Joebulaniya 6:2 - KITAWO MALEŊ Catholic

² Watieko fonjo win kwoŋ batisimo kodi ketho cingi jo kwoŋ ji; kwoŋ cerino pa jom'otho kodi thumo banja ma cil gi cil.

KITAWO MALEŊ

² Watieko fonjo win kwoŋ batisimo kodi ketho cingi jo kwoŋ ji; kwoŋ cerino pa jom'otho kodi thumo banja ma cil gi cil.

Joebulaniya 6:2 Iomraidhean Croise

Jafonji 12:14

Kole Were lathumo banja ri kisi tim je, gi kisi gimoro je m'opanere, obedi maber kosa marac.

Isaya 26:19

Ji perin ma jotho jolakwo, delkwoŋ jolacerino. Awi ji ma jonindo i fukefuke, cew win aka wiwer ro kisangala! Kole thoyo mewin obedo thoyo ma lero, aka piny laŋulo jom'otho.

Matayo 28:19

Am'omiyo kidhi win wiloki nonin je jofonjirok paran; wibatisa jo i nyingi Baba gi Wode gi Cuny Maleŋ.

Matayo 3:14

To Yohana otemo juko go ka waco rigo ni, “Iŋat'iripo kibatisa an, odoko ibino bongan ayino!”

Mariko 16:16

Ŋat'oyey t'ibatisa go bino both; ŋat'okwer yeyo ilathumo banja rigo.

Mariko 7:4

Ka jowok i katale jokicem mafodi jok'olwoko kor cingi jo gi pi paka cik waco. Odoko nitie kite man mathoth thoth ma jomako paka lwoko kikopere, degi, kodi atewe.)

Mariko 7:8

Wibolo gicen or pa Were, to wicwire kwoŋ kula pa ji ayino.”

Luka 11:38

Jafarisayo no ouro swa munyo oneno nike Yesu kutho k'ologo paka cik pajo yenyo aka ocemo.

Luka 12:50

Nitie batisimo m'aripo limo, aka rembo paran dwoŋ swa kafodi k'otimere!

Luka 14:14

aka inolimi silwany, rupiri jono mere jok'onyal culin kemba moro, to Were won ama bino culin i ndelo ma jomaleŋ jobino cerino iye.”

Luka 3:16

Am'omiyo Yohana odwoko jo ni, “An abatisa win kodi pi, to nitie nyatoro ma bino ma loyan bor gi dwoŋ, m'akiripi kada lunyo thol war pere. Go bino kibatisa win gi Cuny Maleŋ kodi mac.

Yohana 1:33

An oyido akuya go, to Were m'ooran kibatisa ji kodi pi am'owaco ran ni, ‘Ŋat'inonen Cuny Maleŋ loro piny to pie kwoŋe, meno a ŋata ripo kibatisa ji gi Cuny Maleŋ.’

Yohana 5:29

aka jobino wok kenyo: Joma timo gima beyo jobino cerino to jokwo, aka joma timo reco ibino cerino jo to ithumo banja loyo jo.”

Tim pa Jomoor 10:47

“Nitie ŋata nyalo geŋo jome kwoŋ batisimo ma pi ma to bende jotieko limo Cuny Maleŋ paka wan?”

Tim pa Jomoor 13:3

Munyo jotieko riyo kec kodi kwayo, joketho cingi gin kwoŋ jo to jodhiro jo kadho tic.

Tim pa Jomoor 16:15

Go kodi ji ma ot pere obatisa jo. Gikenyo go olwoŋo wan ni, “Biye win wibedi i ot paran, ka winiaŋ adieri ni ayeyo Rwoth.” Aka go onyalo dwoŋo wan to wakidho.

Tim pa Jomoor 16:33

I hongo ma wor no won, jakur od twec otero jo lwoko adholin pajo; aka go kodi joot pere je obatisa jo mayot.

Tim pa Jomoor 17:18

Joepicura kodi Jostoik moro ma jopiem i wac bende jopiemo gine. Megi jowaco ni, “Jal mamiŋ me onyo bende kwot ni waco aŋo?” Joman jowaco ni, “cale pa go luwo kwoŋ werin moro ma wok loka man.” Jowaco ama rupiri Paulo onwaŋo luwo kwoŋ Yesu kodi cerino pere.

Tim pa Jomoor 2:38

Petero odwoko jo ni, “Ŋuti win reco mewin, obatisa win i nyingi Yesu Kristo, wocwaki reco mewin, aka wibino limo mic ma Cuny Maleŋ.

Tim pa Jomoor 2:41

Ameno ji mathoth ma joyeyo mikwenda pere obatisa jo; ji ma romo gana adek jomedere i kweth pajo i ndelo no.

Tim pa Jomoor 23:6

Munyo Paulo oneno nike jomegi kwoŋ jono oyido jobedo Josadukayo aka joman Jofarisayo, okoko ri jopido ni, “Wutmera, a Jafarisayo aka Jofarisayo ama jonywolan. Anitie i kapido ka rupiri ageno ni jom'otho jobino cerino!”

Tim pa Jomoor 24:15

Abende anitie gi geno kwoŋ Were paka jome, nike ji je, mabeyo kodi mareco, jobino cerino kwoŋ jom'otho.

Tim pa Jomoor 24:21

makiweno gimoro acel kende ama akoko gine munyo acungo i dier jo ni, ‘Wimon kodan nyaka ni rupiri ayeyo ni jom'otho jobino cerino aka am'omiyo wiosa an konon.’ ”

Tim pa Jomoor 24:25

To munyo Paulo ocako gi luwo kwoŋ tiro, kurok, kodi bino pa ndelo ma thumo banja, lworo omako Felik to waco ni, “Ere onyo eye, abino lwoŋin kendo ka alimo hongo.”

Tim pa Jomoor 26:8

Raŋo tek riwin yeyo ni Were cerino jom'otho?”

Tim pa Jomoor 4:2

Nge oyido omako jo ni rupiri jomoor ario no oyido jofonjo ji nike otiek cerino Yesu kwoŋ jom'otho, ma nyutho nike jom'otho jobino cerino.

Tim pa Jomoor 6:6

Jokelo jono ruwaŋ jomoor, to jokwayo rijo, to joketho cingi gin kwoŋ jo.

Joroma 2:16

Onyo, cungo kwoŋ Wac Manyen Maber m'afonjo, me apaka bino bedo i ndelo no munyo Were, i Yesu Kristo, bino thumo banja ri paro manyaliŋliŋ je ma cuny ji.

1 Jokorintho 10:2

Joje jolimo batisimo i pondeponde kodi i nam paka joma luwo Musa.

1 Jokorintho 12:13

Kole wajoje, kada bedi Joyuda kodi Jopath, kosa joma ni siem kodi ŋecin, je Cuny acel am'omiyo wan batisimo i del acel, aka omiy wajoje limo Cuny Maleŋ acel.

2 Jokorintho 5:10

Kole wajoje waripo cungo ruwaŋ Kristo, go wothum riwan banja, ŋey kisi dhano kwoŋ wan wolimi gima ripo gine cungo kwoŋ gima go otimo gi delkwoŋe, maber kosa marac.

Jofilipi 3:21

Go bino wiro delkwoŋ wan manyap ma tho me, to loko ma cale gi delkwoŋe won ma didwoŋ, kareno oro meni ma go nyalo kelo gine gigipiny je i dhum pere.

Jokolosia 2:12

Kole munyo wilimo batisimo, meno kareno oyiki win gi Kristo, aka bende wicerino gi go ro yeyo mewin i meni pa Were ma tic, m'ocerino go kwoŋ jom'otho.

2 Timothe 2:18

Jome jotieko weyo adieri aka onyo jomieno yeyo pa joman munyo jowaco ni cerino pa ji otieko bedo.

Joebulaniya 11:35

Yeyo omiyo ocerino ri mon ji pajo m'onwaŋo jotho. Joman ocandi jo to jokwero woko kiri siem, to jotho i litho ŋey wocerino jo i kwo maber loyo.

Joebulaniya 9:10

Jobedo nyaka cemo, gir'amadha, kodi tim m'omore ma lonyo del. Gino je oyido obedo nyaka cik ma woko, m'onwaŋo tiyo nyaka tundo ndir ma cikirok manyen oyido kidho caker'iye.

2 Petero 3:7

To gi wac no won, polo gi piny ma pama nitie okan jo ri mac; ikuro gi jo ndelo ma thumo banja ri ji ma jokilwor Were t'ireyo jo woko.