Go kidonji m'ongoye remo ma go kidho cwayo ri Were kwoŋ reco pere won kodi reco pa ji ma jotimo munyo jokuya nike oyido jotimo gimarac.

Joebulaniya 9:9

Gino oyido obedo cal ma nyutho ndir ma pama. Dwoŋ mere ni cowirok ma mic kodi le m'oyido icwayo ri Were kinyal miyo cuny ŋata lamo Were bedi m'olony kicutho.

1 Petero 1:19

to remo pa Kristo am'ogonyo win, go m'obedo paka nyathi rombo m'ongoye gi ŋolo moro kosa waŋpoyo.

1 Petero 2:22

Ndiko waco ni, “Go k'otimo gimarac moro, aka ongoye twodo m'owok i dhoke.”

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Petero 4:2

Riameno, wok gunyo ni, mito pa Were ama dhumo kwo pere gipi i piny ka makiweno awanya mareco ma del.

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.

1 Yohana 3:5

Wiŋeyo ni Kristo omenyere ŋey wokwany woko reco mawan, aka go ongoye gi gimarac.

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,

1 Samwiri 17:26

Daudi openjo jolweny m'oyido jocungo dho bonge ni, “Aŋo m'ibino timo ri jacwo m'oneki Jafilistia me to kwanyo woko wickwot me kwoŋ Joisiraili? Rupiri Jafilistia ma k'othumere me paro ni go ŋa manyalo cayo jolweny pa Were makwo!”